หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 14

หัวข้อ: ขนมจีนแกงไก่,วุ้นเส้นผัดไทย

  1. #1

    ขนมจีนแกงไก่,วุ้นเส้นผัดไทย

    2เมนูนี่กินยามใด๋กะบ่เบื่อ...คนมักกินเส้นเนาะ...อิอิ...เลยเอาสูตรมาฝากพี่น้อง เพื่อเป็นแนวทาง
    บ่จำเป็นต้องเฮ็ดคือต้นฉบับเพิ่นเป๊ะๆดอก เฮามักกินหยัง ในครัวมีแนวใด๋ กะขนใส่ๆเข้าไปโลด
    ขอตั้งอีกจัก2-3กระทู้ ก่อนสิบ่มีเวลาเล่นเน็ตเนาะจ้า...ถืกส่งโตไปอบรม(เรียนเพิ่มเติม)ข้ามปีเลยหละจ้า2เดือนกว่าๆ
    เว้ามากะคร้านแต่ยังบ่ทันได้เริ่มเลยหละข่อย...จ่มคร้าน100เทือ ข่อยกะออกบ้านไปตามหน้าที่100เทือคือเก่าหละจ้า สู้ๆๆๆ

    ขนมจีนแกงไก่,วุ้นเส้นผัดไทย

    เอาหละ มาเริ่มต้มเส้นขนมจีน แฮ่ๆ อยู่ไทยซื้อโลด โลละ18บาท ง่ายขนาด
    มาเบิ่งเครื่อปรุงแกงเผ็ดไก่เลยจ้า
    เนื้ออกไก่ลอกหนังถิ่มโลดหั่นชิ้นพอคำ จำนวนกะตามคนกินหละจ้า ติ๋มใช้แค่ชิ้นเดียว กินผู้เดียว
    พริกแกงเผ็ด ติ๋มใส่แค่1ช้อนโต๊ะ กินเผ็ดบ่ค่อยได้นะจ้า
    หน่อไม้หั่นเส้นต้มจัก20-30นาที..
    หมากเขือเปราะผ่า หมากเขือพวง ถั่วฝักยาว พริกแดง เขียวหั่นแฉลบ ซูกินีหั่นพอคำเคิ่งลูกจ้า ใบหมากกรูดฉีก
    กะทิ1กระป๋องเล็ก...เลือกเอาชนิด Light เด้อจ้า...นอกนั่นเติมน้ำ/กะทิสดๆเลยกะได้จ้า ตามชอบ
    เกลือ,น้ำตาลปี๊บ,ซีอิ๊วขาว ปรุงรส

    ขนมจีนแกงไก่,วุ้นเส้นผัดไทย

    เริ่มแกง เอากะทิใส่กระทะผัดพริกแกงจนแตกมัน/หอม ใส่ไก่ ผัดต่อ พอไก่เริ่มสุก ปรุงรส
    แล้วใส่หน่อไม้ เติมกะทิที่เหลือ ถ้ายังบ่มีน้ำพอ ติ๋มเติมน้ำจ้า เพื่อสุขภาพเจ้าของนำหนี่หละ
    ต้มต่อจนเดือด...ใส่หมากเขือพวง หมากเขือเปราะ ถั่วฝักยาว ซูกินี พริก พอเดือดอีกเทือ ชิมเบิ่ง ขาดหยังกะเติมแหล่ว
    แล้วกะปิดไฟ ใส่ใบหมากกรูดฉีก

    ขนมจีนแกงไก่,วุ้นเส้นผัดไทย

    ตักใส่ถ้วยเสริ์ฟกับขนมจีนแซบๆจ้าพี่น้อง แกงหม้อนี่กินอยู่2มื้อ เบิดบ่เบิดกะบ่กินอีกแล้ว...ขนมจีนแกงไก่,วุ้นเส้นผัดไทย

    ขนมจีนแกงไก่,วุ้นเส้นผัดไทย
    มาถึงวุ้นเส้นผัดไทย
    ติ๋มเคยลงสูตรผัดไทยแบบเส้นจันทร์ไปแล้ว คล้ายๆกันหละจ้า เพียงแต่เปลี่ยนเส้นจันทร์มาเป็นวุ้นเส้นทอนั่นหละ
    แต่วุ้นเส้นนี่แซบกว่าขอบอก...มาเด้อพี่น้อง แซบๆแบบอาหารจานเดียว ง่ายๆนำกัน....
    แก้ไขครั้งสุดท้ายโดย ติ๋ม เปอร์โย; 27-10-2010 at 02:24.
    คนที่กล้าจะพ่ายแพ้เท่านั้น...ที่จะประสบความสำเร็จอย่างยิ่งใหญ่

  2. #2
    ร่วมกิจกรรมนำความรู้ สัญลักษณ์ของ เซียนเมา
    วันที่สมัคร
    Jun 2009
    ที่อยู่
    Suratthani
    กระทู้
    1,450
    มีตะแนวเป็นตาแซบเนาะเอื้อยติ๋ม
    (มื้อได๋น้อสิเฮ็ดน้ำยาปลาค่อแหน่อิอิ)

  3. #3
    ร่วมถ่ายทอดความรู้สู่สังคม สัญลักษณ์ของ จำปา
    วันที่สมัคร
    Nov 2009
    กระทู้
    1,367
    น่ากินแท้น้อค่ะ ขอผัดไทยจานหนึ่งเด้อค่ะ

  4. #4
    ไคแน่แล้วบ่จ้าพี่ติ๋ม จังได้มีเมนูแซบๆมาต้อนพี่น้องจ้า
    ข้าวปุ้นแกงไก่ตะแซบน้อจ้า ผัดไทกะตะแซบ ชิมนำแน่เด้อจ้า
    เมื่อความจนผลักไส ดิ้นรนเท่าไรยิ่งไกลบ้าน

  5. #5
    แบ่งปันความรู้และประสบการณ์ สัญลักษณ์ของ มะเหมี่ยว
    วันที่สมัคร
    Jan 2010
    ที่อยู่
    สุดประจิมที่ริมเมย
    กระทู้
    858

    รอบยิ้มพิมใจ

    :*- บึยยยยยเห็นแล้วน้ำลายใหล ตะว่าma..เหมี่ยว มักแกงไก่แบบบ้านเฮาจ้า ข้าวปุ้น-แกงไก่งานบุญเดือน4 แซบคัก เว่าแล้วกะสิเฮ็ดกินซะดอกมื่ออื่น อิอิอิ :1- :1-

  6. #6
    ศึกษาหาความรู้ สัญลักษณ์ของ บ่าวจีดส์
    วันที่สมัคร
    Apr 2010
    กระทู้
    349
    ของมักเลยครับขนมจีนแกงไก่....แต่บ่เคยเฮ็ดกินจักเทือ ได้ตะซ้ือแกงเขียวหวานเอา ขอบคุณครับสำหรับสูตรเฮ็ดแต่ซิเฮ็ดตามได้บ่น้อ

  7. #7
    ผู้ช่วยผู้ใหญ่บ้านมหา สัญลักษณ์ของ nuzing
    วันที่สมัคร
    May 2007
    ที่อยู่
    ตกฟากอยู่อุบล เป็นคนชราบางแคแล้ว
    กระทู้
    2,260
    บล็อก
    5
    :b-b:b-b หล่าเฮ็ดหยังกะเป็นตาอยากตากิน เป็นบุญปากซุมอยู่ใกล้หละเนาะคือสิบ่ได้เฮ็ดหยังกันดอกเบิ่งซงแต่งแต่กินอยู่เบิ้ดมื่อ อยู่ใกล้ๆกะสิสมัครใจไปล้างถ้วยให้ซุมื่อหละหล่า...(กล้องที่ถ่ายคือบ่เบลอๆคือกล้องไท ญป. )
    "ใจประสงค์สร้างกลางดงกะหว่าถ่ง ใจขี้คร้านกลางบ้านกะหว่าดง"

  8. #8
    International chef สัญลักษณ์ของ สะใภ้อิสาน
    วันที่สมัคร
    Dec 2008
    กระทู้
    1,565
    บล็อก
    4
    เห็นมะเขีอแล้วอยากกินมากๆ ทางนี้อดยากมากคะ มะเขือไทยโดนแบน ห้ามนำเขา
    หากินไม่ได้ ผัดไทยวุ้นเส้นไม่ได้กินนานแล้วลืมไปเลย ขอสักจานนะคะ น่ากินจังคะ

  9. #9
    ฝ่ายกิจการพิเศษ สัญลักษณ์ของ กำพร้าผีน้อย
    วันที่สมัคร
    Apr 2009
    ที่อยู่
    รัตนาธิเบศร์..ใกล้แยกแคราย
    กระทู้
    1,788

    ...มักกินเส้นคือกัน..
    แม่ครัวใหญ่เพิ่นจัดมา หน้าตาอาหารให้เต็ม 100 เลยติ๋ม รสชาติกะคือสิแซบ
    กระตุ้นต่อมหิวอีกแล้ว . ปลาส้มที่เฮ็ดไว้ยังบ่ลืมเด้อ ถ่าซอมอยู่ ว่าสิทอดมาสู่กินยามได๋...


  10. #10
    ฝ่ายเทคนิค และถ่ายทอดสด สัญลักษณ์ของ อาวอ้วนเมืองยศ
    วันที่สมัคร
    Apr 2010
    ที่อยู่
    เมืองบั้งไฟ
    กระทู้
    1,513
    โอ้ยหน้าตาอาหารเพิ่นแมะ เป็นตาแซบคักแท้น้อบาดนิแมะอยากนำเด้ครับ

หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย

Tags for this Thread

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •