หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 14

ทิดแดงหนุ่มชาวนา แต่ผญามาต้อน

  1. #1
    Tiddang
    Guest

    ทิดแดงหนุ่มชาวนา แต่ผญามาต้อน

    คนอีสานคืออ้าย เป็นซายอยู่บ้านบ้านป่า เฮดแต่นาจนว่าเฒ่า แฟนสิเว้ากะบ่มี
    ตากแดดหลาย .....จนกายดำปี้ ๆ บ่มีบ่อนออนซอนหา ใผสิมาสนใจ ..เอาพี่ชาย เป็นแฟนซ้อน
    นอนคนเดียวโดนได้ เดียวดายหลายปีล่วง คือจังในโลกกว้างมีเฮาแท้แต่ผู้เดียว แต่ผัดเหลียวเบิกก้ำ ทางอาเสียมีโรงสี ผู้เพินมีเงินทอง ครูครองบ่อึดซ้อน ตาออนซอนนำเจ้าไปไส มีรถขึ่ สี่ประตูเปิดกว้าง ๆ จนสาวท่วง อยากนั่งนำ........นี้บ้อ.....เขาว่ากรรมนำสร้าง เป็นทางแต่ปรางค์ก่อน บุญเก่าหลังจั่งต้อน ตอนเจ้า เกิดใหม่มา
    ...... วาสนาผู้ข้า สังมาส่ำตำตอ มื้อได๋นอสิพานพบ ผู้มาประสงค์ร่วม....มารวมใจกันสร้างแปลงทางชีวิตใหม่ สัญญาใจก่อเริ่ม เติมแต้มแต่สิ่งดี หล่านางเอย ....ถึงว่าในมื้อนี้....เงินทองพี่บ่อมีหลาย แต่หัวใจเพียว ๆ มีฮักเดียวจริงแท้ มาถะแม้ ลองมาเป็นแฟนอ้าย ...มาลองใจเบิงจักเทือ ว่าสิเค็มจังเกลือ หรือว่าจืดจั่งน้ำ คำจริงแท้แม้นสำใด๋
    .........................

  2. #2
    Super Moderator สัญลักษณ์ของ ไก่น้อย
    วันที่สมัคร
    Aug 2006
    ที่อยู่
    นครโคราช
    กระทู้
    5,310
    บล็อก
    8

    Re: ทิดแดงหนุ่มชาวนา แต่ผญามาต้อน

    (มาเว่าผญานำทิดแดงกะน๊า Re: ทิดแดงหนุ่มชาวนา แต่ผญามาต้อน )

    โอ่น่ออ้ายเอ้ย ...
    แม่นอิหลีบ่น้อเว่า บ่มีไผเอา มาซ้อนบ่อน
    นอนผุเดียว จนฮอดเส่า ผุจาเว่าอ้ายบ่มี
    ย้านแต่ติแถลงล่ม กินบักยม มื้อละต่า
    กินบักขาม มื้อละต้น ความสิส่มอ้ายบ่มี สั่นดอก...
    ..คั่นแม่จริงคือคำเว่า ให้อ้ายเล่า ให้ฟังเมิงดู๋
    เฮือนยุไสน้อชาย ให้ย่ายมา ให้ฟังบ้าง
    คั่นบุญมีผลาสร้าง ได่ฮวมทาง ผู้มาใหม่
    สิเอาใจมาฮับต้อน สิหยับม่อน ไปเฮดไหม.....สั่นเดะ

  3. #3
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,311

    Re: ทิดแดงหนุ่มชาวนา แต่ผญามาต้อน

    อ่ะ ป๊าดดดดดดด คือไปนำกันซ่องล่องคักแท้ อิ อิ อิ

  4. #4
    Super Moderator สัญลักษณ์ของ ไก่น้อย
    วันที่สมัคร
    Aug 2006
    ที่อยู่
    นครโคราช
    กระทู้
    5,310
    บล็อก
    8

    Re: ทิดแดงหนุ่มชาวนา แต่ผญามาต้อน

    Re: ทิดแดงหนุ่มชาวนา แต่ผญามาต้อน กระทู้ต้นฉบับโดยคุณ ทิดคำศรี
    อ่ะ ป๊าดดดดดดด คือไปนำกันซ่องล่องคักแท้ อิ อิ อิ
    หนีแน๋ อย่ามาหัวร่อหลาย เทือสิแต่งได้ส่ำนี้ ฮ่าๆๆๆ ...

