หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 13

หัวข้อ: "หยอก"หรือเว้าหยอกค่ะ(ผญ๋าป่วง)

Hybrid View

คำตอบที่แล้วมา คำตอบที่แล้วมา   คำตอบถัดไป คำตอบถัดไป
  1. #1
    ศึกษาหาความรู้ สัญลักษณ์ของ ข้าวต้มมัด
    วันที่สมัคร
    Aug 2010
    กระทู้
    986

    "หยอก"หรือเว้าหยอกค่ะ(ผญ๋าป่วง)

    พี่ชายเอ้ย คันพี่ชายใจตรงต้อง ใจเฮาสองตรองตรงกัน
    มันสิบ่คือความฝัน แต่ว่ามันคือความจริง แล้วกะบ่แมนลิงหลอกเจ้า
    อ้าวเถ่าเอ้ยเถ่า(ล้อเลียน) มาทางนี้สาก่อน
    ถึงบาดสิได้ย้อน หรือสิถอนเบิ่งจักเป็ก
    อย่าสุเก๊กหลายเด้ออ้าย สิถืกฮ้ายบ่าวพี่ชาย
    อ้ายถืกฮ้ายแล้วแล้ว สิมีแถมด้วยคำด่า
    ห่ากินหัวคนเอ้ย ใจเอ้ยป้อยบ่เป็น
    เป็นเวรกรรมอี่หยั่งน้อ เฮ็ดให้พ้อกับคุณพี่
    มาราวีอยู่ทุกมื้อ บ่อมีมื่อได้ส่างเซา
    ใจมันเหงา ใจมันเซ่อ นอนละเมอคิดฮอดพี่
    พ่อโตดีของน้อง เฮานี้ต้องเจรจา
    หยับมานั่งใกล้ใกล้ อย่าสุไกลหลายคุณพี่
    หยับมานั่งทางพี้ ชายคนดีสิว่ามา
    จะต้องด่าให้จักบาด บ่อสั่นขาดบ่อนหัวใจ
    คนอีหยั่งมาเฮ็ดให้ น้ำตาไหลดูไร้ค่า
    ห่ากินหัวคนเอ้ย มาเยาะเย้ยข่อยแมนซัง(น้ำตาดอก)
    เอาอีหยั่งเฮ็ดหูเจ้า มาขอเอาไปปิ้งแน่
    เอาไปแช่จิ้มแจ่วฮ้อน ถอนกับเบียร์ค่อยสิเซา
    ฮักเอ้ยฮัก เพิ่นว่าฮักเหลือล้น
    มองคนจนบ่มีค่า โตน้องนี้บ่เคยว่า
    ปรารถณาสิได้อ้าย ชายคนโก้ นี้พึ่งพา
    บุญผลาบ่อมายู้ เฮาทั้งคู่ต้องขาดกัน
    ฝากสัมพันธ์ฮักไว้ จากใจเนื้ออุ่น
    อยากสิหนุ่นตักอ้าย คันแมนไข้กะสิเซา พุ้นแหล่ว
    แปวทางเฮาเคยเที่ยว มาเกี่ยวใจของชายนั้น
    ขอให้ความฮักหมั่น ปั้นข้าวเหนียวคือเพิ่นว่า
    หากว่ามีเวลา โอกาสหน้าค่อยมาพ้อ
    สิมาง้อบ่าวพี่ชาย ดอกเด้ออ้ายเอ้ย
    "หยอก"หรือเว้าหยอกค่ะ(ผญ๋าป่วง)




    กราบขอโทษขออภัยคณะกรรมการและผู้อ่านทุกท่าน ผญ๋าบทนี้ข้าวต้มมัดเขียนขึ้นมาเพื่อ เป็นสีสันเยาะเย้ยผลงานของตนเองที่เคยเขียนซึ้งเศร้าๆ
    มีคำด่าเป็นภาษาอีสาน อาจสิบ่สุภาพแล้วกะบ่ได้มีเจตนาว่าให้ผู้ได๋เด้อค่ะ เป็นวรรณกรรมอีกชิ้นหนึ่งที่ข้าวต้มมัด อยากเขียนแหวกแนว

    ผิดพลาดประการใด ข้าวต้มมัดขอรับผิดชอบ และขออภัยมาในโอกาสนี้อีกครั้งค่ะ
    แก้ไขครั้งสุดท้ายโดย ข้าวต้มมัด; 29-10-2010 at 04:55.

  2. #2
    แบ่งปันความรู้และประสบการณ์ สัญลักษณ์ของ ๛หนุ่มบ้านไกล๛
    วันที่สมัคร
    Apr 2009
    กระทู้
    764
    บล็อก
    8
    เขาบ่ฮักกะส่าง เขา
    อย่ามัวเศร้า เหงาทรวงใน
    ลองหันเบิ่งคนใกล้ ๆ
    ลังเถื่ออาจสิมีคน อยากดูแลหัวใจ อยู่เด้อหล่ะ


    เหอๆๆๆๆ แต่งบ่เป็นดอก คับ

  3. #3
    ดูแลตรวจสอบเนื้อหา สัญลักษณ์ของ pcalibration
    วันที่สมัคร
    Nov 2008
    ที่อยู่
    เมืองฉะเชิงเทรา(แปดริ้ว)
    กระทู้
    1,883
    บล็อก
    1
    "มธุรสวาจา"...สารพัด(นี่ขนาดป้อยบ่เป็น)
    ครบเครื่องเรื่องต้มยำ..ต้มแซ่บ...ต้มเครื่องใน
    ของมักตั่วน้องหล่าข้าวต้มมัด....ต้มตับต้มปอด...
    ห่ากินหัวคนเอ้ย..ห่าขั่วคนเอ้ย..55555
    ทีหลังใส่ดีใส่เพลี้ยขมๆจั๊กหน่อยเด้อสิกลายเป็นอ่อมเป็นอ๋อ


  4. #4
    ศึกษาหาความรู้ สัญลักษณ์ของ ข้าวต้มมัด
    วันที่สมัคร
    Aug 2010
    กระทู้
    986
    อิอิ อ้ายพี ขอบคุณค่ะที่ยังมีคนเห็นความงามของภาษาอีสานบ้านเฮา และมีคนขอบคุณกะทู้ของข้าวต้มมัด
    ว่าแมนสิถืกลบกะทู้ออกหมดตอนเช้าแล้วกะปิดตำนานผญ๋า ข้าวต้มมัดยุแหม่ะอ้าย


    หนุ่มบ้านไกล จักผุได๋หล่ะค่ะอยากดูแลคนป่วงๆ น้ำขึ้นน้ำลงคือข้าวต้มมัด เขียนให้อ่านเป็นสีสันแล้วแต่พระเอกสิเป็นจั่งได๋ค่ะ นั่งยิ้มหย่วยๆยุ อิอิ

  5. #5
    แบ่งปันความรู้และประสบการณ์ สัญลักษณ์ของ ม๋าน่อย
    วันที่สมัคร
    Feb 2010
    ที่อยู่
    มุกดาหาร
    กระทู้
    379
    บล็อก
    2
    เป็นอิหยังไปล่ะ...เอื้อยผุข้า ข้าวต้มมัด
    แหม่นไผขัดใจเจ้า...มะซ่างเว้าแหม่นตัดรอน
    ใจเย็นๆ แหน่ถ่อน...อย่าฮ่ำฮอนกับเขาหลาย
    ค่อยเว้าจากันกะได้...อย่าไปฮ้ายเขาเลยเอื้อย


    ....เดี๋ยวเขาสิเคียดได๋เอื้อย.....

  6. #6
    ศึกษาหาความรู้ สัญลักษณ์ของ ข้าวต้มมัด
    วันที่สมัคร
    Aug 2010
    กระทู้
    986

    เรื่องฮิตน่าอ่าน ตอบ น้องม๋าน้อยจ้า

    โอน้อน้องม๋าน้อยเอ้ย เอื้อยบ่ได้โกรธไผ๋ดอกหล่า หาว่า
    เขียนมาให้อ่านสื่อสื่อ ว่าผีมือสิเข้าขั่น ใช้ได้แน่บ่นาง
    ทางเดินสายประพันธ์นี้ มันหากมีหลายหน้าต่าง
    ไปทุกทางตามใจได้ บ่มีแต่ไห้ดอกฮ่ำฮอน
    เขียนเป็นกลอนออกมา ให้คนติดใจในผีมือ
    มันกะคือปรุงอาหาร มีรสหวานและเค็มนั้น
    เขียนกันให้เล่นเล่น เพื่อให้เป็นรสอร่อย
    มันหากกล่อยแท้ตั้วน้อง มีแต่ฮ้องฮ่ำไฮ
    ตัวเอื้อยนี้บ่คือบ้าน ปากกล่าวขานการได้ว่า
    มันเป็นมาแต่น้อย ทั้งหวานจ้อยถ่อยแถลง
    กว่าสิแปลงเป็นสาส์นได้ ปากกับใจได้ตรงต่อ
    พอให้พวกพี่น้อง อ่านจ่องเรื่องราวตั่วหล่า




    บ่ได้เคียดให้ผุได๋ดอกเด้อหล่าน้องม๋าน้อย ชีวิตนักเขียนกลอนอยากลองเขียนจ้า (มักจักน้อยบ่หล่ะ อิอิ)
    แก้ไขครั้งสุดท้ายโดย ข้าวต้มมัด; 30-10-2010 at 15:01.

  7. #7
    ร่วมถ่ายทอดความรู้สู่สังคม สัญลักษณ์ของ จำปา
    วันที่สมัคร
    Nov 2009
    กระทู้
    1,367
    โอ้ย..น้อเอื้อย หนิเบาะเขาว่าปากฮ้าย แต่ใจยังฮัก

  8. #8
    ศิลปิน นักแต่งผญา สัญลักษณ์ของ พลายแก้ว
    วันที่สมัคร
    Dec 2008
    กระทู้
    630
    หย่าวๆๆๆโลดครับข้าวต้มมัด ม่วนหลาย มาส่อยเป็นกำลังใจให้ขอรับ...




    สุนทรีย์ในคำเว้า ทุกสำเนาเสนาะโสต
    เป็นประโยชน์คำควร ฟังม่วนในมะโนแม้ง
    มาส่อยแปลงส่อยสร้าง แปวทางฮีตเก่า
    บทผญาตั้งแต่เค้า ซ่อยกันเว้าบ่เสื่อมสูญ
    ส่อยกันพูนพอกไว้ ให้คงอยู่คู่อิสาน
    ให้ลูกหลานนานไป ได้ประจักษ์เห็นแจ้ง
    บทแถลงไขข้อ ยอยกขึ้นมาเปรย
    หย่าวไปเลยเต็มกำลัง สิซุกหลังกะทังยู้
    วอนท่านครูเมธีเฒ่า มาส่อยเกลาเหลาขัด
    หม่องที่ขาดให้ส่อยเสริม มาตื่มเติมเต็มต้าง
    หม่องที่ย่างทางเสี่ยง ผิดสำเนียงเสียงสังวาส
    ขอนุญาตให้ส่อยแก้ แน่ถ่อนบ่อนสิควร..ท่านเอ้ย...

  9. #9
    ศิลปินแดนไกล สัญลักษณ์ของ chudhancock
    วันที่สมัคร
    Oct 2008
    ที่อยู่
    cambridge, England
    กระทู้
    1,949
    อุปรมาดอกคือเว้า พวมเป็นสาวซั่นดอกพี่
    กายสิบสี่สิบห้าเข้า อยากลองเว้า ผุบ่าวแฮง
    สมพอแพงแนบ๊ออ้าย อย่าโอ่งหลายให้ถามแน
    พ่อกับแม่ดอกของอ้าย สิเอาใภ้ผู้จังได๋ อ้ายเอ้ย เริ่มสิไปบอเป็นแล้วหล่ะ ฮือ อิอิอิ

  10. #10
    ศึกษาหาความรู้ สัญลักษณ์ของ ข้าวต้มมัด
    วันที่สมัคร
    Aug 2010
    กระทู้
    986
    น้องจำปา เขาเอิ้นว่า "ปากโกรธใจคิดถึง"จ้า

    โอน้อ อ้ายบ่าวก๋าคามเอ้ย ขอบคุณหลายเด้ออ้าย โตพี่ชายมายามอุ่น
    มาหนับหนุนกะทู้น้อง นางย่านข่องดอกเกี่ยวขา
    วาสนาโตผุน้อย อยากสิหล่อยเอามาแต่ง
    พอมีแฮงแจงคำเว้า เย้าหยอกให้ม่วนหู
    คันแมนครูเมธีเฒ่า เจ้าตำหรับเพิ่นพาว่า
    ให้เพิ่นมาซ่อยซี้ นางนี้แมนดีใจ
    ปรารถณาอยากได้ อาจารย์ใหญ่มาซ่อยสอน
    แต่ว่าตัวงามงอน ได้สะออนแต่คำเว้า
    ฟังผุได๋แต่งเข้า เว้าคำได๋น้องกะมวน
    แต่ว่าหวนมาเบิ่งน้อง เทิ่งอยากฮ้องดอกฮ่ำไฮ
    วาสนาเป็นบ่อได้ ผญ๋าใหญ่คือบ้านเขา
    ผญ๋าน้อยคือโตเฮา เขียนเข้าไปอยากอายบ้าน
    เทิ่งพองย่านกะแห่งย่าน แต่อยากขานให้คนว่า
    ปรารถณาสิให้ พี่น้องได้ชื่นชม
    ความภิรมย์ในคำเว้า สำเนานวนชวนให้เบิ่ง
    ให้รู้เถิ่งถิ่นตั้ง อีสานสร้างน้องบ่ลืม แท้แหล่วพี่เอ้ย

    จั่งขอยืมเอาคำเว้า คุณป้าเฮาแต่งดีนิ
    ขอบคุณอีหลี่เด้อป้า มาซ่อยหล่าดอกต่อกลอน
    แก้ไขครั้งสุดท้ายโดย ข้าวต้มมัด; 30-10-2010 at 20:04.

หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •