กำลังแสดงผล 1 ถึง 4 จากทั้งหมด 4

คิดฮอดอีสานบ้านเฮา

  1. #1

    รอบยิ้มพิมใจ คิดฮอดอีสานบ้านเฮา (อีสานรำพัน)

    พี่น้องเอ้ย กลับมาผืนแผ่นดินก้ำ ความเก่าคราวหลัง
    หม่องเพิ่นผั่งสายแฮ่ แลเห็นความก่อนกี้
    อีสานเฮาทุกมื่อนี้ มีความดีสิได้ว่า
    วัฒนธรรมก่อนพุ้น โบราญคุ้นพุทธรรม
    ปฏิบัติธรรมงามเลิศล้ำ ความงามเหลือจะเอ้ย
    สุขใหนเลยจะเท่า เหมือนคำข้าวแม่ป้อนมา
    มีพ่อลุงแม่ป้า มาเยี่ยมอยู่วี๋วี่
    บ่ได้มีมื่อเว้น ใจมันเต้นได้พบกัน แท้เด้
    เอกลักษณ์รักษาไว้ ภาษาไทยท้องถิ่น
    ศิลปินพื้นบ้าน ตำนานต้าน ดอกม่วนหลาย
    เสียงพิณแคนโปงลางห่าว อีสานซาวด์ต้าวแล้วม่วน
    ชวนให้คิดอยากย้อน ฟังฟ้อนกะม่วนดี
    ให้ฮักษาประเพณีฮีตเค้า มรดกล้ำค่า เด้อพี่น้อง
    พัฒนาให้เฮื่องฮู่ง อีสานเฮาค่อยสิรุ่ง ไปหน้ากว่าแต่หลัง
    ถาปะนังความดี ฮีตที่มีให้สร้างต่อ
    สืบสานก่อเฮ็ดสร้าง รักษาไว้อย่าสะลืม เด้อพี่น้องเอ้ย
    แก้ไขครั้งสุดท้ายโดย ข้าวต้มมัด; 07-11-2010 at 17:59.

  2. #2
    ศิลปินแดนไกล สัญลักษณ์ของ chudhancock
    วันที่สมัคร
    Oct 2008
    ที่อยู่
    cambridge, England
    กระทู้
    1,975
    หลานข้าวต้มมัดเอ๋ย ทุกนาทีที่อยู่ได้ ลมหายใจที่มีอยู่
    หายใจอยู่สุมื่อ เข้าออกแมนบ้านเฮา แท้เด๊หลาน
    ตามโบราญการฟังเทศ พุธพระธรรมประจำใจ บอให้หายไปเลย
    ยังท่องนำตามก่อนกี้ คำได๋ดี๋ยังจำได้ ยังฝังใส่ในสมอง
    อันทำนองคองธรรม ยังจือจำบอลืมสิ้น บอลืมดินที่เคยยั้ง
    บ่อนเคยฝังดอกสายแฮร์ คุณพ่อแม่ยกเหนือเกล้า คุณคำข้าวแต่ละคำ
    ใจยังจำบอลืมได้ สิกลับไปก้มกราบอยู่ ขอบุญชูซ่อยค้ำ
    พระธรรม ได้ให้เบิงแยง แนเด๋อ สาธุ สาธุ สาธุ

  3. #3
    ฟังวาจางามเลิศล้ำ คำบุราณเพิ่นได้ว่า
    แม่ป้าจ๋าแต่งดีแท้ สมคุณแม่บ้านมหา
    ตัวหลานหล่า ข้าวต้มมัด
    คิดฮอดจัดคิดฮอดบ้าน ได้จาต้านให้ได้ฟัง
    ตั้งนะโม พุทโธ สังโฆ ถึงสามครั้ง ดั่งหลานหล่าสิได้ว่า
    ฝากตามสายลมมา เพื่อปกปักรักษา
    พวกพี่น้อง ไทบ้านทุกทุก คนเด้อค้า
    แก้ไขครั้งสุดท้ายโดย ข้าวต้มมัด; 07-11-2010 at 19:20.

  4. #4
    ฟังแล้วคึดฮอดบ้านจ้าเอื้อยข้าวต้มฯ ม่วนหลายจ้า