หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 17

หัวข้อ: ฮักจาง หาทางเลิก

  1. #1
    ศิลปินแดนไกล สัญลักษณ์ของ chudhancock
    วันที่สมัคร
    Oct 2008
    ที่อยู่
    cambridge, England
    กระทู้
    1,949

    ฮักจาง หาทางเลิก

    พี่ซายเอ๋ย ตั้งแต่กี้พี่ยังว่ามายๆ พอน้องเบิ๊ดความหมาย
    โตพี่ซายสิลาเว้น บอกน้องเป็นครั้งสุดท้าย ฟังเสียงซายอ้ายมาเอ่ย
    ขอเลิกเลยแต่มื่อนี่ บอมีแล้วเรื่องฮักกัน ฟังอ้ายเว้ามาจังซั้น
    ใจน้องสั่นปานสิตาย หูตาลายเป็นลมเลย ปานบอเคยได้เคียงใกล้
    น้ำตาไหลยืนหูอื้อ อ้ายมาคือเว้าไปทั่ว ซ่างตั๋วหลอกล้อ
    ซ่างมาต้มหลอกกัน หัวใจนางแทบสะบั้น ขอสาบานไว้กับพี่
    ซาติหน้ามีขอฮักอ้าย แมนตายซ้ำกะส่วนยอม อ้ายเอ้ย
    แก้ไขครั้งสุดท้ายโดย พล พระยาแล; 26-10-2010 at 11:10. เหตุผล: แก้คำผิด

  2. #2
    ร่วมถ่ายทอดความรู้สู่สังคม สัญลักษณ์ของ Boom69
    วันที่สมัคร
    Aug 2007
    ที่อยู่
    Khon kaen ThaiLand
    กระทู้
    960
    บล็อก
    4
    นับหนึ่งใหม่ถ้าใจติดลบ....ล้มทั้งยืน..ดีกว่าล้มไม่เป็น

    เป็นกำลังใจให้นะค่ะ...

  3. #3
    แบ่งปันความรู้และประสบการณ์ สัญลักษณ์ของ prayoon
    วันที่สมัคร
    Jul 2010
    ที่อยู่
    จ.นครปฐม
    กระทู้
    114
    บล็อก
    3
    อำลำคึดนำเจ้าอำลำ คึดนำคนใจดำมาป๋าหนีจาก ความทุกข์ยากขึ้นอยู่กับไผ ใจของคนซ่างลืมลงได้
    เคยจาตาน คำหวานเว้าต่อ ก่อขึ้นไว้หนีไกลไลจาก ฝากแต่คำเว้าไว้หนีไปซ่นอยู่ไส
    เคหาห้องเฮือนซานบ้านเก่า สายสัมพันธ์ข่อยเจ้า มาลืมได้จั่งใด๋
    ทุกข์นี้ทุกข์ย้อนไผ ให้กะให้ย้อนเจ้าเอ้าอั่งคะนิงหา หนักๆมาน้ำตานองแก้ม
    แนมไปเรื่อยนำป่องแปวทาง ใจบ่วางถ่ารอจนแล้ว ขี่ม้าแก้วหนีไปบ่คืนต่าว ตั๋วให้คนปวดร้าวนอนเศร้าอยู่ผุเดียว

    เขียวเอ้ยเขียวใบชา น้อยเพราะวาสนาบ่ได้เป็นเนื้อคู่ บุญสร้างบ่ได้มาค้ำชู เจ้าผุแก้มตูหลูจึงหนีไปไกลตา
    บุญพาวาสนาไม่ส่ง รักไม่สมประสงค์จึงเหี่ยวแห้วโรยรา เจ็บปวดรวดร้าวหนักหนา สุดจะพรรณาหาคำบรรยาย

    ยังบ่สายดอกเจ้า ให้คืนมาโค้งอ่วย คืนมาเอาปลาหมอใหญ่ เจ้าใส่ไซถิ่มไว้ ปล่อยไผกู้บ่เสียดาย....เป็นรือ..
    แก้ไขครั้งสุดท้ายโดย prayoon; 26-10-2010 at 09:24.

  4. #4
    ร่วมถ่ายทอดความรู้สู่สังคม สัญลักษณ์ของ ทิดจ่อย
    วันที่สมัคร
    Apr 2009
    กระทู้
    773
    โอ้ย...ที่อ้ายบอกเลิกนั้น ทางเหตุผลหากหลายอยู่
    บ่อแม่นมีผุใหม่ซ้อน แต่โตอ้ายบ่อคู่ควร
    อยากให้นางมีสุขล้วน กับเผิ่นผุมาหลัง
    ผุ้เผิ่นมีเงินถัง ที่สิอยู่ดูแลได้
    ทางโตอ้ายสิขอลี้ ให้น้องมีสุขขีบ่ออยากเป็นโตถ่วง
    ขออำลาดวงสมรน้อง ซาติหน้าจั่งว่ากัน .....

