บ้านเฮาหน่าวแล้วบ่

[aobab1980]

ล่ะมาบัดนี้ ยามมีฝนสั่งฟ้าเอิ้นลาหมู่เด้อฝูงปลา
ข้าวอยู่นาขจีเขียว กองใบยามลมต้อง
ล่ะน้ำเต็มนา ปลามาบ้อน มาออนซอนขึ้นมันม่วน
ล่ะฟังเสียงฟ้าฮ้องฮวน คือสิลาจากแล้วว่าปีหน้าจังพบกัน เอ๋ย...
ล่ะทุ่งอีสานยามนี้นั้น เห็นแล้วม่วนชวนหลงใหล

ยืนคันแทแนมไกลไกล นกไก่นาถลาล่อน
ล่ะเบิ่งพุ้นแหม พ่อใหญ่สาเพิ่นลงต้อน ไปดักปลาบ่อนนาลุ่ม
ข้าวแตกกอเขียวจุมกุ่ม เสียงปลาเข็งดีดบ้อน ปลาซิวน้อยกะแฮงหลาย เอ๋ย...
ล่ะคิดฮอดเด้ คิดฮอดน้องและอ้ายผู้ไกลถิ่นดินอีสาน
ไปทำงานอยู่เมืองไกล อยู่จั่งใด๋เอ๋ย... น้อทางพุ้น
ล่ะข่าวทีวีซางมาวุ่น มีหลายซุมวุ่นหลายฝ่าย
ล่ะคันลำบากอยู่เมืองใหญ่ กลับอีสานบ้านเค้ามากินข้าวแม่นบายปลา

แล้วอยู่บ่อนใด๋ในแผ่นหล้า สิสุขทอดอกเฮือนเฮา
ยามใจเหงาให้คืนนา จ้ำป่นปลาก็สุขล้น
ชีวิตคนไทบ้านคนอีสานเว้ากันง่าย มาเบิ่งเด้อยามตะเว็นค่อยบ่าย
กอข้าวเขียวแสงแดดต้อง โอ้ยมองแล้วกะแฮงงาม
แล้วฝูงหมู่ปลาเต้นตื่นน้ำคันแทกิ่วสิบืนหนี
ปลาข่อตี้บืนตกหลุมพ่อใหญ่สาเพิ่นดักไว้

ล่ะแถวนาเทิงนาใต้ แนมไปไสน้ำล้นปรี่
เสียดายเด้ ปลาลูกคอกกะลงลี เสียงพ่อลุงแม่ป้าเพิ่นถามทวงแม่นข่าวคราว
ล่ะถามข่าวถึงลูกเต้าสิมาบ่ออกพรรษา
ฝากเงินมาให้พอปุ๋ย แหน่บ่หนอลูกชายโต้น

ล่ะหน่อยบ่โดนเสียงกลองแลง ญาคูเจ้าดังมาก้องฮวนๆ
ได้ฟังแล้วซางมาม่วนคือดนตรีกล่อมทุ่ง เอ๋ยฟังแล้วแฮงสะออน เอ๋ย
ล่ะนี่หล่ะคำค่าก้อนท้องถิ่นดินอีสาน เป็นวิมานของคนจน
แม่นนั่งโพนกะสุขล้ำ
ล่ะยามฝนลาปลาพอน้ำไหลลงซออยู่ก้นลี กลับมาเด้อน้องพี่
แต่งชุดสีน้อโก้โก้..... มาเดินผ่ายมายท่งนาเด้อคนไคเด้อ... เด้อแฟนเด้อ

***********************


มนต์แคน แก่นคูน - ลำล่อง...บ้านเฮาหนาวแล้วบ่
คำร้อง/ทำนอง อำไพ มณีวงศ์ เรียบเรียง สมศักดิ์ พิลารัตน์

ลิขสิทธิ์บน YouTube Credit By : https://www.youtube.com/watch?v=kZLrCii3oXI&feature=related

ลมหนาวพัดมาหวี่ๆ คึดฮอดบ้านเฮาเด้ พี่น้องเอ้ยยย...

[อาวอ้วนเมืองยศ]

แม่นยุจ้า บ้านเฮาหนาวแล้ว อิแม่โทรมาบอกวะหั่น ลมแฮงๆ หนาวจ้อยๆ
โอ้ย หนาวในเมืองคือเหงาแท้น้อ แม่โทรมาน้ำตาใหล แงงงงงงง

[บ่าวผู้ดี]

ม่วนครับผม ..... เบิ่งแล้วคึดฮอดบ้านเด้ครับ ชีวิตบ้านนาที่น่าจดจำ คิดฮอด เถียงนา ไฮ่นา ตากล้า ลมหนาวที่กำลังเดินทางมายามพี่น้องป้องปลายหมู่เป็นเาลาที่แสนสุขของลูกชาวนาอย่างผมแท้จริงครับ......

[พลคนพิดโลก]

ปาดคนงามจ๋าาาาาาาาาาาาาาาคือเก่งแท้้้้้้้้้ๆๆๆๆๆๆๆๆๆๆๆๆๆๆๆๆๆๆละ

[คนชนบท]

โอ๊ยๆๆๆๆๆๆๆๆๆๆๆ มวนหลายน้องหล่า ไปซอกหามาตะใสหล่า ผุซอกมาบ่น้ำตาไหลติหล่า คิดฮอดบ้าน บาดลุนเนื้อบ่ต้องหล่า 55555555555 อ้ายร้องบ่เป็น แต่ ตี๋เป็น 5555

[หล่อซวดลวดขี้มูกกื้ดอืดลืดเล็มเหล]

5555555555 อ๊อฟๆๆๆเอ้ย อิอิ
หนาวกะมาทางพี้เด้อ ซอยสามัคคี อิอิ
มาหาแนวแก้หนาว เอิ๊กๆๆๆๆ

[บ่าวห้วยละโอง]

หนาวแล้วล่ะบ้านเฮา ไปทางโคราชมาบ่จักน้ำท่วมบ่จักลมหนาว เบิ่งแล้วกะเป็นตาหลูโตนพี่น้องยุ
ยืนยันว่าหนาวแท้ ไปนอนก่อนบ่อาบดอกน้ำหนาววววววววววววว

[แตงน้อยสองสลึง]

ออฟๆๆๆๆๆบ้านเอื่อยกะหนาวอิหล่า คึดฮอดไปหาปลาค่อนน้อม่วนคัก หนาวกะห่มผ้าหนาๆๆเด้อหล่า บ่ต้องเอาดอกผ้าห่มตราคนน่ะปากยากคัก

[หนุ่มนานครพนม]

ทาง ยุดยากะหนาวแล้วคับ น้ำท่วมนำ

[aobab1980]

โอ๊ยๆๆๆๆๆๆๆๆๆๆๆ มวนหลายน้องหล่า ไปซอกหามาตะใสหล่า ผุซอกมาบ่น้ำตาไหลติหล่า คิดฮอดบ้าน บาดลุนเนื้อบ่ต้องหล่า 55555555555 อ้ายร้องบ่เป็น แต่ ตี๋เป็น 5555

ฟังไปน้ำตาไหลไปนำพุ่นล่ะอ้ายเอ้ย คิดฮอดบ้านหลาย