เสียงซอรำพัน 2) ตอนสีซอรออ้าย

[ข้าวต้มมัด]

อีอี๋อี่ อิอี๊อี๋อ้อ นั่งสีซอเสียงเศร้าท่าผุมายมาหา
ผุเคยฟังภาษา ซอสีจากใจน้อง
ซอที่เคยได้ค้อง คลองหัวใจของคุณพี่
อยู่ไสน้อมื่อนี้ เสียงซอเศร้าสิบรรเลง
บ่าวคนเก่งเคยคอยน้อง นั่งแล้วมองน้องยิ้มใส่
นั่งยิ้มน้อยยิ้มใหญ่ ตอนน้องใส่เสียงสร้อย อ่อยอี่นี่บรรเลง
เสียงซอเค่งขึ้นแล้ว เสียงแว่วหวาน ได้ต้านกล่าว
แล้วได้สีจ้าวจ้าว ห่าวจั่นใส่กลอง
คือดั่งอ้ายกับน้อง เฮาสองหย่องหากัน
เกิดเป็นสายสัมพันธ์ ฮักกันปานเด็กน้อย
ยังเคยจ้าจ้อยจ้อย เว้าอ่อยในคำหวาน
เป็นน้ำตาลมาละลาย เฮ็ดให้ใจอ่อนไหวพุ้น
โอ้พ่อคุณคนดี หรือว่ามีเก๋งคันใหม่
ขับไปเที่ยวทางได๋ ลืมสายใจแล้ว หล่ะบ้อ
ซอมันเศร้าเจ้าบ่มา ยังสีซอรอท่า ส่งสายตาจากเนื้ออุ่น
อยากสิหนุนตักอ้าย ชายคนโก้มาส่างลืม
ขอส่งจิตส่งใจ สีซอให้ไปส่งข่าว
บอกว่าสาวนี้ท่า สิเป็นบ้ายุผุเดียว แท้แล้วพี่เอ้ย




อีกหนึ่งตำนานเกี่ยวกับเครื่องดนตรีชนิดนี้ เสียงซอรำพัน อย่าฟ่าวค้านอ่านเด้อค่ะ

[กำพร้าผีน้อย]

ลิขสิทธิ์บน YouTube Credit By : https://www.youtube.com/watch?v=qeU4peuiu6U

..หลงมนต์คนสีซอ...

แต่งผญาได้ดีหละกะม่วนเนาะน้องข้าวต้มมัด..ทางนี่หละบ่ถนัดแหมะ เอาเพลงมาให้ฟังคือสิเข้ากับบรรยากาสยุเนาะ...

[ข้าวต้มมัด]

ขอบคุณเด้อค่ะอ้ายบ่าวยางตลาด ที่เอาเพลงมาลงประกอบเข้าบรรยากาสยุค่ะ
น้องข้าวต้มมัดผูกพันธ์กับซอได้ฟังยามได๋กะมวนค่ะ

เสียงเพลงสะดุดเด้อค่ะอ้ายฟังอยากจักหน่อย

[ตรี ศรีเมืองใหม่]

ตามมาฟังเสียงซอน้องข้าวต้มมัด ปานนี้คือสิสีซอบนรถเก๋งติเน๊าะ.....

[สาวมุก]

เอื้อยข้าวต้มมัดนิเก่งเนาะจ้า แต่งผญาได้ม่วนอิหลี...เป็นกำลังใจให้เด้อจ้าเอื้อย ขอให้เอื้อยแต่ผญา แบบนี้มาให้ฟังบ่อยๆ เพราะว่าโดยส่วนตัวแล่วสาวมุกเป็นคนมักคำผญามากๆเลยจ้า...

[ข้าวต้มมัด]

อ้ายบ่าวเซียงน้อยเอ้ย อันว่าซอมันเศร้าเหงาเหงา คิดฮอดพี่ตั่วชาย
โตเจ้าเป็นจั่งได๋อ้าย หายจ้อยข่อยบ่เห็น
มาเฮ็ดเส้นคนแท้ คอมแหม่ะรถเก๋งใหม่
อันพ่อไหย่เพิ่นเปลี่ยนใจ หลอกได้ยุสู่เวน
มื่อนี้เห็นรถใหญ่นั้น กะสิให้คันใหญ๊ ใหญ่ (เพิ่นว่า)
บัดห่าเห็นคันน้อย กะสิต้อยว่ามันงาม
จักสิตามใจจั่งได๋ ปวดหัวหลายอยากอายว่า
หล่าได้กินแต่เข่า บ่กล้าเว้าอย่านเพิ่นสูน พี่เอ้ย



ขอบใจสาวมุกที่ชอบผญ๋า ที่เอื้อยข้าวต้มมัดแต่งจ้า