เก็บอุ่นไอในตาเจ้า ที่บอกเล่าว่ามีกัน พร้อมสัมพันธ์วันห่วงหา จากคำจาคิดถึงอ้าย
ทุกความหมายที่เคยแจ้ง คำแถลงที่เคยกล่าว ผ่านลมหนาวอีกกี่ครั้ง ทั้งใจนี้กะแม่นเธอ
หากได้ฟังว่าเพ้อเจ้อ ยังล้นเอ่อความจริงใจ ทุกเส้นชัยในใจฝัน แต่ละวันยังมีเจ้า
สิ่งบรรเทาหัวใจท้อ คอยเติมต่อก่อความหวัง คือยิ้มยังติดในตา เป็นสัณญาพาใจชื่น
บ่อาจคืนความคิดฮอด ฝากออ้มกอดตามลมผ่าน เหมันต์กาลเข้ามาไกล้ หัวใจอ้ายอุ่นเสมอ
ฮักเจ้าเด้อบ่เคยร้าง แม้นความห่างเส้นทางไกล ส่วนทางใจยังแนบชิด รักษาสิทธ์ฮักเพียงเจ้าาา
[RADIO]http://www.file2go.com/mrun.php?me=11570s1[/RADIO]
เขียนแต่ผญาดอกเด้อพี่น้อง บ่ปากบ่ไอนำไผกะอย่าว่าให้ผู้ข้าเด้อครับ (ตามประสาเด็กน้อยในบ้านผู้หนึ่ง ฮ่า ๆ ) พากันเฮ็ดเอาเด้อแนวได๋มันดีพี่น้องเอ๊ย ส่วนทางผู้ข้า ผญาบ่ติดดาวคือหมู่ กะซ่อยกันอ่านซ่อยกันวิจารย์เอาเด้อครับ แนวได๋มันบ่ค่องบ่คือกะกราบขออภัยพี่น้อง มิตรรักแฟนผญา เพราะว่าทุกมื้อนี้บ่เขียนแนวอื่นครับ มิดปานกุ๊ดจี่ฟังลำไผว่ากะดาย คิดฮอดทุกท่าน ทุกคนเด้อครับผม
อ้างข้อความนี้
Bookmarks