หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 14

หัวข้อ: มาถามข่าวน้องขามป้อมทางเกาะสมุยจ้า

Hybrid View

คำตอบที่แล้วมา คำตอบที่แล้วมา   คำตอบถัดไป คำตอบถัดไป
  1. #1
    ร่วมถ่ายทอดความรู้สู่สังคม สัญลักษณ์ของ สาวเมืองกะสิน
    วันที่สมัคร
    Sep 2007
    กระทู้
    584

    มาถามข่าวน้องขามป้อมทางเกาะสมุยจ้า

    มาถามข่าวน้องขามป้อมทางเกาะสมุยจ้า หวัดดีจ้าขามป้อม มื่อนี่เอื้อยนั่งเบิ่งข่าวทางช่อง3 เห็นน้ำท่วมทางภาคใต้อย่างหนัก ทางเกาะสมุยเป็นจังได๋แนน้อน้องหล่า ล่าสุดเห็นบอกว่าปิดสนามบินทางเกาะสมุย สภาพอากาศบ่ค่อยดีว่าซั่น จังได๋กะขอให้ปลอดภัยเด้อ น้องหล่า ดูแลตัวเองให้ดี มีหยังกะส่งข่าวส่งข่าวมาทางบ้านมหาเฮาให้พี่น้องเพิ่นรู้นำแนเด้อหล่า แล้วกะฝากความห่วงใยไปให้พี่น้องเฮาทางเกาะสมุยและทางใต้ทุกๆๆคนเด้อจ้า ขอให้ทุกคนปลอดภัยจ้า มาถามข่าวน้องขามป้อมทางเกาะสมุยจ้า

    ปล.พี่น้องทางอิสานบ้านเฮาที่ถูกน้ำท่วมกะเป็นห่วงคือกันเด้อจ้า ติดตามข่าวสารอยู่ตลอดซ่อยหยังได๋ บริจาคหยังได๋กะซ่อยเพิ่นไปคือกันจ้า ขอให้ทุกปลอดภัย และก็สู้ๆๆจ้ามาถามข่าวน้องขามป้อมทางเกาะสมุยจ้า

  2. #2
    ศึกษาหาความรู้ สัญลักษณ์ของ mewcoppy
    วันที่สมัคร
    Apr 2010
    กระทู้
    315
    ขามป้อมคนสวย ผมมีวิธีแก้จมน้ำครับ กินขนมหลายๆให้อ้วนคักๆรับรองบ่อจมน้ำโดนกันหลายนอครับ น้ำท่วม ทางสมุทรปราการก่าย่านๆอยู่ครับ:l-


  3. #3
    ศึกษาหาความรู้ สัญลักษณ์ของ บ่าวจีดส์
    วันที่สมัคร
    Apr 2010
    กระทู้
    349
    ขอเอาใจซอยเด้อครับ...ทางโนนสูง โคราชก้อรอดพ้นปัญหาน้ำท่วมมาแล้วครับเหลือตะที่นายังทันหายท่วมอยู่ เอาใจซอยเด้อครัยเด้อ

  4. #4
    เจ้าหน้าที่ประชาสัมพันธ์ สัญลักษณ์ของ ลุนนี ศรีเกษ
    วันที่สมัคร
    Jun 2009
    ที่อยู่
    ศรีสะเกษ กรุงเทพ จอมเทียนชลบุรี
    กระทู้
    789
    บล็อก
    1
    เอ๋าน้ำท่วมเกาะกะมียุตี้ ป้าว่าตะเกาะคือแผ่นดินที่มีน้ำล้อมรอบ คันฝนตกมามันกะบ่อฟ่าวไหลลงทะเลเบิดโลดเบาะ สังสิว่าน้ำท่วมเกาะนอบาดดดดดดดดดดดดดดดเนี่ย

  5. #5
    ดีเจ นักจัดรายการ สัญลักษณ์ของ บักขามป้อม
    วันที่สมัคร
    Jun 2009
    ที่อยู่
    อิสานบ้านเฮา
    กระทู้
    610
    บล็อก
    5

    มาส่งข่าวจ้า

    ขอบคุณพี่อัน พี่สาวใจดีหลายๆจ้า ที่มาถามข่าวคราวน้องด้วยความห่วงใยจ้า เกาะสมุยเริ่มมีพายุเข้าได้เกือบอาทิตย์แล้วจ้า แต่ที่ฝนตกแฮงๆ ลมแฮงคักๆ กะคือ มื้อคืนวันจันทร์ที่ 1 พฤศจิกายน 53 จ้า พอตื่นมายามเช้าฝนกะทันเซาตกจ้า ขามป้อมกะลงมาเตรียมจัดรายการปกติ แต่ไฟฟ้ากะมาดับช่วงหกโมงกว่าๆ จ้า กะเลยใช้คอมพิวเตอร์โน๊ตบุ๊ค พ่วงกับมือถือมาแจ้งข่าวกับพี่ดีเจเด็กน้อยจ้า พอดีกับเอื้อยเพิ่นกำลังจัดรายการธรรมะอยู่ หลังจากนั้นบ่ฮอด 5 นาทีแบตมือถือกะเบิด แบตคอมฯ กะเบิดจ้า อิอิ ย้อนความประมาทจ้า บ่ได้เช็คเบิ่งหยังจักอย่าง แล้วกะคึดว่า คือสะดับบ่ดนดอก แต่กะปรากฎว่า ไฟฟ้าดับจนฮอดเกือบบ่ายโมงจ้า

    หลังจากนั้นก็ได้ข่าวว่า เรือเฟอรี่บ่แล่น สนามบินปิดชั่วคราว เพราะว่าบ่เครื่องบินบ่สามารถบินได้ ย้อนว่าทัศนวิสัยบ่ดีจ้า เว้าง่ายๆ กะคือ ถึกตัดขาดจากโลกภายนอกชั่วคราว คนในออกบ่ได้ คนนอกเข้าบ่ได้นั่นเอง ส่วนถนนหนทางในเกาะสมุย ช่วงจากหาดแม่น้ำมาจนฮอดหน้าห้างบิ๊กซีเกาะสมุย น้ำท่วมคักจ้า รถมอเตอร์ไซค์บ่สามารถสัญจรไปมาได้ รวมถึงเส้นทางที่สะไปหาดบางรักษ์ หรือท่าเรือไปเกาะพงันนำจ้า แถวพระใหญ่พร้อม ที่หนักสุดๆ กะคือ แถวเฉวงจ้า น้ำท่วมกระโปรงรถเก๋งเลย

    สาเหตุที่น้ำท่วมเกาะสมุยได้ กะย้อนว่าปัญหาการระบายน้ำออกบ่ทันจ้าพี่น้อง เพราะว่าโรงแรมหรือรีสอร์ทส่วนมาก สะสร้างริมหาด แล้วบ่พากันเฮ็ดทางระบายน้ำจ้า รวมถึง น้ำที่ไหลมาจากภูเขากะสะมีดิน โคลน ทราย ลงมานำ เฮ็ดให้อุดตันท่อระบายน้ำจ้า กะเฮ็ดให้การเดินทางภายในเกาะบ่สะดวกสบาย ไปชั่วระยะหนึ่งจ้า การแก้ไขปัญหาของเจ้าหน้าที่บ้านเมืองเพิ่นกะคือการ ตั้งเครื่องสูบน้ำมาไว้ยังจุดต่างๆ จ้า เพื่อซ่อยระบายน้ำออกไปยังทะเลนำ ถ้าฝนเซาตกจัก 2-3 ชั่วโมง น้ำกะลดจ้า แต่ว่าจากมื้อวานมาฮอดตอนนี้ ยังทันเซาจ้าพี่น้อง อิอิ

    ส่วนโตขามป้อมเอง พี่สาวบ่ต้องเป็นห่วงเด้อจ้า อยู่เทิงเขาอยู่จ้า แล้วกะบ่ได้เดินทางไปไส ย้อนว่าพักอยู่ชั้นบนของออฟฟิศเลย กะเลยตัดปัญหาการเดินทาง และความลำบากไปได้ส่วนหนึ่งจ้า แล้วด้วยความห่วงปากท้องหลาย มื้อวานกะไปกักตุนเสบียง ข้าวสาร อาหารแห้งมาไว้แล้วจ้า ผักนางอางหญ้านำ เพราะว่า เรือเฟอร์รี่แล่นบ่ได้ พวกแนวอยู่แนวกินที่มาจากฝั่ง กะมาบ่ได้ อาหารทะเลกะแพงจ้า เพราะเรือน้อยออกบ่ได้เป็นอาทิตย์แล้ว แล้วกะอุ่นใจย้อนมีปลาแดกจากญาแม่สาวไร่อ้อยอีกไหหนึ่ง อิอิ คึดว่าอยู่ได้จนกว่า พายุสะออกไปจ้า

