หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 11

หัวข้อ: เหมันตกาล..คิดถึงกันอยู่มั้ย..

  1. #1
    ศิลปิน นักแต่งผญา สัญลักษณ์ของ พลายแก้ว
    วันที่สมัคร
    Dec 2008
    กระทู้
    630

    เหมันตกาล..คิดถึงกันอยู่มั้ย..

    ยามมื่อลมพานต้อง ตระคองชลเฟือนฝั่ง
    ฟังเสียงน้ำยวกยู้ โยนคลื่นคั่งพระลาน
    ชลธารถาบฟ้ง นทีทองขาดท่อง
    ตระคองน้ำแบ่งบุ้น บัวแบ้เบื่องใบ
    โอ้นอ..ใจของอ้าย คณิงหลายไห้ฮ่ำ
    แสนระกำเกลือกกลิ้ง นอนฮ้องฮ่ำไฮ
    หล่านางเอ้ย.. ปานนี้ไปนอนค้าง ทางแดนไกลหม่องได๋น่อ
    สั่งบ่มาล่ำเยี่ยม พอให้อ้ายอุ่นใจ แน่น้อ..
    หรือว่านงนาถไท้ ซอนซายบ่อดอยาก
    จั่งได้พรากอ้ายไว้ ให้นอนให้ฮ่ำคณิง
    ให้ล่ำหลิงนำแต่หน้า กัลยาผู้งามค่อง
    น้องสิเผยปากอ้า จาต้านต่อผุได๋
    ย่านเด้..ย่านแต่สายใจหล่า สิมีสองสมคู่
    มีผู้ซูซักซ้อน ซอนข้างผ่างหนาว
    ได้แต่ซาวหมอนข้าง หว่างใจพี่ชายหวั่น
    ฤดูกาลเหมันต์ แม่นลืมกันแล้วบ่หล่า แม่นลืมหน้าบ่าวพี่ชาย..ล่ะไป่น้อ..

  2. #2
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    5,708
    บล็อก
    23
    ม่วนๆคือเก่าเนาะบ่าวก๋า(คาม) .. ถ่าให้ผญาตัวแม่มาตอบเอาเด้อจ้า ขะน้อยมาเชียร์ซือๆ .. :l-
    มองต่าง..อย่างปลง

  3. #3
    ศิลปิน นักแต่งผญา สัญลักษณ์ของ หญ้านาง
    วันที่สมัคร
    Jul 2009
    กระทู้
    619
    ลมพัดวีไววาด
    สาดหมอนกะนอนหน่วง
    หนาวในๆเนื้อน้อง
    บาดลมต้องต่อยตี
    สาวผุดีหนาวแข่น
    แขนขาบ่มีก่าย
    คึดฮอดชายเคยเกี้ยว
    กอดกุ้มก่วยกาย
    เป็นได๋ชายบ่มาใกล้
    เป็นได๋ชายบ่มาแว่
    เหมันต์หนาวหน่วงแท้
    เบิดทางแก้สิแผ่กาย.
    ....แท้น้อ มาแจมนำเด้อจ้าอ้าย บ่มวนปานได๋เด้อจ้า ....ฟ้าวเขียนสิไปธุระก่อน...อิอิ

  4. #4
    ศึกษาหาความรู้ สัญลักษณ์ของ ข้าวต้มมัด
    วันที่สมัคร
    Aug 2010
    กระทู้
    986
    เหมันต์ผ่านมาถึงแล้ว ใจน้องแก้วคิดฮอดพี่
    เหลียวเบิ่งหั่นแนมเบิ่งนี้ จักสิลี้ยุหม่องได๋
    หนาวเอ้ยหนาว จั่งมันบาดหัวใจ
    หนาวจับใจคือไข้สั่น ใจสิขาดสะบั้น อกอุ่นอ้ายหน่ายบ่มี
    มองนธีน้ำนี้พร่อง เกิดละอองออกเป็นไอ
    ใบไม้หลายหล่นหล่อน ฮอนเกี้ยงแมนบ่มี
    ปีนี้ตี้มาหนาวแท้ ทรงสิแป่กว่าปีได๋
    มันคือดั่งหัวใจ ช่างอ่อนไหวสายลมต้อง
    ผุเคยคองผุเคยท่า ไปบ่ลามาบ่กล่าว
    ถิ่มให้สาวส่ำน้อย มาหนาวจ้อยบาดหัวใจ แท้แล้วพี่เอ้ย






    ฮ่า ฮ่า มาแจมจ้าเริ่มหนาวแล้ว
    แก้ไขครั้งสุดท้ายโดย ข้าวต้มมัด; 18-10-2010 at 21:54.

  5. #5
    ศิลปิน นักแต่งผญา สัญลักษณ์ของ พลายแก้ว
    วันที่สมัคร
    Dec 2008
    กระทู้
    630
    ขอบคุณครับ พี่น้องที่เป็นแรงใจให้ ขอบคุณทุกๆคอมเมนท์ ปลายฝนต้นหนาวดูแลสุขภาพด้วยนะครับ...:l-:l-

  6. #6
    ร่วมถ่ายทอดความรู้สู่สังคม สัญลักษณ์ของ ทิดจ่อย
    วันที่สมัคร
    Apr 2009
    กระทู้
    773
    ลมหนาวบ่อทันมาดอกบ่าวก๋าคาม น้ำท่วมข้าวอ้ายจ่อมจ่อมอยู่พุ้น
    เป็นตาได้เกี่ยวบ่อดอก

  7. #7
    ศิลปิน นักแต่งผญา สัญลักษณ์ของ หญ้านาง
    วันที่สมัคร
    Jul 2009
    กระทู้
    619
    เหมันต์กาลคลานมาใกล้
    หนาวหัวใจอยู่ฮีฮอน
    คึดออนซอนคนมีคู่
    ได้นอนยู้หยุบกัน
    สาวหญ้านางหนาวสะบั้น
    จิตกะสันใจปั่นป่วน
    คึดฮอดอวนดอกซู้
    บ่มีซ้อนบ่อนสินอน
    คึดมาหลายน้ำตาข่อน
    โห่งหน่วยเทิงหนาว
    ผิวขาวๆเนียนๆ
    บ่าวเผิ่นเลือนบ่มาใกล้......
    อิอิ โฆษณาก่อนจ้า

  8. #8
    ศิลปินแดนไกล สัญลักษณ์ของ chudhancock
    วันที่สมัคร
    Oct 2008
    ที่อยู่
    cambridge, England
    กระทู้
    1,949
    ยามเหมันพัดผ่านล้า หนาวอุราคิดฮอดพี่
    บอเคยมีมื่อสิเว้น อยากเห็นอ้ายอยู่บอเซา
    ฤดูกาลพัดผ่านเข้า หนาวในในคิดฮอดพี่
    ลมพัดตียอดไม้ หัวใจน้องแฮงคิดนำอ้ายเอ้ย

  9. #9
    Maximum learning
    ศิลปิน นักเขียน
    สัญลักษณ์ของ khonsurin
    วันที่สมัคร
    Apr 2008
    ที่อยู่
    ท่าตูม สุรินทร์
    กระทู้
    8,063
    บล็อก
    197

    รออ้ายมาหลายเหมันต์

    อ้ายเอ๋ย...ยามเหมันต์พัดมา ใจน้องหนาร้าวราน
    คิดฮอดอ้าย...หนักหนาพุ่นแหล่ว
    หนาวแสนหนาว...อ้ายเอ๋ยใจนางน้องร่ำ
    ด้วยหวังฮักอ้าย...แต่เพียงผู้เดียว

    วันและคืนที่ผ่าน...บ่ เคยลืมอ้ายได้ลง
    ด้วยใจประสงค์...มอบรักผ่านเหมันต์
    นับคืนนับวัน...รออ้ายกลับมาเยือน
    เวลาเคลื่อน...ผ่านมาหลายเหมันต์...นั่นแหล่ว


    บ่ เห็นอ้ายมา...ย่างสุยหานาง
    ได้แต่ชะแง้หา...แลทางรออ้าย
    ได้แต่เฝ้าทาง...ที่อ้ายเคยย่างกราย
    กะบ่เห็นใจหาย...นางรออ้ายเพียงผู้เดียว...อ้ายเอย







    *********************************


    อิสระ เสรี เสมอภาค




    *********************************

  10. #10
    ศิลปิน นักแต่งผญา สัญลักษณ์ของ พลายแก้ว
    วันที่สมัคร
    Dec 2008
    กระทู้
    630
    ลมเหมันต์มาพานต้อง ฮวงข้าวก่องกะโอนเอน
    มาคึดเห็นหัวใจนาง ที่ห่างไกลไปหลายมื้อ
    ย่านเป็นคือดั่งฮวงข้าว หลงลมบ่าวผู้เขาหล่อ
    คารมล่อหลอกเล่น สิเอนเอื้อนอ่วยตาม แล้วบ่น้อ..
    คิดเห็นบ่น้อใจอ้าย บ่าวพี่ชายคนใจซื่อ
    ไม่เคยดื้อนอกใจนาง กะยังฮักอยู่เด้อน้อง
    กะยังคองคอยแต่เจ้า อีกกี่หนาวสิมาแว่
    อีกกี่ปีที่เปลี่ยนแปร ใจยังแคร์นำแต่น้อง เต็มทุกห้องป่องมโน
    หลายร้อยโลที่ห่างหน้า บ่เคยว่าสิห่างเหิน
    บ่เคยเพลินไปนำไผ เพราะหัวใจมีเพียงเจ้า
    ฝากฟ้าขาวไปห่มผ้า ลมหนาวมาอย่าล้มป่วย
    ขอคนสวยอยู่ดีเด้อ รักและคิดฮอดเสมออยู่เด้อน้อง...

หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •