ซุปหน่อไม้ อาหารเดิมๆกินยามใด๋ แซบยามนั่น พะนะ

[ติ๋ม เปอร์โย]

มื้อวานนี่ไปโรงเรียน คุณครูเพิ่นเลิกให้แต่เว็น บ่ายโมง ข่อยอารมณ์ดีอยู่เบิดมื้อ ปกติเลิกบ่าย4โมง
แวะร้านอาหารไทย ซื้อผัก ซื้อหน่อไม้ ซื้อหมากหุ่ง หมากม่วงอีกตั้ง3หน่วย(ผล)
มาฮอดบ้านจัดการแช่ข้าวเหนียว หาแยกเสื้อผ้าเข้าเครื่องซักไว้ นั่งจิบชาเขียวรสหมากนาวฮ้อนๆ
ถักผ้าไปนำ พักผ่อน เมื่อยขับรถไกลนะจ้าพี่น้อง มื้อละ100กิโลเมตร...ปวดขากะเลยจัดการนวดขาให้เจ้าของไปนำ
พอหายเมื่อย กะมาเริ่มเฮ็ดแนวกินแลงเลยจ้า ซุปหน่อไม้ วันหยุด



เครื่องปรุง หาได้ตามประสาคนไกลบ้านหละจ้า
หน่อไม้ปี๊บ 1กิโลกรัม จัดการขูดๆเป็นเส้น แล้วเอาเกลือมาขยำๆให้เส้นหน่อไม้นุ่ม บีบน้ำถิ่ม
นำไปต้มให้สุก30นาที จากนั่นกะนำมาแช่น้ำเย็น บีบน้ำเย็นถิ่มไป เอาใส่หม้อตามเดิม ใส่น้ำใบยานาง
นำไปต้มต่อ ใส่ตะไคร้ทุบๆลงไป สิได้หอมๆ แล้วกะจัดการจกต่อนปลาแดก ใส่กระชอน ลงไปต้มนำโลด
ให้เหลือแต่ก้าง จังยกออกมาถิ่ม พอหน่อไม้ ใบยานางสุก กะปิดไฟเลยจ้า
จากนั่นกะจัดการนึ่งข้าว ทอดส้มปลาอีก2โต หัวเตาข่อยมี4หัว บ่ต้องห่วง สิได้สุกๆพร้อมกัน
ระหว่างถ่าปลาสุก ข้าวสุก กะหันมาหั่น หอมแดง กระเทียม เอาไปคั่วในกระทะให้หอม
คั่วพริกกระเหรี่ยง(พริกโพน)จัก20เม็ด...สุดท้ายคั่วงาดำ งาขาวไว้เลยจ้า
แล้วกะหั่น ผักชีฝรั่ง ผักชีไว้ ใบสะระแหน่เด็ดใบจ้า
ทีนี่มาตำกระเทียม หอมแดง พริกที่คั่วไว้ เก็บพริกไว้โรยหน้านำแหน่ ใส่เบิดเผ็ดคักแท้เด๋
พอละเอียดกะใส่งาลงไปโขลกนำ เอาไว้โรยหน้านิดหนึ่ง...เทเครื่องที่ตำใส่ลงในหม้อหน่อไม้
คลุกให้เข้ากัน ชิมเบิ่งรสก่อนเด้อจังปรุงรสเพิ่ม ย่านเค็มปลาแดก ติ๋มใส่ซิอิ๊วขาว น้ำหมากนาวนิดหน่อย
ใส่ข้าวคั่วนำ ชอบเป็นการส่วนโตจ้า พอรสดีแล้วกะใส่ผักชี ผักชีฝรั่ง คลุกๆต่อไป
ตักใส่จาน โรยใบสะระแหน่ พริกคั่ว งาคั่ว
ผู้ใด๋บ่มักพริกสดคั่ว กะใส่พริกป่นได้จ้า....



ส้มปลาทอดกะสุกพอดี



หากินทอนั่นตั๊ว มาเด้อพี่น้อง กินข้าวเป็นหมู่กัน อันนี่กินมื้อวานนี่จ้า

มื้อนี่ เสียใจกับอิหยังบางอย่าง ที่เหลือบ่กินจ้อย กินบ่ลง มื้อนี่เลยบ่กินหยัง....

[กำพร้าผีน้อย]

นั่งขัดพาข้าวตั้งแต่มื่อวาน ย่อนมีคนว่าสิซุบหน่อไม้สู่กินแล้วบ่ซุบ..ใจฮ่าย

..มื่อนี่สมใจแล้วยังว่าพี่น้อง กินแล้วจังสิไปอ่านเด้อติ๋มหิวแฮง รอบเดิก...ซุบหน่อไม้กับทอดปลาส้ม

คะแนนเต็ม 10 ครูให้ 100 เชียว พะนะ...5555

[เเมงสะดิ้ง]

โอ๊ย....แซ่บนำเด๊
ซิมนำแน๊ บ่กินดอก
ต้อยปากซื่อๆ กะได้จ้า

[แจ่มใสยิ้มสวย]

กลืนน้ำลายเอื้อกๆๆ โอ้ยหน่อ ติ๋มเอ้ย ทรมานพี่แจ่มใสแท้หละ น้องเอ้ย

[สาวทองแพง]

แซบๆๆเด้อจ้าพี่ติ๋ม น้องสินั่งให้กำลังใจกับกลืนน้ำลายจ้า
ตะแซบยุจ้า แต่น้องกินนำบ่ได้จักอย่างจ้า
ขอข้าวจักปันมาโฮยเกลือแนะจ้า

[pui.lab]

สู้ๆจ้า ขับรถมื่อละ 100 โล กินบ่ลงวีมาทางพี้กะได้ดอกทางนี่กินได้เบิ๊ด :l-

[สะใภ้อิสาน]

โอ๊ยยยยย มะเขือออออออ กินกับซุปหน่อไม้ข้าวเหนียววววววววว
ทรมานใจหลายยยยยยยยยยยย

[ศรีทนได้]

เสี่ยวๆ กินบ่ได้ วีมาทางเฮาเด้อ หมอถ่าอยุ่ กลืนน้ำลายจนเมื่อยไปหลายเติบเเล้วหมอ
เสี่ยวเป็นกำลังใจไห้เสมอ บ่ว่าเรื่องไดเด้อหมอ สุ้ๆเด้อหมอ

[เซียงสีผีเป้า]

มีตะแนวเป็นตาแซบเนาะครับ

เป็นหยังหลายบ่น้อพี่นาง คือบ่กินข้าว สิบ่สบายเด้อครับ

เซาเสียใจจักบึด กินข้าวแล่วจั่งไปเสียใจใหม่กะได้ตั๊ว

เป็นห่วงเด้อครับ

[สาวหนองหาน]

:l-มาอีกแล้วเมนูแซบๆสุดยอดเลยจ้ะน้องฮัก ว่าแล่วกะไปเอเชียช้อปกะน๊าซื้อหน่อไม้มาซุปก่อนจ้าเห็นแล้วอยากนำจ้า..