แกงเขียวหวานไก่

[ติ๋ม เปอร์โย]

มื้อนี่ ไปเรียนกะได้เรียนแค่ช่วงเช้า..ช่วงบ่ายอาจารย์ป่วยกะเลยได้กลับบ้านเร็ว...ว่างๆกะเข้าครัวเฮ็ดกับข้าวตามประสา...
ช่วงแลงๆ16.30-18.30น.ขะน้อยกะไปออกกำลังกายตามเคย Spinningจ้า..จักรยานในร่ม
เผาผลาญไป580แคลอรี่...มื้ออื่นแลงสิไปZumba ครั้งแรกในชีวิตของขะน้อยหละจ้า..อิอิ
หาแนวเฮ็ดให้เจ้าของลืมทุกข์ลืมยาก...ลืมอิหยังบางอย่างในใจไปซั่นหละจ้าพี่น้อง....



เข้าครัวดีกว่า เป็นแกงเขียวหวานไก่จ้า เฮ็ดหลายๆ ไว้กินอุ่นกินยามยาก บ่มีเวลาเฮ็ดกับข้าวเนาะจ้า



อันดับแรกกะหาซื้อเนื้อหน้าอกไก่มาก่อน เอาแต่เนื้อๆห้ามหนัง+กระดูก สิได้กินง่ายๆ



ได้เนื้อไก่มาแล้วกะหั่นเลยจ ติ๋มหั่นแค่250-300กรัมเองจ้า...
พริกแกงเขียวหวาน+กะทิ

หน่อไม้หั่นต้มให้จืด+มะเขือผ่าเป็นซีก+ใบโหระพา+ใบมะกรูดฉีก+พริกชี้ฟ้าหั่น
ติ๋มบ่มี ใช้พริกโพนบ้านเฮาเลยจ้า...เผ็ดดีคัก
น้ำตาลปี๊บ+เกลือ+ซีอิ๊วขาว+น้ำปลา ปรุงรส...หาได้ทอนี่หละจ้า เครื่องปรุง
จัดการแกง ตั้งกระทะ ใส่กะทิ ผัดเครื่องแกงให้หอม แล้วกะใสเนื้อไก่ ผัดจนเนื้อไก่เกือบสุก ปรุงรสตามชอบจ้า
ใส่กะทิที่เหลือ ใส่หน่อไม้ เทลงใส่หม้อแกง เติมน้ำเปล่าได้จ้า ต้มต่อไปให้เดือด ใส่พริกหั่นลงไป
แล้วกะใส่หมากเขือ พอสุกกะปิดไฟ ใส่โหระพา ใบหมากกรูด



ตักใส่ถ้วยเสริ์ฟจ้า หาเองเด้อขนมจีนกับข้าวสวยหั่น อิอิ...เชิญแซบจ้าพี่น้อง
แก้เหงาไปแล้ว1กระทู้ ไปนอนก่อนเด้อจ้าพี่น้อง มื้ออื่นขะน้อยตื่นแต่เช้า ไปโรงเรียนตามเคย...

[สะใภ้อิสาน]

น้องติ๋มจ้ามาขอกินข้าวแกงเขียวหวานไก่ด้วยจ้า
อยากกินแต่มะเขือออหรอไก่พี่ยกให้ คิคิคิ

[ไก่น้อย]

ป๊าดด ได้ข้าวปุ้นจักจาน นิเข้ากันขนาดเลยพี่ อย่าเน้นกะทิหลายหละพี่ มันสิเต้นบ่ออก ฮ่าๆๆๆ มีความสุขกับชีวิตประจำวัน อยู่ในโลกของความจริงนั่นหละดีกับชีวิตเฮาที่สุดเนาะพี่ ....สู้ๆๆคือเก่าจ้า

[เซียงสีผีเป้า]

ไปหเข่าปุ้น ก่อนเด้อครับ สิมากินกับแกงไก่
ตาแซบฮ่าย