พี่น้องว่ารูปภาพข้างล่างนี่มันคืออิหยัง....?

สูงสุดสู่สามัญ

เฉลย...น้อครับ มันบ่แม่นรีโมท เด้อครับ
แต่..มันเป็น โทรศัพท์เคลื่อนที่(หรือว่ามือถือบ้านเฮานั่นแหละครับ) มันชื่อว่า
จอห์นโฟน(john's phone) มันถูกสร้างขึ้นมาเพื่อคนที่ย่านเทคโลโนยี่ และก้อ
ใช้เป็นโทรศัพท์เครื่องแรกให้กะเด็กน้อย(แต่คือซิบ่ใช่เมืองไทย) มันเฮ็ดหยังได้แนบาดนี่
รับส่งข้อความ....บ่ได้
ฟังเพลง...........บ่ได้
เบิ่งคลิป...........บ่ได้
ใช้งาน socialnetwork......ก้อบ่ได้
สรุปแล้วมันเฮ็ดได้แค่ โทรออก และก้อ รับสาย ท่อนั่นแหละครับ
และก้อมี 1 ริงโทน สามารถปรับความดังได้ 3 ระดับ(พุ้นเด้)
ราคามันก้อ 3350.00 บาท (67 ปอนด์) ก้อพอสมควรอยู่ครับ
จุดเด่นของเพิ่นก้อ standby ได้นาน 20 มื้อ
อ้อ...ลืมบอกไป เพิ่นสามารถบันทึกข้อความได้ครับ โดยการดึงกระดาษและก้อ
ปากกาที่เพิ่นแถมมาให้ จดบันทึกได้เลยครับ (ตามรูปข้างล่าง)
สูงสุดสู่สามัญ
แต่ยังทันวางขายในเมืองไทยอยู่ครับ (แต่คือซิขายยาก)
พี่น้องผู้ใด๋สนใจก้อเตรียมเงินไว้เด้อครับ คาดว่าซิวางขายในเมืองไทยเร็วๆนี่แหละครับ
ขอบคุณที่มา wowboom.com