หน้าที่ 1 จากทั้งหมด 3 หน้า 123 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 26

แสงตะเว็น เป็นที่เพิ่ง

  1. #1
    ศิลปินแดนไกล สัญลักษณ์ของ chudhancock
    วันที่สมัคร
    Oct 2008
    ที่อยู่
    cambridge, England
    กระทู้
    1,975

    แสงตะเว็น เป็นที่เพิ่ง

    แสงอุทัยม้มขอบฟ้า เป็นเวลาเข้ามื่อใหม่
    อรุณใสส่องแจ้ง ได้แยงแล้วเปิดบอเป็น
    ยามแลงเห็นตะเว็นค่อย ตะเว็นถอยกลับหม่องเก่า
    ใจของคนมันสุดเศร้า มันเหงาแท้ในอุรา
    ยามแสงส่องมองแจ่มจ้า กลางเว็นมามันอบอุ่น
    โลกพาหมุนสั่งจุดไว้ กำหนดให้ได้เปลี่ยนกาล
    สิเอาหยังมาคัดค้าน ของเหตุการณ์ธรรมชาติ นี่แหล่ว
    บอแมนแนวสิไปจับ คั่นจ่องดึงดอกเอาไว้
    ตะเว็นกายไปลับม้ม ความมืดมิดมาปิดบัง
    แมนอีหยังกะบอหาญ มาต่อสานหรือแทนได้
    เอาแสงไฟเป็นหมู่เว้า แทนความเหงาเอาไปก่อน
    แสงนิออนบอซ่ำแท้ ยังแลจ้องถ่าตะเว็นนี่แหล่ว
    แก้ไขครั้งสุดท้ายโดย พล พระยาแล; 30-10-2010 at 06:33. เหตุผล: แก้คำผิดครับ

  2. #2
    พ่อครัวแม่ครัวบ้านมหา สัญลักษณ์ของ สาวบ้านแต้
    วันที่สมัคร
    Jun 2007
    กระทู้
    1,066
    บล็อก
    28

    ขอบคุณค่ะ

    ได้อ่านแล้ว กะเข้าใจธรรมชาติของ คนได้หลายขึ้นจ้า:*-:*-

  3. #3
    ศิลปินแดนไกล สัญลักษณ์ของ chudhancock
    วันที่สมัคร
    Oct 2008
    ที่อยู่
    cambridge, England
    กระทู้
    1,975
    อิอิอิ ขอบใจมากๆเด้อจ้าหลานอิ๊ทจ๋า ที่เข้ามาเว้าเป็นกำลังใจให้กับป้า

  4. #4
    ร่วมถ่ายทอดความรู้สู่สังคม สัญลักษณ์ของ ทิดจ่อย
    วันที่สมัคร
    Apr 2009
    กระทู้
    752
    อโณทัยทอแสงจ้า สกุณาได้ออกแ่ส่ว
    บินเป็นแถวออกหากินตั้งแต่เซ้า คนเฮานั้นกะดั่งกัน
    เหมันต์เข้ามาผ่าย หนาวทั้งกาย ใจนั้นกะหนาวตื่ม
    แม่ป้าชุดเอ้ย อยากหยิบยืมผู้สาวส่ำน้อย มาเป็นผ้าห่มนอน
    มาออนซอนแต่โตนี้ เกิดมาหลายปี บ่อมีเฒ่าดอกนำเผิ่น
    ส่างมาพอกะเทินสิเฒ่ากะบ่อเฒ่า สิว่าหนุ่มน้อยกะบ่อคือ
    แนวหัวใจมันขี้ดื้อ ห้อนวื่อๆ บัดยามหนาว
    แนมสาวๆ คนใด๋กะจั่งแม่นงามเอาเหลือล้น
    คนเอ้ยคน ส่างมาเป็นไปได้มีผู้ใด๋คือข่อยแหน่
    เป็นฮ้ายเอาแท้อยากหัวหม่นใส่ขี้ดิน เหอ เหอ เหอ

  5. #5
    ครีเอทีพ โปรดิวเซอร์ สัญลักษณ์ของ บ่าวข้าวจี่
    วันที่สมัคร
    Dec 2008
    กระทู้
    1,172
    บล็อก
    7
    ปราชญ์ผญา...ป้า chudhancock
    หย่ายผญา...บ่าวข้าวจี่...




  6. #6
    ศิลปินแดนไกล สัญลักษณ์ของ chudhancock
    วันที่สมัคร
    Oct 2008
    ที่อยู่
    cambridge, England
    กระทู้
    1,975
    อิอิอิ หลานทิดจ่อยเอ๋ย มาซ่างเว้า
    เฒ่าบ่าวพอปานกลาง ยังบอมีผุสาว มาซ่างเป็นไปได้
    มักสาวหย่ายยยย หึสาวน้อยหล่ะอิอิอิ หลาน เกิดมาแต่ดนนาน
    ยังบอพานพบพ้อตี้ อิอิอิ หนาวลมวีตีต้อง หัวลมก่องใบตองกุง
    อายุสูงพอซ่ำซาย บอกอยากหมาย หาสาวซ้อน
    มาซะออนแต่คำเว้า เฒ่ากะบอเฒ่าพะนะ อิอิอิ
    ซ่ำสิบสี่ ซ่ำสิบห้า หรือซ่ำป้า สิแลเหลียว บอน้อ หลานเอ้ย อิอิอิ เว้า เล่นเด๊ ไปนำกลอน

  7. #7
    ศิลปินแดนไกล สัญลักษณ์ของ chudhancock
    วันที่สมัคร
    Oct 2008
    ที่อยู่
    cambridge, England
    กระทู้
    1,975
    ขอขอบใจหลานบ่าวข้าวจี่ มากๆเลยจ้า สุดยอดในการเว้าผญาเลยจ้า
    นี่ขนาดป้าแต่งบอค่อยเป็น ดีนะที่หลานช่วยเติมคำต่อให้เต็มฟังแล้วมวนดีจ้า
    อันนี่ต้องอยู่ที่คนอ่านเนาะจ้าอิอิอิอิ
    แก้ไขครั้งสุดท้ายโดย chudhancock; 29-10-2010 at 08:14.

  8. #8
    ศิลปินแดนไกล สัญลักษณ์ของ chudhancock
    วันที่สมัคร
    Oct 2008
    ที่อยู่
    cambridge, England
    กระทู้
    1,975
    โอ้ยหลาน บ่าวข้าวจี่จ๋า ป้าขอขอบใจหลานมากๆเลย อุตส่ามาเว้าผญาแทนคำเว้าของป้า ขอบใจอีกหลายๆเทือเด้อจ้า เก่งจังเลยเว้าคือคัก นำเว้าผญาตั๊วนี่

  9. #9
    ร่วมถ่ายทอดความรู้สู่สังคม สัญลักษณ์ของ ทิดจ่อย
    วันที่สมัคร
    Apr 2009
    กระทู้
    752
    ได้ยินเสียงแคนแล้วอยากลำใส่เนาะบ่าวข้าวจี่
    อยากอยู่ใกล้เด้จิให้เป่าแคน แล้วอ้ายจิลำใส่ ซั่นดอก
    อยู่บ้านหาคนเป่าแคนเป็นกะบ่อค่อยมี
    ได้ยินเสียงแคนจ้าวคือสิเฒ่าแม่นบ่อเป็น แม่ป้าเอย

  10. #10
    ครีเอทีพ โปรดิวเซอร์ สัญลักษณ์ของ บ่าวข้าวจี่
    วันที่สมัคร
    Dec 2008
    กระทู้
    1,172
    บล็อก
    7
    ..ขอบคุณอ้ายทิดจ่อยข่อย..ปราชญ์แท้แมนผุค่อง
    เป็นบ่เป็นกะสิจ้อง..ฝึกจ้าวแมนผุเดียว
    ถึงสิเทียวเป่าแคนต้าว..อยากให้อ้ายมาลำใส่
    ฮอดมื้อคือสิบ่ได้..ย้อนตำจอก..บ่ได้วาง...ฮ่าๆๆๆ