วิธีทำลูกชิ้นปลา...จากครัวฝึกหัด

[สาวทองแพง]

สวัสดีจ้าพี่น้อง มื้อนี้ทำงานบ้านเสร็จไวจ้า
คิดอยากกินขนมจีนแกงเขียวหวาน แต่บ่มีลูกชิ้นปลาจ้า
พอดีมีปลาเนื้อขาวแช่แข็งอยู่พอดีเลยลองทำเบิ่งจ้า
ผลออกมาว่า "ผ่าน" ลูกชิ้นเด้งดีเหมือนเขาขายเลยจ้า
แต่หน้าตาออกมาบ่สวยจ้า หน้าตาบ่สำคัญดอกน้อจ้า เอารสชาติไว้ก่อน
คือคนเฮานิละจ้า หน้าตาบ่สวย แต่ขอให้นิสัยน่ารักกะพอ
ส่วนผสมและเครื่องปรุง
1.ปลาเนื้อขาวบดละเอียด 1ก.ก
2.เกลือ 1ช้อนโต๊ะ
3.พริกไทย 1/4 ช้อนชา
4.ผักชีบด 1ต้น
วิธีทำ
1.ผสมทุกอย่างให้เข้ากัน แล้วนวดให้เหนียว แล้วเอาไปแช่ในช่องแข็ง30นาที

30นาทีผ่านไปไว เหมือนโกหก แชทบ่พอคราว


ต้มน้ำให้เดือดจัดๆ ใช้ไฟแฮงๆไปเลยจ้า
แล้วเอาช้อนชาตักเนื้อปลาลงไปในน้ำฮ้อนจ้า
พอสุก เนื้อปลาจะลอยขั้นมาจ้า รออีก3-5นาทีจ้า


พอสุกแล้ว ก็ตักมาแช่น้ำเย็นจัดในทันทีจ้า(ใส่น้ำแข็งนำจ้า) ลูกชิ้นจะได้เด้งจ้า


พอเย็นแล้วก็ตักขึ้นมาใส่จานจ้า หน้าตาบ่ผ่านเลยน้อจ้า


ผิวพรรณข้างนอกบ่งาม แต่ข้างในงามยุจ้า


และแล้วก็ได้กินขนมจีนแกงเขียวหวานลูกชิ้นปลา สมใจอยากจ้า
มาเด้อจ้าพี่น้อง ผักอิหยังกะบ่มีใส่จ้า พริกสดกะเกือบจะเน่า

ธุจ้า ขอบคุณสำหรับพื้นที่และทุกกำลังใจที่แวะมาเยี่ยมชมจ้า

[pui.lab]

สุดยอดดดดด น้องแพง ปลาเพียวๆบมีแป้งผสม อยากกินนำเด้ :b-b

[อาวอ้วนเมืองยศ]

มักๆๆ จ้า ขนมจีบแกงเขียวหวาน เห้อเห็นแล้วกะหิวนำเด้อบาดนิแมะ

[สะใภ้อิสาน]

น้องแพงขอพี่จานกำลังอยากกินแกงเขียวหวาน
อยู่ห่างบ้านไกลเมือง สิ่งไหนไม่เคยทำก็ต้องฝึกต้องทำ
ไม่งั้นก็อด

[แจ่มใสยิ้มสวย]

น้าน น้องแพงทันอกทันใจน้อ คราวนี่พี่ได้กินขนมจีน น้ำยาป่าลูกชิ้นปลา สมใจอยากแท่ วันก่อนทำสูตรคุณนิ ไม่มีลูกชิ้น ไม่มีกระชาย ถูไถไปพอได้อยูเด้

ปล มีการบ้านส่งอาจารย์แพง(ขัดหม้อไหม้) กับอาจารย์หน่อย แหนมกระดูกหมู

[กำลังใจ]

เขียวหวานขนมจีน ของมักเลยละ สาวทองแพง

[ติ๋ม เปอร์โย]

ขอ2จานจ้าน้องแพง ดีเลยมื้อวานนี่บ่กินอิหยัง กำลังหิว.....

มื้อคืนนี่พี่อาการบ่ค่อยดี เลยเข้านอนแต่หัวค่ำ เลยบ่ได้มาชิมนำ....มีการบ้านมาส่งแน่นอนจ้าน้องฮัก....

[จำปา]

ขอบใจจ้าสำหรับวิธีเฮ็ดลูกชิ้นง่ายๆ แต่แซบ
แบบหนิต้องลองเฮ็ดกินเองสาแล้ว

[เซียงสีผีเป้า]

น่าสิก้อนใหญ่ๆเนาะครับ มันก้อนน้อยโพด ผมย้านหย่ำบ่ถืก เอิ้กๆ แข่วผมห่างครับ

[หมูหวาน]

โอ้พี่แพง ทำเก่งจังจ้า หน้าตาบ่ผ่านพะนะ น้องหมู ยกให้ผ่านเลยจ้า มักๆกินลูกชิ้น สิจดสูตรไปเฮ้ดลองเบิ่งกะหน๊า อิอิ