เป็นอีกมื่อหนึ่งของเซียงเหมี่ยงฯ ที่ต้องเลิกงานค่ำ กว่าจะขับรถกลับมาถึงบ้านพักได้กะเกือบทุ่มแล้ว เช่นเคย ลูกน้องหุงข้าวไว้รอถ่า แต่ว่ากับข้าวบ่มีไผเฮ็ดหยังรอ ย่อนบ่ฮู้ว่าหัวหน้าอยากกินหยัง(หรือว่าเผิ่นคร้านกะบ่จัก ฮ่า ๆ) เซียงเหมี่ยงฯ เป็นคนเบื่อกับข้าวตลาด ชอบเฮ็ดกินกันเองมากกว่า เปิดตู้มาเห็นมีหมู เฮ็ดหยังดีน๊อง่าย ๆ ช่องแช่ผักเห็นมีต้นผักชีอยู่ เอาละ ได้การ หมูทอดกระเทียมนี่ล่ะ ง่าย ๆ ดี กับทอดปลาทูอีกอย่าง ฮ่า ๆ หากินจ้อ ๆ นี่ล่ะ แถวที่เซียงเหมี่ยงฯ อยู่ค่อนข้างห่างจากตัวอำเภอจักหน่อย ร้านรวง หรือ ตลาดที่ขายกับข้าวส่วนมาก วายก่อนที่เซียงเหมี่ยงฯ เลิกงาน เข้างานเซ่า เลิกงานแลง นี่คือชีวิตและหน้าที่....
เนื้อหมู เนื้อสะโพกครับ ติดมันหน่อย ๆ จั่งนุ่มจั่งหวาน อย่าคิดหยังหลายครับสะสมไขมันเอาไว้สร้างความอบอุ่นร่างกายยามหน้าหนาว ฮ่า ...
หมูครับหมู...
ซอยเป็นชิ้นครับ...
กระเทียมและรากผักชีสำหรับหมักหมู...
เครื่องหมัก ก็ ซอสหอย ซอสฝาเขียว ซีอิ๊วขาว น้ำตาลทราย พริกไทย แล้ว กระเทียมรากผักชีโขลก
คลุกเคล้าให้เข้ากัน หลังจากนั้นหมักทิ้งไว้สักครู่ เซียงเหมี่ยงฆ่าเวลาด้วยการทอดปลาทูครับ
ทอดปลาทูหันหน้าเข้าหากัน บอกว่าให้คนไทยรักกันเข้าไว้ บ่ซั่นสิอายปลาทู...
ฮ้อนเปลี่ยนท่านิด...
ช่วงทอดปลาทูกะอย่าปล่อยเวลาให้ผ่านไป โขลกกระเทียมไว้เจียวเพื่อโรยหน้าหมูทอดครับ...
หลังจากปลาทูสุกกะทำการเจียวกระเทียม เจียวไฟอ่อน ๆ ครับ เดี๋ยวไหม้ ต้องระวัง...
หลังจากเจียวกระเทียมแล้วกะสิได้กระเทียมเจียวเนาะ...
หลังจากนั้นใช้น้ำมันที่เจียวกระเทียมล่ะครับทอดหมูต่อ ก่อนทอดผสมแป้งข้าวโพด หรือ แป้งทอดกรอบลงไปนิดหน่อยคลุกวงใน เอ๊ย คลุกเคล้าให้เข้ากันครับ...
ลงมือทอดใจเย็น ๆ ไฟอ่อน ๆ ร้องเพลงไปนำกะได้ แต่ว่าเซียงเหมี่ยงฯ ร้องเพลงบ่เป็นเลยบ่ได้ร้อง ฮ่า ๆ ...
หน้าตาหลังจากทอดสุกออกจากกะทะใส่จานหน้าตากะเป็นแบบนี้ล่ะครับ โรยหน้าด้วยกระเทียมเจียว และขาดบ่ได้คือโรย้ด้วยผักชี ตามธรรมเนียม ชิ้นได๋ที่มันไหม้ ๆ เซียงเหมี่ยง กะเอาไว้ข้างล่าง แล้วกะใช้มุมกล้องหลบ ๆ เอาครับ ฮ่า ๆ ...
ถึงเวลาแล้วครับ เซิญแซบนำกันครับ...
ขอได้รับความขอบคุณจากครัวเซียงเหมี่ยงฯ เช่นเคย...
ปล.อั่นนกเขาที่อยุ่ในช่องฟรีซนั่นว่าสิเอามาแปรรูปเป็นลาบใส่ก้านกล้วยยังบ่สะดวกเนาะครับ เอาไว้มื่อหลังเด้อครับพี่น้อง...
Bookmarks