สวัสดีจ้า เช้าวันศุกร์พี่น้องบ้านมหาสุคน มื่อนี้น้องอี๊ทมาแบบไทบ้าน ขออภัยท่านที่ฟังภาษาอิสานบ่ค่อยถนัดจ้า เพราะว่าอาหารเจน้องอี๊ทมื่อนี้เป็นแกงลาวจ้า ดัดแปลงมาจากสูตรแม่หยัยตุ๊ คุณแม่ของน้องี๊ทเองจ้า มาเฮาลองมาเบิ่งส่วนประกอบกันเลยจ้า
"แกงลาวบักฟัก(เจจ้า)"
แนวที่เฮาสิใส่ลงไปในแกงกะมี
1 บักฟักเขียว บ้านเฮาเก็บเอาข่างฮั้ว เอามาปลอกเปลือก หั่นต่อนพอคำเด้อจ้า
2 เห็ดเฟียงหรือว่าเห็ดฟางนั่นล่ะจ้า ล้างให้สะอาด ผ่าครึ่ง
3 เต้าหู้เหลือง หั่นพอดี อย่าเล็กไป อย่าใหญ่ไป จ้า เอาไปทอดพอเหลืองๆ ดับกลินเต้าหู้จักน่อย
4 ใบแมงลัก (ผักอีตูลาวบ้านเฮานั่นล่ะจ้า)
5 พริกแกงเจ เต้าเจี้ยว(ใช้แทนปลาร้า) เกลือ ซีอิ้วขาวเห็ดหอมเจ
มาเบิ่งวิธีเฮ็ดเลยจ้า
ตั้งหม้อ ใส่น้ำ ใส่บักฟักลงไป ต้มให้เดือด พอเดือด ใส่พริกแกง ใส่เห็ดฟาง ใส่เต้าหู้ ปิดฝาไว้ พอเดือดปล่อยให้เห็ดสุกก่อน แล้วค่อยใส่เครื่องปรุงทั้งหมดลงไป ปิดฝาไว้ให่หม(ให้ระอุไม่ต้องคนบ่อย) สักพัก ชิมรสชาด ปรุงรสเพิ่มเติมตามใจเราได้เลยจ้า
น้องอี๊ทชิมเบิ่งแล้ว พอตั๊วะข้าวลงคออยู่จ้า อิอิอิ
ตบท้ายด้วยของหวาน หนึ่งบักอึ พูดให้น่ากิน นึ่งฟักทองจ้า
น้องอี๊ทขอจบการทำอาหารเพียงเท่านี้....เชิญแซบเลยจ้า
Bookmarks