  5. #5
    ศิลปิน นักแต่งเพลง สัญลักษณ์ของ ธีระปลัด
    วันที่สมัคร
    Oct 2009
    กระทู้
    529
    บล็อก
    8
    มาจอบอ่านแล้ะกะเป็นกำลังใจให้ครับป้า สบายดีเนาะครับผม

  6. #6
    ฝ่ายบริหารระดับสูง สัญลักษณ์ของ พล พระยาแล
    วันที่สมัคร
    Mar 2008
    กระทู้
    6,430
    ป้าลำซิ่งเอ้ย ตั้งแต่กี้หลานฮักป้าแมนจั่งใด๋
    แมนเวลาสิกายไปบ่ลาลัยดอกเด้อป้า
    ใจหลานยังคอยถ่ารอเวลาทุกเซ่าค่ำ
    มานั่งถ่าฟังลำอยู่หน้าคอมพ่อว่อใจจ้นจ้ออยู่ผุเดียว

    หนทางเทียวสายนี้ มันเงียบเหงาเป็นจ่างป่าง
    ใจมันเป็นอ้างว้าง คือเพม้างดอกห่างกัน
    ถึงกระนั้นกะยังคิด ฮอดเถิงกัน
    คงสิมีสักวันจั่งสิมาดอกจาต้าน...ดอกเด้อป้า

    (โอ้ย...หาหม่องลงบ่ได้ ฮ่า ๆ ๆ)

  7. #7
    ศิลปินแดนไกล สัญลักษณ์ของ chudhancock
    วันที่สมัคร
    Oct 2008
    ที่อยู่
    cambridge, England
    กระทู้
    1,949
    โอ้ยหลานบู๋มเอ๋ย ชาติแต่กี้ คงสิมีกรรมเก่า หลายเรื่องราวเคยเฮ็ดไว้ จังมาใช้ดอกหนีกรรมนี่แหล่ว อิอิอิขอบใจหลานที่แวะเข้ามวนมาเป็นกำลังใจให้ป้า


    หลานประยูณเอ๋ย จังแมนเพียงสำเนียงเว้า เอาคารมเข้ามาว่าน แมนอาจารย์ซั่นบอเจ้า
    มาคือเว้าได้มวนหลาย แท้น้อ


    หลานทิดจ่อยเอ๋ย ป้านั่นเคยได้จ๋าเว้า ถึงความเก่าเฮาฮักกัน
    คือมาหักเอากลางคัน สายสัมพันบอยังแล้ว บอแมนแนวสิมาม้าง
    เปิดหนทางให้คนอื่น ป้าเลยยืนอ่าวโอ้ มะโนตึ้ง ได้กึ่งคอน แท้น้อ


    หลานธีระปลีดจ๋า มาๆเจ้า เว้านิดหน่อยก็ยังดี มาพอมีกำลังใจ ป้าก็ดีใจแล้วอิอิอิอิ


    หลานพลเอ๋ย ทุกเรื่องราวแต่คราวนั่น มันฟังใส่ในสมอง
    ขอรับรองเป็นเรื่องจริง บอแมนอิงเอามาอ้าง ทุกสิ่งอย่างยังคือเว้า
    ยังคือเก่าบอลัยหลง ยังมั่นคงต่อหลาน บออาจหาญสิลืมได้
    ขอขอบใจในวันนี่ หลานพาทีมาต้านเอ่ย หลานพลเอ๋ย ป้าสุดซึ้ง
    มันแสนอึ้งอยู่บอวายแท้แหล่ว

  8. #8
    ศิลปิน นักแต่งผญา สัญลักษณ์ของ หญ้านาง
    วันที่สมัคร
    Jul 2009
    กระทู้
    619
    ฮักมาลางจางเชื้อ
    เกลือน้ำปลาหมากนาวใส่
    หัวหอมพริกหยิกใส่พร้อม
    ข้าวคั่วป้อมพร้อมสิซิม
    ....เด้อจ้าแม่ 5555555 รับรองบ่มีมื้อจางจ้าแม่

  9. #9
    ร่วมถ่ายทอดความรู้สู่สังคม
    ช่างภาพอิสระ
    สัญลักษณ์ของ ดอกมันปลา
    วันที่สมัคร
    Sep 2008
    ที่อยู่
    Roi Et City
    กระทู้
    296
    บ่อยากไกลจากหน้า หรือเลิกลาไปไกลอื่น
    บ่อยากลาจากเจ้า หรือหนีช้นก่นหาย
    แต่ว่าชีวาอ้าย ของพี่ชายเบิดคุณค่า
    หลีกวิวาให้เจ้า กับเขานั้นผุคู่กัน
    ส่วนว่าโตอ้ายนั้น ตัดสัมพันธ์บ่ยุ่งเกี่ยว
    ถึงว่าในใจเดียว ยังมีเพียงแต่ฮักเจ้า
    กะยอมเว้า ว่าเอ่ยลา ชั่นเด้อน้องสาวเอย

  10. #10
    ศิลปินแดนไกล สัญลักษณ์ของ chudhancock
    วันที่สมัคร
    Oct 2008
    ที่อยู่
    cambridge, England
    กระทู้
    1,949
    อิอิอิ ลูกแม่เอ๋ย หญ้านางเอ๋ย เป็นตาแซบยุเด๊เนาะ ครบรสดี อิอิอิ แม่จอขอบใจลูกมากๆเด้อจ้า ที่มา

    ซ่อยแม่เว้า มวนดีจ้า กำลังใจที่ดี











    ฮักเพินจางได้วางเว้น จังแมนเป็นไปแนวต่าง
    เกลือเป็นถังพุ้นแหล่วหล่า น้ำปลานั่นแมนห้าโหล
    จังสิเซาอิอิอิ






    อ้ายเอ๋ย เด็กล้าจ๋า บอต้องหาคำมาอ้าง เปิดหนทางให้คนอื่น บอแมนฝืนคำเว้า
    บอน้อเจ้าที่กล่าวมา ส่วนในใจอ้ายนั่นนน้า ย้านบอว่าคือจังปากนี่แหล่ว

    อิอิอิ ขอบใจหลานมากๆเด้อจ้าที่แวะเข้ามาเว้าซ่อยป้า เก่งๆจ้า กำลังใจที่ดี

หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •