นี่แหล่วผู้ยิ่งใหญ่ มื่อนี่เลาเป็นซงฟ่าวๆห่าวนำปลาบืน
เอิ้นกะบ่งวก บ่แม่นท่าไหย่ดอกเด้อพี่น้อง
แต่เลาหย่านบ่ทันไปยามต้อน ไปกางดางต่งปลาไว่พ่ะนะ
น้ำมาหลายปลาก็หลากนี่คือวิถีของคนมีอันจะกิน
ในน้ำมีปลาในนามีข้าว ก็ส่ำนี่ล่ะเนาะชีวิต
แลนหนีไปไสกะบ่หม่มก้มบ่หวิดดอก
ช่วงเวลาของควมสุขและการกอบโกยในระยะสั้นๆ
จะเอาอะไรมากมายกับชีวิต ส่ำนี่กะมีแฮงหย่อนยุตั่วเนาะ
ลมเย็นส่วยๆพัดคีงสาวน้อยด้องแด้ง จนใจอ่อนระทวย
บึ๊ย...มีแฮงกายมีแฮงใจขึ้นหลายหย่อนยุตั่วได้ต้อยส่ำนี้กะด่าย
มาเด้อพี่น้องเอ๊ย...มาเสพกลิ่นอาย
เอากำพืดของเจ้าของคืนสู่คีงอุ่นๆนำกัน
ปล.
ภาพประกอบโหลดยังบ่เสร็จ จั๊กเติบไหย่ๆเด้อจั่งมาเบิ่งใหม่
คำเว่ามันไหล หย่านหลงส่นจ่ะของ กะเลยจิ้มมาให่อ่านก่อนซามของขึ้น
รายงานข่าวเหี่ยน ในระยะเผาขนจากเถียงน้อย
สดจากหม่อง ขอภูมิใจนำเสนอ ควันบ่ควันแล่วแต่สิดังไฟ
จากเถียงน้อยทางหัวนาคำยางตลาดดินดำน้ำซุ่มคั่กหลาย
ได้ยินบ่พี่น้องเสียงปลาเล่นน้ำคือแข่แก่งหางพ่วนตั่ว
ฮ่ะฮ่า ขอนอนเว็นเล่นเนตฟังเสียงปลาหยอกกันยุเนี่ยล่ะ
เหลือส่ำนี้ล่ะข้าวตายแล้ง นิ่แล๊วพี่น้อง....
อันควมผุเฒ่าเพิ่นพาวาน้ำท่วมข้าวเห็นแต่ใบวีกะด่าย
ฮิ๊ว...ฝนดีคั่กทางได๋กะด่าย
Bookmarks