  5. #5
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,311

    Re: ทิดแดงหนุ่มชาวนา แต่ผญามาต้อน

    Re: ทิดแดงหนุ่มชาวนา แต่ผญามาต้อน กระทู้ต้นฉบับโดยคุณ ไก่น้อย
    หนีแน๋ อย่ามาหัวร่อหลาย เทือสิแต่งได้ส่ำนี้ ฮ่าๆๆๆ ...
    เอ๋า สิให่อ้ายหนีไปไสหล่าความจาสังมาไล่ แท้นอ บ้านคือบ่ออยู่ไกล กาฬสินธุ์อีกซ้ำอำเภอนั้นกะที่เดียว
    อ้ายแค่เทียวมาเยี่ยม มายามพอถามข่าว จั่งได๋หล่าน้องสาว สิได้กลับต่าวบ้านสงกรานต์นี้บ่อนอ
    อ้ายกะอยากพบพ้อ น้องหน่อคนทางเดียว จั่งได้เทียวมาถามฮ่าแวะยามทางบ้าน
    คันแม่นมีงานขึ่น จัดกฐินและผ่าป่า พอได้หาพี่น้อง ซองถิ่มส่งเถิง นั้นแหลววววว อิ อิ อิ

  6. #6
    Super Moderator สัญลักษณ์ของ ไก่น้อย
    วันที่สมัคร
    Aug 2006
    ที่อยู่
    นครโคราช
    กระทู้
    5,310
    บล็อก
    8

    Re: ทิดแดงหนุ่มชาวนา แต่ผญามาต้อน

    ..เมือยุดอกอ้าย คิดฮอดหลายบ้านเกิดเก่า
    คิดฮอดสุ่มผุเถ่าเคยจาเว่าเพิ่นให้พร
    สะออนหลายบุญยุบ้านไปงานได่มีแต่ม่วน
    ซุมผุบ่าวกะมาชวน เพิ่นมากวนยุสุมื้อ
    อย่าสะดื้อ.....เพิ่นจ่มหา สั่นดอก เพินว่า

  7. #7
    Tiddang
    Guest

    Re: ทิดแดงหนุ่มชาวนา แต่ผญามาต้อน

    ไก่เอ้ย สังมาหวานแท้น้อหล่า คำจามาเว้าต่อ อ้ายทิดแดงมาอยากพ้อเห็นหน้าบัดเทียเหงา แท้น้อ
    อยู่บ่อไกลเจ้า สารคามบ้านเกิดพี่ อำเภอวาปีอยู่ใกล้ ๆ..ให้มาเยี่ยมบัดเทียกลาย สารคามบ้านอ้ายไผกลายไปได้ฮู้ก่อน ตักศิลานครบ่อนนี้แหล่ว เป็นเมืองแก้วแห่งปัญญา การศึกษาก้าวหน้า อารยะธรรมนั้นหากเด่น พระธาตุนาดูน คู่บ้านสิพาเจ้าเที่ยวชม
    ....อ้าย บ่อได้ตี๋แถลงล้มกินบังยมคือนางว่า แม้นอีหลีดอกจั่งกล้ามาหาญเว้าสู้ฟัง ....นี้แหล่ว

  8. #8
    ผู้ช่วยผู้ใหญ่บ้านมหา สัญลักษณ์ของ มั่วหน่าฮ่าน
    วันที่สมัคร
    Jan 2007
    กระทู้
    1,963

    Re: ทิดแดงหนุ่มชาวนา แต่ผญามาต้อน

    ฮี้ววววว....มีแต่ผุคักๆ 8) 8)

  9. #9
    Super Moderator สัญลักษณ์ของ ไก่น้อย
    วันที่สมัคร
    Aug 2006
    ที่อยู่
    นครโคราช
    กระทู้
    5,310
    บล็อก
    8

    Re: ทิดแดงหนุ่มชาวนา แต่ผญามาต้อน

    ..บ่ไกลกันดอกน่ออ้าย บ้านพี่ชายน้องเที่ยวผ่าน
    บัดฮ่ายามเมื่อยามบ้านสิพอได่ไปนั่งเอือน.............แนบ่น้อ

  10. #10
    เจ้าหน้าที่ประชาสัมพันธ์ สัญลักษณ์ของ สาวบ้านนา
    วันที่สมัคร
    Oct 2006
    กระทู้
    1,918

    Re: ทิดแดงหนุ่มชาวนา แต่ผญามาต้อน

    โอ่ย...อ้ายเ้อย คั่นวาอยูสารคามมันกะจะแม่นดีคั่กหลาย

    หยามแห่ขันหมากมา อั่นตัวน้องคือสิบ่ได่ท่าดนคือจังทางอุบล...

    เจ้าผุเกิดมาหล่อ แก้มเจ่าเฮ๊ดจู้นพูน ทางอิแม่น้องสิวาจังใด

    แนวเขยใหญ่เผิ่นกะมาจากสารคาม หัวใจเตื้องต่อเอื้อยน้อง

    จนมีผุน้อยให้อิแม่ต้อนจ่มอยูสุมื้อหนํากันสองคน (มึนหลาย)

    ผุเฒ่าฮักแพงเลาอยู ย้อนวาได่กินตําแจ่วใส่ข้าวขั่ว

    คั่นแม่นตัวอ้ายมาอยูหนําอีกคน งานแต่งคราวนี้

    ก้อยไข่มดแดงใส่ข้าวขั่วเด้อ อิแม่ข้อย เอิ๊กๆๆๆๆๆๆๆๆๆๆๆๆๆๆๆๆๆๆๆๆๆจบ