หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 16

หัวข้อ: เป็นห่วงน้องไก่น้อย

  1. #1
    ศิลปิน นักร้อง นักแสดง สัญลักษณ์ของ คนพนมไพร
    วันที่สมัคร
    Jan 2009
    ที่อยู่
    สายไหม
    กระทู้
    579

    เป็นห่วงน้องไก่น้อย

    เจ้าผุแพงศรีสร้อยอยากนำฮอยซุบาดย่าง

    แม่นหนทางสิมื่นล้ม โคมไม้ ไผ่หนาม

    ภูเขาขวงเขตข้ามสิหม่นป่องแปวไป.. กะตามถ่อน

    แม่นน้ำไหลมาพัด ซัดเซ เพ ม่าง

    สิหาทางไปหาหล่า สาวโสภาซื่อน้องไก่

    เมืองโคราชแดนไกล น้ำแห่งไหล ฟ้าแห่งฮ้อง

    คึดนำน้องไก่บ่อเซา น้องไก่น้อยเมืองกาสินธุ์

    ของอ้ายเอ้ย....
    c06: ฮักบ้านมหาคักกะยังว่า

  2. #2
    ฝ่ายบริหารระดับสูง สัญลักษณ์ของ พล พระยาแล
    วันที่สมัคร
    Mar 2008
    กระทู้
    6,430
    ไปซาตี๊อ้าย เจ้าบ่ย่านน้ำถ่วมดัง
    ข่อยย่านเขื่อนเพพัง ดังคำเพิ่นจาต้าน
    ข่าวขับขานมื่อแลงนี้เพิ่นว่ามีพายุใหม่
    เฮ็ดจั่งใด๋บัดนี้อ้าย ตายบัดนี่ล่ะหมู่เฮา
    ซุมหมู่เจ้าที่อยู่สุขสบาย
    อย่าลืมชายตามองซุมหมู่ผองผู้เดือดฮ่อน
    เฮามาซอยกันถ่อนคนละร้อยสองร้อยบาท
    ปาดน้ำตาซุมพี่น่องให้หายข่องทุกข์เซาแนเด้อ
    แก้ไขครั้งสุดท้ายโดย พล พระยาแล; 20-10-2010 at 20:40.

  3. #3
    ร่วมถ่ายทอดความรู้สู่สังคม สัญลักษณ์ของ บ่าวกบินทร์
    วันที่สมัคร
    Apr 2007
    ที่อยู่
    ซุหม่อง...ที่ไป..!!!
    กระทู้
    598
    .......
    น้ำสิท่วม พายุสิสิลง กะยังสิไปยุบ้ออ้าย....
    แวะมาฮับให้ไปนำแหน่เป็นหยัง.........

  4. #4
    ร่วมถ่ายทอดความรู้สู่สังคม สัญลักษณ์ของ Boom69
    วันที่สมัคร
    Aug 2007
    ที่อยู่
    Khon kaen ThaiLand
    กระทู้
    960
    บล็อก
    4
    ป๊าดดดดดดดดดดดด
    สาวกะสิน อ่านแล้วกะคิดนำเด้

  5. #5
    ศิลปิน นักร้อง นักแสดง สัญลักษณ์ของ คนพนมไพร
    วันที่สมัคร
    Jan 2009
    ที่อยู่
    สายไหม
    กระทู้
    579
    กระทู้ต้นฉบับโดยคุณ บ่าวกบินทร์
    .......
    น้ำสิท่วม พายุสิสิลง กะยังสิไปยุบ้ออ้าย....
    แวะมาฮับให้ไปนำแหน่เป็นหยัง.........
    ไปกะมาตี้ละป้อมขั่นน้องยอมถิ่มงานก่อ

    งานกะแห่งเล่งป้อนเทิงจ้อนสิเล่งขาย

    เว้าเถิงสาวบ่อได้หน่ายคนหล่อสำพอคัก
    ยามเว้าเถิงของมัก หือ มาหน่ายคนแท้น้อนี่

    "ปะ..ซั่นน่า ..ขึ้นรถมื้ออื่นจั่งมาเฮ็ดต่อ
    c06: ฮักบ้านมหาคักกะยังว่า

  6. #6
    ฝ่ายเทคนิค และถ่ายทอดสด สัญลักษณ์ของ อาวอ้วนเมืองยศ
    วันที่สมัคร
    Apr 2010
    ที่อยู่
    เมืองบั้งไฟ
    กระทู้
    1,513
    ตอบคือเพิ่นบ่ได้ แต่ว่า เอาใจซ่อยพี่น้องทางโคราช และ ผู้ที่เดือดร้อนย้อนน้ำท่วมทั่วประเทศเด้อครับผม

  7. #7
    Super Moderator สัญลักษณ์ของ ไก่น้อย
    วันที่สมัคร
    Aug 2006
    ที่อยู่
    นครโคราช
    กระทู้
    4,928
    บล็อก
    8
    ได้ฟังคำคนใกล้ คนพนมไพรมาข่าว
    ใจผั่นห่าวยุจ้าวๆ ทั่งหลงยิ้ม กะพ่องกัน
    ขอบคุณหลายน้ำใจอ้าย ย่างกายมาถามข่าว
    สาวอินางน้ำท่วมบ้าน คำสิต้านกะบ่มี อ้ายเอ้ย...
    จักสิโทษดิน หรือฟ้า ชินชาตามาพ้อพบ
    จบบ่ลง ปลงบ่ได้ เหลี่ยวทางใดเห็นแต่น้ำ
    ใจน้องกะเมื่อยนำ คำอิแม่ เอ้ย ......


    ขอบคุณทุกๆแรงใจที่มีมาให้ไทโคราช เด้อจ้า หนักหนาสากรรจน์ ขนาดจ้าปีนิ ไก่กะบ่เคยพ้อจักเทื่อ




    กระเบื้องจะฟูลอย น้ำเต้าน้อยจะถอยจม เมฆจะหล่นฟ้าปลาจะกินดาว ลาวจะครองเมือง ::)

  8. #8
    ฝ่ายกิจการพิเศษ สัญลักษณ์ของ กำพร้าผีน้อย
    วันที่สมัคร
    Apr 2009
    ที่อยู่
    รัตนาธิเบศร์..ใกล้แยกแคราย
    กระทู้
    1,788
    ..เว่าผญาคือเพิ่นบ่เป็น แต่กะเป็นห่วงยุ ย่านน้องไก่เลาลงเล่นน้ำหนา
    เป็นตาแดงมากะสิยากอีกหละ....55

    ..ท่วมซ่ำนี่บ่ย่านดอกเนาะไก่ ทางบ้านเฮาแต่ก่อนแฮงท่วมคักได้หอบของหนีไปอยู่โคกใหญ่...

  9. #9
    ศึกษาหาความรู้ สัญลักษณ์ของ ข้าวต้มมัด
    วันที่สมัคร
    Aug 2010
    กระทู้
    986

    ตอบ อ้ายบ่าวพนมไพร+อ้าย พล พระยาแล จ้า

    อ้ายพนมไพรเอ้ย ไปยามโลดอ้ายน้องไก่
    คันบ่ย่านได้นั่งไห้ เกาะขอนไม้น้ำพัดพา
    ฝากหัวใจของนางหล่า ไปถามหาเลานำแน่
    บอกว่าน้องนี้สิแย่ ย่านไก่น้อยน้ำพัดไป เด้อชายเด้อ เด้อๆๆชายเอ้ย

    (เรียนแบบอ้ายทิดจ่อยก่อนท่อนนี้มวนดี อิอิ)



    อ้ายพลเอ้ย นางกะว่ายุอ้าย ท่าพี่ชายสิออกข่าว
    ให้ชาวพวกพี่น้อง บ้านมหานี้มาซ่อยกัน
    นางกะคิดแต่นำอ้าย(กึ่ม) ชายของนางยุหวั่งวั่ง
    สั่งแล้วสั่งวันก่อนนั้น ให้คุณพี่เตรียมข้าวของ
    อย่าได้นอนให้จม ติดแต่ลมฝันบ่ส่วง
    ให้เลาห่วงเร็วเข้า หอบเอาลูกและเมีย
    แก้ไขครั้งสุดท้ายโดย ข้าวต้มมัด; 22-10-2010 at 02:44.

  10. #10
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    5,708
    บล็อก
    23
    ทางเลาะบ้านไก่กะท่วมตินาง คือเป็นตะหน่ายแท่ะ ท่วมบ้านคนนำสิพากันอยู่จั่งได๋น้อบาดนิ ไทบ้านจัดสรรเลาะนั่นแฮงหลายแม่ะ.. เอาใจส่อยสู้ให้รอดผ่านเหตุการณ์ไปได้เด้อน้อง..จั่งว่ากันต่อหลังไมค์เนาะ ..
    มองต่าง..อย่างปลง

หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •