ลมพัดวี-ตียอดข้าว ท้องฟ้าเหงา-แกมเมฆหม่น ไกล้มื้อฝนสิสั่งฟ้า ปลาอยู่ต้อนบ้อนไส่กัน
กาลเหมันต์เข้ามาไกล้ สายฝนใหญ่เป็นหมอกหนา ปูเหยียดขาไส่คันแท เทากับแหนเขียวเป็นวุ้น
ข้าวได้ฟุ่น(ปุ๋ย)ยืนสล่าง ถอดหางไก่เป็นทิวแถว เห็นเป็นแนวผักอีฮีน แมงปอบินไปชมชื่น
คันเบ็ดยืนเบิ่งปลาบ้อน เสียงหวี่วอนเข้ามาไส่ นกไก่นาฮ้องฮ่ำให้ หาไผบ้างออกห่างนา
ลืมผักขาแกงหน่อไม้ หรือเหมิดใจจากนาแก่น ทิ่มเสียงแคนหมอลำร้อง ไปหาย้องผู้อื่นดี (หล่ะบ้อ)
สายลมตีนำกอข้าว เปรียบเอิ้นเอาขัวญคืนท่ง ฟ้ามืดลงไส่ยอดหญ้า คิดเห็นหน้าผู้เผิ่นไกล เด๊เนาะ
[RADIO]http://www.file2go.com/mrun.php?me=10720s1[/RADIO]
Bookmarks