มาเบิ่งน้ำท่วมครับ

[ฅนภูค่าว]

ช่วงนี้โคราชบ้านเองฝนตกดีเป็นฮ้ายครับ หลายพื้นที่ในโคราชน้ำท่วม การจราจรในโตเมืองหลายจุดผ่านบ่ได้ เนื่องจากระดับน้ำสูง เซ่นสามแยกจักรราช หรือ สามแยกหัวทะเล รถแมงกะไซค์เมิดสิทธ์ผ่าน
เซ่นเดียวกันแถวหมู่บ้านผมอยู่ หนองปลิง หมู่ที่ 3 ต.หนองบัวศาลา ถ.ราชสีมา – โชคชัย ตรงข่าม เขตอุตสาหกรรม สุรนารี น้ำกะท่วมคือกันหลังจากฝนตกหนัก มื้อวานนี้กับมื้อคืน เฮ็ดให่น้ำท่วมถนนออก
ไปทำงานกันบ่ได่ หลายๆคน บางหมู่บ้านจมอยู่ในน้ำกะมี เลยลุยน้ำหาภาพ มาให่ไทพี่น้องบ้านเฮาได่เบิ่งกัน

ถ่ายจากหน่าบ้านที่ผมพักออกไปทางถนนที่น้ำท่วม

ถนนที่ต้องใซ่เข่าออกไปถนนใหญ่ เพื่อไปเฮ็ดการเฮ็ดงานประมาณกิโลกว่า จมอยู่ใต่น้ำ แมงกะไซค์เมิดสิทธิเทียว

น้ำไหลมาจากทางด้านหลัง บ.โคราชเดนจิ เค2

หมู่บ้านนี่สร่างก่อนกะเลยต่ำ พอน้ำมาแฮงกะเลยมีสภาพจมอยู่ใต่น้ำ

บางเฮือนกะสิใซ้เครื่องสูบน้ำซ่วย

หน่าบ.โคราชเดนจิ น้ำไหลแฮง

รถของหน่วยบรรเทาสาธารณะภัยเริ่มเข่ามาดูแล

รถขนกระสอบทราย เอามาซ่วย

โรงจอดรถกะบ่เหลือ ท่วมคือกัน

[ข้าวปาด]

ทว่มคักอยุ่เด้เนาะ ไปใสมาใสกะยาก ลำบากคักคั่นน้ำทว่ม ขอไห้เข้าสู่ภาวะปรกติไวๆๆเด้อค่ะ

[จำปา]

เห็นสภาพน้ำท่วมแล้ว กะเป็นตาอยู่ยากน้อค่ะ ยิ่งบ้านปูนติดพื้น จั่งได๋กะระวังสัตว์ที่มีพิษเข้าในบ้านแน่เด้อค่ะ น้ำท่วมเขากะบ่มีหม่องอยู่

ขอไห้น้ำลดไว้ๆเด้อค่ะ

[ข้าวต้มมัด]

เป็นตาหลูโตนแท้จ้า คนอยู่แถวนั้น เป็นตาไปมาลำบาก

[ธิดายาเย็น]

น้ำท่วมนี้ ไปไสมาไสกะลำบากเนาะจ้า จั่งได๋กะดูแลสุขภาพนำเด้อจ้า..

[สาวทองแพง]

รักษาสุขภาพนำเด้อจ้า ระวังโรคภัยที่มานำน้ำท่วมจ้า
ขอให้น้ำลดไวๆเด้อจ้า ไป-มาลำบากน้อจ้า

[สาวโคราช]

ป้าด โคราชบ้านเอง คือมาคักแท้

[หนุ่มน้อยเมืองเพชร]

ครับผม อ้ายหนุ่มน้อยเมืองเพชรเป็นกำลังใจให้สำหรับคนหัวอกเดียวกันเด้อ

แต่ทางบ้านอ้ายเซาแล้ว

[บ่าวจีดส์]

คักแท้....ฝากอ้ายฅนภูค่าวขั่นมีเวลาซอยหาข่าวแถวโนนสูงมาฝากแนเด้อครับเด้อ โทรถามผู้เฒ่าก้อบ่เห็นภาพ จังใด๋ก้อเป็นกำลังใจให้เด้อครับเด้อ ให้หายท่วมเร็วๆซิได้ไปไสมาไสสะดวก

[thedon]

นึกว่าจะหนาวแล้วกะยังมาตกส่งท้ายอยู่เนาะครับ จั่งได๋กะขอให้น้ำลดไวๆ ครับ