กำลังแสดงผล 1 ถึง 5 จากทั้งหมด 5

หัวข้อ: อย่าลืมโต

  1. #1
    hifisap
    Guest

    อย่าลืมโต

    บ่ลืมโต(ผญา)
    คึดฮอดคำโบราณเพิ่นจารจาคำสอนสั่ง
    ปลูกฝังให้หลานเหลนหล่อนเว้าสอนอย่าลืมโต
    อย่าโอคำหลายเว้าใหญ่แมนใผกะตามซาง
    บัดได้บริวารนำข้างเขาสิห่างดอกทางหนี
    อย่าพาโลคึดว่าโตเป็นคนมีเฮ้ดหยังดีเหบิดสูอย่าง
    หากแมนม้างมาแล้วหน้าเจ้าสิอายเขา
    ถึงมีทรัพย์แต่อัปไร้ปัญญานำ
    เงินทองแก้วคำบ่ทำให้ประเสริฐได้
    โบราณเพิ่นว่าเว้าคนเฮาอย่างลืมครอง
    ฮีตสิบสองครองสิบสี่ให้จือจำไว้นำบ้าง
    เรือนสามน้ำสี่บายศรีผูกเสี่ยว
    อย่าลืมเหลี่ยวสิ่งนี้ประพฤติทำ
    ละแมนมีเงินมีคำแต่ลืมของสิ่งนี้
    เถิงมีเงินเป็นหลายแสนคงสิแปนจักมื้อหนึ่ง
    คำโบราณเว้าลึกซึ้งสิบ่ห่างดอกใจเลือน
    สิหมั่นเตือนชาตาว่าอย่าลืมโตเองดอกเด้อ

    (ถ่าแม่นซ้ำกับผู้ได๋กะขออนุญาติบาดคำเด้อกะบาลน้อย)

  2. #2
    แบ่งปันความรู้และประสบการณ์ สัญลักษณ์ของ ทองคำ
    วันที่สมัคร
    Jan 2007
    กระทู้
    139

    Re: อย่าลืมโต

    สาวงามขำมาจาเว้า เอาผญามาเตี้ยงต่อ
    เอาคำสอนแม่พ่อ ยอออกมาไขข้อสอนซี้สติเตือน
    ฮีตสิบสองคองบ่อเปื้อน ทั้งสิบสี่ยังจำเอา
    ไทยอีสานหมู่เฮายังค่อยถือตามส้นคนเฒ่าแต่ก่อนมา
    ยังเฮ้ดนาทำเข้า เอาบุญบ่อห่อนขาด
    ทั้งตักบาตรและหยาดน้ำกระทำไว้แม่นสู่แนว
    เสียงพิรแคนยังดังแจ้ว อ่อยอิ่นฟังเสนาะ
    เลาะตามคลองตามทุ่งมืดมุงหมู่ไม้ ( ไม้บ้านฮ้าง ) นางเอ้ย

  3. #3
    เจ้าหน้าที่ประชาสัมพันธ์ สัญลักษณ์ของ ชายหล่ามาดามศรี
    วันที่สมัคร
    Feb 2007
    กระทู้
    762

    Re: อย่าลืมโต

    คั่นเจ้าได๋ขี่ช้าง กั้งห่มเป็นพระยา อย่าสิลืมชาวนาผู้ขี่ควายคอนกล้า เด้อ ได่ส่ำนี่ล่ะ กำลังสิหัด อันนี้กะจำเขามาดอก

  4. #4
    ฝ่ายเทคนิคและโปรแกรม สัญลักษณ์ของ บ่าวโจ่โล่
    วันที่สมัคร
    Dec 2006
    กระทู้
    1,433

    Re: อย่าลืมโต


    ลืมจั่งได๋ได้ ลืมโตไปจั่งได๋น่อ ถ้าแม่นลืมโตก็ สิกินเข้าจั่งได๋...เหอ ๆ
    คำโบราณว่าไว้ กะหากแม่นเด้องามขำ อ้ายกะจำบ่เคยลืมตั้งแต่ออกจากบ้าน
    บ่ อวดหาญเว้าโม้ ว่าโตคือผู้เก่งใหญ่ ถ้าได้เว้านำไผ กะนบอยู่ข้อม้อ ขอความรู้เผิ่นสู่ยาม
    เปรียดั่งเฮาคือแก้วน้ำ บ่เคยเต็มจักเทื่อ ถ้าผู้ได๋ฮู้เหลือ กะมาเติมไส่แก้ว บ่มีล้นดอกรับรอง
    แนวเงินทองคำแก้ว กะบ่เคยรวยจักเทื่อ มีแต่ขาดบ่เหลือ หากมีผู้สิให้ เอามาโลดสิรับเอา
    ฟังโบราญเผิ่นเว้า อย่าลืมฮีตลืมคอง ถ้ามีผู้ปรองดอง เป็นเสี่ยวนำ กะเชิญได้
    กะยังจำเอาไว้ มูลมังคู่สู่ย่าง เผื่อโอกาสได้สร้าง อิสานเค้าให้ฮุ่งเฮือง...แม่นบ่ลุงทิดคลำอี๋

    อย่าคิดนะว่าเธออยู่ในโลกนี้คนเดียว หนทางไม่เปลี่ยวขนาดนั้น ยิ้ม ๆ ไว้ซิก็อุปสรรคต้องฝ่าฟัน ยังไงเธอก็จะมีฉันคอยห่วงใย

    สื่อบันเทิงที่นำมาให้รับชม รับฟังเป็นเพียงตัวอย่างเท่านั้น หากท่านชื่นชอบ สื่อใด โปรดซื้อสินค้าลิขสิทธิ์

  5. #5
    เจ้าหน้าที่ประชาสัมพันธ์ สัญลักษณ์ของ บ่าวพันธ์คนเดิม
    วันที่สมัคร
    Sep 2006
    กระทู้
    1,684

    Re: อย่าลืมโต

    บ่ลืมดอกครับ อิอิ

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •