ไก่น้อยพาเมื่อบ้าน เฮดบุญออกพรรษา ตอน 2

[ไก่น้อย]

บึ่ยย มีฮอดภาค2 ปานหนังไทย ฮ่าๆๆ
อยากให้พี่น้องเห็นวัฒธรรม ประเพณี ออกพรรษาทางเมืองกาสินเนาะจ้า เทื่อบ้านพี่น้องเฮดบ่คือกันกะเป้นการเลกเปลี่ยนเนาะ ไก่น้อยกะบ่เคยไปเฮดบุยออกพรรษาทางอื่น ตักบาตรเทโวกะบ่เคยไปจักเทื่อ เก็บตะบรรยากาศบ้านเจ้าของนิหละจ้ามาสุกันเบิ่ง

ความสุขเล็กๆน้อยๆเนาะจ้า ลูกหลานเอาของไปส่งยายยุวัด ยายนอนวัดออกพรรษา


รูปนี้ตั้งใจเอามาฝากอ้ายดุลย์ บ่าวยางตลาดเด้อจ้า ผุเพิ่นบ่ได้กลับบ้านดน จำทางเมื่อบ้านเจ้าของได่บ่บุนิ 555+ :l-


เพื่อนสาวอ้ายดุลย์เด้อจ้า นิ จำกันได้บ่ ฮ่าๆๆ






อันนี้เป็นฮ้านไต้ประทีป (จุดธูป) เด้อจ้า ทางบ้านไก่น้อย สิบ่เวียนเทียนออกพรรษา เพิ่นสิจัดฮ้านสำหรับไต้ธูป จุดเที่ยน 3 มื้อ ยามมื้อแลง บ่าว-สาวกะสิพ้อหน้ากัน (บึ่ยย) ส่วนเด้กน้อยกะพากันเล่นกะโพก (ปะทัด) อันนิอันตรายหลาย เด้กน้อยบ้านขะน้อย เพิ่นจุดกะโพกแล้วกำไว้ในมือ มันแตกใส่มือพี่น้องเอ้ย หมอบ่รับเย็บเลย ตาหน่ายๆ (จ่ม อิอิ)

ยามมื้อแลงพากันไปไต้ปะทีป อธิษฐานเอาโตเด็ดๆก่อนเด้อ อิอิ

คำอธิษฐานตามแบบฉบับโบราณผู้เฒ่า เพิ่นพาเว่า ไก่น้อยหัดอ่านเมิดมื้อกะท่องบ่ได้ 55+









นางนิ เลาสิอธิษฐานเอาผู้บ่าวหล่อๆพะน๊า ..0^0


แล้วจากไต้ปะทีปแล้ว พากันไปเที่ยวงาน ไหลเรือไฟเมืองกาสิน ซึ่งจัดเป็นปีแรก งานกะค่อนข้างขุกขัก ไฟมือ หลานสาวไก่น้อยแต่งโตสวยๆไปรำ กะบ่เด่น ย้อนไฟบ่แจ้ง จั่งได่กะสิเก็บไปปรับปรุงปีหน้าเนาะจ้า จั่งเป็นกำลังใจให้กันใหม่


หลานสาวขะน้อยคนที่สาม นับจากซ้ายมือเด้อจ้า เรียนม.2 กำลังสิเป็นสาวส่ำน้อย 55+








อำลาพาจากกันส่ำนี้เนาะจ้า ทางบ้านพี่น้องเป็นจั่งได่น่อ เอามาสูกันเบิ่งแน่เด้อจ้า :l-

[บ่าวเพิก]

ภาพหายไปใสล่ะ...รอเบิ่งอยู่

[เซียงเหมี่ยงเมืองสุรินทร์]

ขอบคุณที่ แบ่งปันครับเอื้อยไก่ แต่ละท้องถิ่นกะมีประเพณี บ่คือกันเนาะครับ...
สาวทางเมืองกะสินกะผู้ดี ผู้งามเนาะเอื้อย ...

[Boom69]

งามคักเอื้อย...ปีหน้าสิไปยามเอื้อยเด้อจ้า...
สาวกะสินมีแต่ผู้ดีดี อีหลีหน้อจ้า 555

[บักขามป้อม]

ขอบคุณภาพบรรยากาศจ้าเอื้อยไก่น้อย บรรยากาศแบบบ้านเฮาๆ นี่ล่ะจ้าที่พี่น้องคนอิสานเฮาที่อยู่ไกลบ้าน(คือขามป้อม)ถวิลหา ฮ่ำฮอนหาจ้า อิอิ ฮ้านไต้ประทีปแบบนี้ ทางอุดรฯ บ้านขามป้อมบ่มีจ้าเอื้อย มีตะเวียนเทียนธรรมดา กับจุดกะโพกนี่กะคือกันอยู่ แต่ว่าอยากให้ตัดออกไปอยู่ดอกจ้ารายการหลังนี่ มันเสียงดังแล้วกะเป็นอันตรายเทิงกับคนจูด แล้วกะคนที่เพิ่นไปเวียนเทียนนำ บ่มีสมาธิเลยจ้ายามเวียนเทียนกระดาย(จ่มนำแหน่ อิอิ)

นางรำกะงามเนาะจ้า ไทเฮือนนี้หน้าตาดีเบิดเฮือนจ้า ขามป้อมซอมเบิ่งแล้ว :l-

[ม๋าน่อย]

สาวกาฬสินธุ์มีตะผุงามๆ เนาะจ้า เตาะเอาะ แตะแอะ เป็นตาซะออน

[มั่วหน่าฮ่าน]

อะ..ป้าด..สะออนแต่สาวซ่ำน้อยล่ะข่อย มีตะผุอ่องต่อง..เอ๊าะเต๊าะ..เป็นตาไปหาเลาะเบิ่งเด้..อุอุ..(ลืมเฒ่าเลยข่อย)

[กำพร้าผีน้อย]

...ฮ้องไห้ก่อนเถาะ บ่ได้เมือได้เห็นแต่ภาพกะยังดี อ้ายขอภาพทั้งเบิดนี่เก็บไว้เป็นที่ระลึกเด้อไก่...

เพื่อนสาวอ้ายกะจำได้หละเนาะ เสื้อสีชมพู ถามเพิ่นเด้อว่าเพิ่นยังร้องเพลง
ส่วนเกินได้บ่ แต่เป็นนักเรียนหละร้องเอาคะแนนจนหมู่เขาจำได้..

..ไหลเรือไฟคือสิจัดท่าน้ำหม่องโรงเรียนเนาะ ปีแรกกะเป็นตะม่วน ปีหน้าต้องไปเบิ่งให้ได้..

ขอบใจหลายๆเด้อไก่ที่เอาบรรยากาสบ้านเฮามาให้เบิ่ง..