ทิดแดงหนุ่มชาวนา แต่ผญามาต้อน

[Tiddang]

โอนอ..... แม่นไปใสเหมิดนอหล้า ความจามามิดมี่ บ่อคือตั้งแต่กี้คำหวานเว้าส่งถึง หรือว่านางลืมอ้าย
ผู้หมายใจคึดต่อ หรือว่าเจ้าแม่นพ้อผู้หมายหมั้นฮวมเฮียง ....แล้วบ่อ ไก่เอ้ยยยยย

[Tiddang]

นี้น้อ เขาว่าไซหลังหล้า บ่อหมานปลานำเพิ่น
ใส่ยามฝนถึกแต่น้ำ ยามแล้งถึงแต่ตรม
วาสนาบ่อสมเจ้า ผลาเฮาบ่อสมเพิ่น พอกระเทินชีวิตอ้าย
อยากอายเว้า แม่นต่อนาง หรือทางโตอ้าย สายแนน แถนบ่อส่ง
เฮดโซงโล่งนอบักเผิง เทิงบ้า แม่นบ่อเต็ม...
.....เปรียบคือดังต้นหญ้าเตี้ยต่ำใบกลาง ยังสิทันเทียมยางใหญ่สูงเฮียมฟ้า
แนวผักขาริมฮั้ว พนางสังบ่ออยาก กินแต่ผักลิ้นฟ้า สู้กล้ำเกิงสวรรค์ นั้นบ้อ.......

[พอกะเทิน]

ฟ้าวมาเด้อเอื้อยไก่ ผู้บ่าวถ่าเจ้ายุ นานมาหลายเพิ่นสิเคียดเด้ (คือแม่นตกต้นหมากลิ้นฟ้าแล้วบุ เห็นจ่มว่าอยากกินๆ บอกแล้วว่าให้เก็บกินแต่ดอกมันว่าซั่น เก็บดอกซุ่มมันหล่นมาลวกกินกะพอแล้ว)

[ไก่น้อย]

โอยย ขออภัยมณี หลายๆไก่น้อยคาตะส่อนกุ้งยุหนองเลิง..นำหมู่ยุ มาแล้วๆ บัดนิ ไสหละผุถามหา ...
...โอ่น่ออ้ายทิดแดงเอ้ย..
ถึงสิเป็นไซหลังหล่า บ่หมานปลาคือเพิ่น
กะหยังมีกะปูน้อย พอได่ไปป่นแลง ยุเดหละ ..อ้าย
...ย้านแต่ทางเพิ่นมาล่อ พอให้นางได้คิดต่อ
หลงตำหูก เตรียมโตพ้อ พ่อบักอ้ายบ่ต้าวมา
ย้านมาป๋า ปล่อยทิ่มใว่ สมใจแล้วเพิ่นบ่กล่าว
ย่านคือสาวไทบ้าน ผ่านไปแล้ว อ้ายบ่คืน สั่นดอก ...
....คั่นแม่นจริงคือคำเว่า กะหยับเข้าใกล้ๆแน่
ให้น้องฮู้แน่ แน่บ่มีแท้ผุยุเฮือน
สิได้เพียรมาถ่า ตั้งผญามาถามไถ่
จริงอิหลีบ่น้อใจ ให้อ้ายไขต่อต้าน ขานไขเว่า เข้าสูฟัง อีกแน่เด้อ ...