    ท้ายนี้กะขอขอบคุณพี่อัน อีกรอบจ้า ที่ยังบ่ลึม และคึดฮอดคิดถึงน้องสาวอยู่ น้องซาบซึ้งหลายๆจ้า รู้สึกดี อบอุ่นใจคักกว่าทุกปีที่ผ่านมาจ้า ที่มีพี่น้องบ้านมหาของเฮาอยู่ ขอบคุณพ่อน้องมิว อ้ายบ่าวจีดส์ และคุณป้าแดงนำจ้า เดี๋ยวถ้ามีหยังคืนหน้า ขามป้อมสะมารายงานให้ฟังอยู่ตลอดๆ เด้อจ้า ขอบคุณอีกเทื่อจ้า

  6. #6
    ศิลปิน,ช่างภาพอิสระ สัญลักษณ์ของ เพ็นนี
    วันที่สมัคร
    May 2009
    ที่อยู่
    Bangkok
    กระทู้
    1,308
    บล็อก
    2
    ว่าสิโทรหายุเพื่อนเมื่อคืนนี่เบิ่งข่าว นอกจากขามป้อมกะยังมีข้าวเหนียวหมูปิ้งและกะโมจิ(ลูกเพิ่น)
    รวมถึงสมาชิกบ้านมหาอีกหลายคนที่อยู่เกาะสมุย เกาะพงัน

    เพ็นนีกะเป็นห่วงย้านได้ติดเกาะอีหลี ย้านหาหมากพร้าวแห้งบ่ทันมันไหลลงทะเลไปนำน้ำเบิดแล้ว

  7. #7
    ร่วมถ่ายทอดความรู้สู่สังคม สัญลักษณ์ของ บ่าวห้วยละโอง
    วันที่สมัคร
    Feb 2009
    กระทู้
    717
    เบิ่งตะของดีๆเด้อหญิง หญิงแยกโรงบาลท่วมบ่

  8. #8
    ร่วมถ่ายทอดความรู้สู่สังคม สัญลักษณ์ของ สาวเมืองกะสิน
    วันที่สมัคร
    Sep 2007
    กระทู้
    584
    ดีใจหลายๆเด้อน้องหล่าขามป้อม ที่เห็นมาตอบกระทู้เอื้อยน่ะ ได้รู้ว่าปลอดภัย อยู่ดีสำบายแล้ว เอื้อยกะหายห่วงจ้า

    ทุกมื่อนี่ภัยธรรมชาติมันมาไวจ้าน้องหล่า จังได๋ๆๆกะอย่าประมาทภัยธรรมชาติเด้อจ้า อยู่ที่สูงก็ใช่ว่าจะปลอดภัยเสมอไป

    ขามป้อมกะระวังๆๆ คอยฟังข่าวคราวเตือนภัยเสมอๆกะแล้วกันเน๊าะน้อง ทุกมื่อนี่เอื้อยบ่ค่อยได้เข้าไปฟังเพลงนำ เพราะว่ามีงานหลาย

    จังได๋กะรักษาสุขภาพนะจ๊ะ สำหรับเอื้อยกะสบายดีจ้า จุ๊ฟๆๆๆ

  9. #9
    ร่วมถ่ายทอดความรู้สู่สังคม สัญลักษณ์ของ ข้าวเหนียวกะหมูปิ้ง
    วันที่สมัคร
    Oct 2009
    กระทู้
    113
    ขอบคุณสำหรับกำลังใจ และความห่วงใย จากทุกคน ที่ถามข่าวถึง นะคะ
    สำหรับข้าวเหนียวกะหมูปิ้ง กะ หนักพอสมควรจ้า บ้านที่พักยุ น้ำบนภูเขา
    กะไหลลงมา ท่วม พอออกไปทำงาน กะ เจอน้ำท่วมอีก เพราะต้องขับ
    รถตั้งแต่ หาดแม่น้ำ เพื่อที่จะไปทำงานที่หาดบางรักษ์ พอดีว่ามี แขกเช็คอิน
    บ้านพัก อีกหลังหนึ่ง ซึ่งตั้งอยู่ที่หาดบางรักษ์ จ้า กะเลยต้องไป ทำหน้าที่ของตัวเอง
    กะต้องขับรถไปตามถนนสายหลัก พอฮอดสามแยกบ่ผุด กะเลี่ยวซ้าย จ้า
    น้ำจะท่วมหนักกะตั้งแต่ โรงแรม บันดารา ไปจนฮอด หน้าบิ๊กซี คือขามป้อมว่า
    หละจ้า บางหม่องท่วม ระดับเอว บางหม่อง ถึงคอ กะมีจ้า เสียดายบ่ได้ติดกล้องไปนำ
    บ่ซั้นได้เก็บภาพมาฝากพี่น้องแล้ว แต่กะบ่ต้องเป็นห่วงนะคะ ตอนนี้หาเสบียงกักตุนไว้แล้ว
    จ้า แต่ฟังข่าวได้ยินกรมอุตุ เพิ่น ประกาศเตือน อีกว่า วันที่ 5-8 สิเข้า อีก หนักกว่า
    ลูกนี้ อีกจ้า จั่งได้ กะขอขอบคุณไปยัง เพนนี พี่สาวเมืองกะสิน คุณป้าแดง พ่อน้องหมิว และกะ พี่น้องบ้านมหาเฮาทุกๆๆคน จ้า ที่เป็นห่วง จั่งได๋ กะสิเบิ่งแยงกะของให้ดีที่สุด จ้า
    ขอบคุณ จ้า

  10. #10
    ดีเจ นักจัดรายการ สัญลักษณ์ของ บักขามป้อม
    วันที่สมัคร
    Jun 2009
    ที่อยู่
    อิสานบ้านเฮา
    กระทู้
    610
    บล็อก
    5

    รายงานสถานการณ์ล่าสุดจ้า

    สวัสดีจ้า ขามป้อมมารายงานสถานการณ์ทางเกาะสมุยจ้า ตอนนี้ เรือเฟอรี่แล่นปกติแล้วจ้า สนามบินกะเปิดแล้ว ฝนกะหน่อยลงแล้วจ้า น้ำกะเริ่มลดลงแล้วจ้า ตามภาพเลยจ้า

    รายงานสถานการณ์ล่าสุดจ้า


    รายงานสถานการณ์ล่าสุดจ้า


    รายงานสถานการณ์ล่าสุดจ้า

    รายงานสถานการณ์ล่าสุดจ้า

    รายงานสถานการณ์ล่าสุดจ้า


    รายงานสถานการณ์ล่าสุดจ้า

    อันนี้เป็นภาพบรรยากาศแถวๆ หม่องขามป้อมอยู่จ้า ผ่านหน้าบิ๊กซี ไปจนฮอดสามแยกไฟแดงวัดบ่อผุด



    รายงานสถานการณ์ล่าสุดจ้า

    รายงานสถานการณ์ล่าสุดจ้า

    ซอยนี้ขามป้อมต้องเข้าไปส่งของให้ลูกค้าจ้าแถวหาดละไมจ้าพี่น้อง แต่ตอนนี้สภาพกะคือเห็นล่ะจ้า อิอิ ต้องอ้อมไปอีกทางหนึ่งจ้า


    รายงานสถานการณ์ล่าสุดจ้า

    รายงานสถานการณ์ล่าสุดจ้า

    โดยรวมๆ กะถือว่าใกล้ปกติแล้วจ้าตอนนี้ หนักแหน่กะแถวๆ เฉวงจ้า บ่ทันกล้าเข้าไปจ้าตอนนี้ย้านออกมาบ่ได้ ขอบคุณพี่น้องที่เป็นห่วง และถามไถ่กันเข้ามาจ้า ขอบคุณอาวอ้วนเมืองยศจากคุ้มบูรพานำจ้า ที่โทรมาถามข่าวคราว เดี๋ยวน้ำลดแล้ว สะฟ้าวเคลียร์พื้นที่ไว้ถ่าต้อนรับการบุกเด้อจ้าอาว :l-

หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย

Tags for this Thread

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •