---หมากับแมว---

[ข้าวต้มมัด]

ฉันมีหมามีแมว โตนั้นแมนส่ำกัน
แต่ให้ความสำคัญ บ่ท่อกันเด้อพี่น้อง
สำหรับตัวฉันต้อง เจ้าแมวขึ้นมาก่อน
มันเป็นตาออนซอน ต้อนรับดีแท้แท้ บางคนแนะยังอายแมว
สำหรับฉันแมวตัวนี้ เป็นแมวดีแมวเด่น
ส่วนพ่อลูกสามคน นั้นเป็นห่วงตั้งแต่หมา
เทิ่งพ่อลุงแม่ป้า กะเห่อหมาแมนคือกัน
แต่ว่าตัวของฉัน บ่อเห็นมันกะบ่อว่า
คิดเห็นหน้าแต่แมวน้อย อย่านมันผอมย่านมันจ่อย
มันแฮ่งคอยประจบจี้ ต้อนรับดีกว่าแต่หมา



อันว่าแนวหมานั้น มันเห็นไผ๋มันแลนใส่
บ่อจริงใจคือเจ้า แมวนั้นจั่งแมนดี
มีผุเดียวท่อนี้ คือเจ้าของบ่มองอื่น
มันบ่ผืนคำเว้า คอยเฝ้าแต่นาง
นั่นกะนั่งข้างข้าง ตูบตอบหมอบคลาน
เฮ็ดโตน่าสงสาร บัดยามบ่อสบาย
น้ำตาไหลอาบแก้ม แนมเห็นมันก่อนหมู่
เลยได้เป็นคนแรก ที่หิ้วแจ่นไปหาหมอ
หมานี้น้อไปไสจ้อย บ่เห็นฮอยมันจักเทื่อ
บ่อว่าเหนือหรือใต้ มันไปได้หมอทุกทาง
ย่างเลาะเหนือหรือเลาะใต้ คนทางได๋กะฮู้ชื่อ
เพราะมันคือหมาน้อย ประจบแท้แต่อื่นเขา สี่นแหล่วพี่น้องเอ้ย




หมาชื่อ อาเชีย(เห็นหน้าแต่ยามมันหิ่วจ้า) แมวชื่อ บิ๊บบ่า(สิตั้งชื่อให้ใหม่ยุจ้า เจ้าองครักษ์ อิอิ )

[pcalibration]

หย่างบ่แหล่นตับมันสิคอน
นอนบ่เวียนฟ้าสิผ่า สามมื้อคนบ่ด่ามันสิปวดหัวตาย...พะนะ
(หมาไทยเด้อครับบ่ฮู้หว่าหมาฝรั่งสิคือกันบ่น้อ)

[ทิดจ่อย]

อ้ายพีกะส่างไปสังเกตหมาคักปานนั้นน้อ

[ข้าวต้มมัด]

คือกันจ้าอ้าย บ่อยู่บ้านจักเทื่อ เห็นแต่ยามกินเข่าจ้า มีภาพประกอบนำเด้อค่ะ อันภาพเดี่ยวๆ ของอันสองโตบ่มีเด้อค่ะ ติดภาพลูกภาพหลานมานำกะขออภัยจ้า

[kitty]

คนอิหยังเขียนกลอนเก่งแท้
ข้อยอยากมีแมว มีหมาคือเจ้ายุ
แต่ว่าบ่มีปัญญาเลี้ยงมันดอก อิอิ

[หญ้านาง]

นางกะฮักยุจ้าเทิงหมาเทิงแมว แต่บ่มักเล่นนำมันปานได๋ แพ้ขนแมวขนหมาจ้า

[ข้าวต้มมัด]

ที่แรกๆกะบ่ว่าสิเลี้ยงมันจักเทือดอกจ้า แต่เห็นคนเขาเลี้ยงบ่ดี ขนาดว่าเอื้อยบ่ค่อยออนซอนหมาแมวกะยังเลี้ยงดีกว่าคนข้างบ้าน สิบเทื่อพุ้น สงสารมัน