กำลังแสดงผล 1 ถึง 6 จากทั้งหมด 6

หัวข้อ: 3โจร จอมวางแผน

  1. #1
    แบ่งปันความรู้และประสบการณ์ สัญลักษณ์ของ prayoon
    วันที่สมัคร
    Jul 2010
    ที่อยู่
    จ.นครปฐม
    กระทู้
    114
    บล็อก
    3

    3โจร จอมวางแผน

    3โจร จอมวางแผน
    มื้อนี้พาพี่น้องบ้านมหามาฟัง นิทาน เพื่อเป็นการผ่อนคลายจากความตึงเครียด บ่ว่าสิเป็นผลมาจาก การใข้ชีวิตประจำวัน เรื่องปากเรื่องท้อง เรื่องภัยธรรมชาติ เรื่องโศกเศร้า เหงาหงอย หน้าบ่ซื่นตาบ่บาน
    ซายหนุ่มผุหนึ่ง อาศัยอยู่ห่างจากหมู่บ้านพอสมควร มื้อหนึ่งเพิ่นต้องการซื้อเนื้อหมูไปกักตุนไว้กินโดนๆ จึงเข้าไปในหมู่บ้าน เพื่อไปซื้อเนื้อหมูในตลาด โจร 3 คนรู้ข่าวว่าชายหนุ่มคนนี้จะเข้าหมู่บ้านไปซื้อเนื้อหมู จึงคิดกลอุบายที่จะขโมยเนื้อหมูของชายหนุ่ม

    เมื่อชายหนุ่มแบกเนื้อหมูมาเกือบเคิ่งโต ที่พึ่งซื้อมาจากตลาดและระหว่างการเดินทางเพื่อกลับบ้าน

    โจรคนที่ 1 ก็เข้ามาใกล้ๆ ชายหนุ่ม แล้วทำท่าพินิจพิจารณาเนื้อหมูที่ซายหนุ่มแบกมา แล้วกะเว้ากับซายหนุ่มว่า
    “ปาดสิโธ เป็นหยังท่านจึงแบกเนื้อหมามาล่ะ มักกินเนื้อหมาตี้เจ้า?” ซายหนุ่มกะตอบโจรคนที่ 1 ว่า “ฮ่วย! เฮาซื้อเนื้อหมูมา บ่แมนเนื้อหมา”… แล้วโจรคนที่ 1 ก็จากไป

    ชายหนุ่มฮู้สึกหุนหวยหน่อยนึง แล้วกะเดินทางกลับบ้านต่อไป

    โจรคนที่ 2 ทำทาเดินสวนกับชายหนุ่ม แล้วกะหันหลังกลับมาทัก ด้วยสีหน้าและท่าทางแปลกใจ และกะเว้ากับชายหนุ่มขึ้นว่า “โอ้! เนื้อหมาแท่แท้ สีเนื้อจั่งซี้ กลิ่นกะเหม็นจั่งซี้ หมาแท้แน่นอน เป็นหยังท่านจังแบกเนื้อหมามาล่ะ?”…แล้วโจรคนที่ 2 กะเดินจากไป

    ซายหนุ่มฮู้สึกตกใจ เริ่มสีหน้าบ่ดี ลังเลสงสัยในเนื้อที่ตัวเองกำลังแบกอยู่

    โจรคนที่ 3 ก็โผล่มาในอีกบ่ทันโดนต่อมา แล้วกะเหลียวเบิ่ง เบิ่งแล้วเบิ่งอีกในสิ่งที่ซายหนุ่มแบกมา จากฮั่นกะทำท่าทาเบิ่งหน้าซายหนุ่มคือจั่งคนแปลกประหลาด แล้วกะเว้าขึ้นว่า “เจ้านี้กะแปลกคนเนาะ แบกเนื้อหมามาอีกคนแล้ว บาปกรรมคนที่กินเนื้อหมานี่เป็นคนใจร้ายจริงๆ มื้อวานกะมีคนแบกเนื้อหมาผ่านมาแถวนี้ผุนึง ฮองกะถืกชาวบ้านรุมหยอง เอาเกือบตาย บรืยส์สสส” แล้วโจรคนที่ 3 ก็จากไป

    ซายหนุ่มได้ฟังท่อนั้น จึงฮู้สึกสะเม่นคิง ว่าเนื้อที่ตนแบกอยู่นั้นมีกลิ่นเหม็นขึ้นมาทันที และคึดว่าถืกแม่ค้าในตลาดหลอกขายเนื้อหมาให้ซะแล้ว มันสิต้องเป็นเนื้อหมาแน่นอน จำเฮาต้องโยนทิ่มข้างทางสาก่อน หวือ...ด ตึบ แล้วเขากะเดินทางกลับบ้านมือเปล่า

    หลังที่ซายหนุ่มจากไปแล้ว ........เดี๋ยวสิกลับมาเฉลยให้ทีหลัง ฟ้าวไปเฮ็ดเวียกก่อน

    จากหนังสือ ถอดรหัสแนวคิด เพื่อชีวิตที่มีคุณค่า โดย รศ.ดร. ชัยณรงค์ วงศ์ธีรทรัพย์


  2. #2
    แบ่งปันความรู้และประสบการณ์ สัญลักษณ์ของ บ่าวธนา
    วันที่สมัคร
    Apr 2010
    กระทู้
    323
    มีภาค2อีก..คือบ่เว้าให้มันจบโลดอ้าย..ฮ้วย..ซังเด้เนาะ ให้กันติดตามยูใด้..คันเจ้าเป็นหยังไปข่อยสิใด้อ่านตอนจบบ่หละเนี่ย อิ อิ อิ อิ(ขอโทษเด้ออ้าย บ่ใด้แช่งเด้อ5555)

  3. #3
    ศึกษาหาความรู้ สัญลักษณ์ของ น้องไอซ์
    วันที่สมัคร
    Oct 2010
    กระทู้
    48
    โอ้ยๆ ว่าสิกดว่าถูกใจจักไปกดผิดม่องได๋ดอกอ้าย มักหลายนิทานแนวนี่เอามาไห่อ่านไวๆๆเด้อจ้า
    ถ่ายุจ้า

  4. #4
    แบ่งปันความรู้และประสบการณ์ สัญลักษณ์ของ prayoon
    วันที่สมัคร
    Jul 2010
    ที่อยู่
    จ.นครปฐม
    กระทู้
    114
    บล็อก
    3

    ขอบคุณผุมีมาติดตามอ่าน มาเบิ่งตอนจบ

    น่านแล่วพี่น้องบ้านมหา คันได้เฮ็ดเวียกแล้วกะลืมจ่อย ตั้งใจว่าสิเล่าให้จบๆ เลยมีงานด่วนมาแทรก ขอโทษขออภัย พี่น้องบ้านมหาหลายๆครับ บาดนี้มาฟังต่อตอนจบของเรื่องนี้

    หลังจากที่ซายหนุ่มได้เดินทางจากไปแล้ว โจร 3 คนกะมาเก็บเอาเนื้อหมูไปตามแผนที่ได้วางไว้ ส่วนสิเอาไปเฮ็ดอีหยังกินนั้น พี่น้องกะคึดหาเบิ่งเอาโลด

    นิทานเรื่องนี้กะสอนให้เฮาฮู้ว่า จงมีความเชื่อหมั่นในตนเองแหน่ อย่าไปฟังแต่ผุอื่นเพิ่นเว้าเพิ่นว่าหลาย จักว่าเพิ่นสิประสงค์ดีฮึประสงค์ร้าย

    สำหรับเรื่องต่อไป สิเสนอเรื่อง เฮ็ดอีหยังกะดีเหมิด เว้าอิหยัง ว่าอิหยังกะดีเหมิด สิม่วนซำใด๋คอยติดตามเต้อครับเค้อ ถ้าสนใจสิอยากฮู้อยากฟัง อยากอ่านกะ โพสต์ ข้อความไว้ ผมกะสิได้มาเล่าให้ฟัง คันบ่มีผุ โพสต์กะคือบ่มีผุสนใจอยากอ่านอยากเบิ่ง มันกะสิเปลืองพื้นที่เว็บเพิ่นสะดอก ขอบคุณครับ

  5. #5
    Banned

    วันที่สมัคร
    Oct 2010
    กระทู้
    757
    บล็อก
    4
    อ่านแล้วกะม่วนดีเน๊าะ ได้คติสอนใจนำ ความเชื่อมั่นและศรัทธาในตนเอง เป็นสิ่งนึ่งที่ซิเฮ็ดให้เฮา

    ประสบความสำเร็จในชีวิต....เอานิทานมาเว้าสู่ฟังอีกเด้อจ้า เดี๋ยวซิมาอ่อาน...

  6. #6
    ศึกษาหาความรู้ สัญลักษณ์ของ น้องไอซ์
    วันที่สมัคร
    Oct 2010
    กระทู้
    48
    บ่ได่มักตะแม่เด่อ้ายลูกสาวกะมักคือกันนิทาน ต้องได่ฟังนิทานก่อนจังสินอนได่ กะได่โทรไปอ่านไห่ฟังสุมื่อลังเทือคนอ่านกะหลับไปพ้อมกัน อิอิ จังได๋กะเขียนมาอีกหลายๆๆเด้อจ้าได่เทิงความรู้และความม่วนนำขอบคุณค่ะที่นำเสนอ

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •