คนอีสานคืออ้าย เป็นซายอยู่บ้านบ้านป่า เฮดแต่นาจนว่าเฒ่า แฟนสิเว้ากะบ่มี
ตากแดดหลาย .....จนกายดำปี้ ๆ บ่มีบ่อนออนซอนหา ใผสิมาสนใจ ..เอาพี่ชาย เป็นแฟนซ้อน
นอนคนเดียวโดนได้ เดียวดายหลายปีล่วง คือจังในโลกกว้างมีเฮาแท้แต่ผู้เดียว แต่ผัดเหลียวเบิกก้ำ ทางอาเสียมีโรงสี ผู้เพินมีเงินทอง ครูครองบ่อึดซ้อน ตาออนซอนนำเจ้าไปไส มีรถขึ่ สี่ประตูเปิดกว้าง ๆ จนสาวท่วง อยากนั่งนำ........นี้บ้อ.....เขาว่ากรรมนำสร้าง เป็นทางแต่ปรางค์ก่อน บุญเก่าหลังจั่งต้อน ตอนเจ้า เกิดใหม่มา
...... วาสนาผู้ข้า สังมาส่ำตำตอ มื้อได๋นอสิพานพบ ผู้มาประสงค์ร่วม....มารวมใจกันสร้างแปลงทางชีวิตใหม่ สัญญาใจก่อเริ่ม เติมแต้มแต่สิ่งดี หล่านางเอย ....ถึงว่าในมื้อนี้....เงินทองพี่บ่อมีหลาย แต่หัวใจเพียว ๆ มีฮักเดียวจริงแท้ มาถะแม้ ลองมาเป็นแฟนอ้าย ...มาลองใจเบิงจักเทือ ว่าสิเค็มจังเกลือ หรือว่าจืดจั่งน้ำ คำจริงแท้แม้นสำใด๋
.........................