กำลังแสดงผล 1 ถึง 10 จากทั้งหมด 10

ถามข่าวหาอาจารย์ผญ๋า นามว่า ศรีสะท้านค่ะ

  1. #1

    ถามข่าวหาอาจารย์ผญ๋า นามว่า ศรีสะท้านค่ะ

    ไปทางได๋น้อเจ้า เฒ่าเก่าเจ้าคารมย์
    ผู้สมญานักปรารชณ์ศรี(สะท้าน) ผู้เพิ่นมีดีกรีล้น
    หรือว่าหนีไปซ่น หลบหนีคน อลเวก
    ไปนั่งนอนเอกขเนก ฟังวิเวกอยู่ผุเดียว
    เหลียวแนมเบิ่งขึ้นฟ้า เว้าผญ๋าไปตามท่ง
    อย่าสุหลงป่วงเว้า เข้ามาแมะมาซ่อยเขียน
    ได้ร่ำเรียนวิชาแล้ว ฮู้แปวป่องทางภาษา
    แต่งผญ๋าพรรณา ใช้ปัญญาหาผู้เทียบ
    บ่มีไผ๋มาเปรียบ เทียบผญ๋าอาจารย์ใหญ่
    นางได้ไตรตรองดู ที่ท่านครูบรรยาย
    วิจิตรหลายภาษาเว้า เดาไปได้สองง่าม
    ตามฉันทลักษณ์ถูกต้อง บ่มีพร่องเรื่องผญ๋า
    หรือไปนั่งหลับตา ภาวนาอยู่ใต้ฮ่ม
    หรือว่ามีสวนส้มสวนดอกไม้ เลยเฮ็ดให้ใจบ่ซา น้อ...อาจารย์เอ้ย




    ในฐานะแฟนผญ๋าอาจารย์ยังคิดฮอดคิดถึงอยู่คือเก่าเด้อค้า
    แก้ไขครั้งสุดท้ายโดย ข้าวต้มมัด; 29-11-2010 at 14:47.

  2. #2
    แบ่งปันความรู้และประสบการณ์ สัญลักษณ์ของ บ่าวธนา
    วันที่สมัคร
    Apr 2010
    กระทู้
    339
    **เจ้าพูงามหลาบหล่วยหลงความสวยจนเผลอยาง
    ก้าวขาตกส่างฮ้างหาหม่องขึ้นแมนบ่มี
    สวยอีหลีเทิงขาวพร้อมบุญแต่งแปลงนารา
    วาสนามีบ่เทียมเถิงเป็นคู่ครองนาถน้อง
    ใผเด้น้อสิใด้นอนฮวมห้องปราสาทร์ทองเคียงอุ่น
    ขาวจูนพูนนวยหมากเกลี่ยงแนมแล้วตาสะอ่อน..เด้น้อ..**

  3. #3
    อิอิ บ่าวธนามาตามหาสาวแหล่ อีกหล่ะติ นางกำลังตามหาอาจารย์ผญ๋าศรีสะท้านยุจ้า แต่บ่เป็นหยัง ....ซวดๆๆ ดีใจที่มาแจมจ้า


    ได้ฟังวาจาพะอวนอ้าย บาบ่าวธนาเอ้ย
    อยากเฉลยในใจนาง บ่ได้งามขาวเกลี้ยง
    อิอิ
    โตน้องดำคือขี้เหมี่ยง เจ้ากล้าเสียงยุติพี่
    ลูกออกมาผัสสิดำขี่หมี่๋ หัวหยิ๊กๆ ตาดำปี้ หัวเราะนี้เห็นแต่ฟัน
    นางนั้นได้เห็นอ้าย ชายผุโตขาวผ่อง
    ผิงดั่งทอง มองแล้วเคลิ้ม อย่ามาเติมดอกเชื้อไฟ
    คือสิไปกันบ่อได้ หย่านคือไฟกับน้ำ
    ยามได้พ้อกันยามได๋ มันช๊อคตายบรรไลโลด
    โอ้พ่อคุณพระโอษองค์ ทรงผุงามเอานิ
    คนผุงามจั่งพี่ บ่อึดตี้ดอกผุสาว

  4. #4
    ศิลปินแดนไกล สัญลักษณ์ของ chudhancock
    วันที่สมัคร
    Oct 2008
    ที่อยู่
    cambridge, England
    กระทู้
    1,975
    หลานข้าวต้มมัดจ๋า ถามข่าวหา เพินจารย์ศรีติจ๊ะ เพินไปลู่ขัวญ อยู่บ้านป้า
    ปานนี้ยังบอทันมาฮอดบ้านเพินติจ๊ะ อิอิอิอิโอ้ยบอแมนไผ๋ไปมอมเหล้าสาโทเพิน
    ไปอีมะแหลแซแวไปทางได๋บุ๊ ทีนี่อิอิอิอิ


    ศรีเอ้ยศรีสท้านหลานป้า ให้กลับมาไวไวแน มัวไปแวะอยู่ไสนั่น
    ปานนี่บอฮอดเฮือน ซุมหมูพวกซุมเพื่อนๆ หย่างกายเฮือนบอเห็นโพล่
    ดื่มสาโทแต่มื่อพุ้น ไปเป็นวุ้นอยู่หม่องได๋ ไผ๋พบเห็นให้ซ่อยไว้
    ใส่รถไสยู้มาส่งแนเด๋อ อิอิอิอิอิ

  5. #5
    555555555555555 พ่อลุง อ้ายทิดศรี ตริจ้าเอื้อยข้าวฯ เลาไปสู่ขวัญตั้งแต่คืนก่อน ปานนี้เลายังฮุเสาฮั้วยุจ้าเอื้อย อิอิ (ว่าเล่นเด้อจ้าพ่อศรี)หาบ่พ้อบ่แม่นสิได้เอิ้นขวัญส่อนขวัญเอาตริจ้าเอื้อย 55555


    มาเด้อ...
    เจ้าผุเครือคำป้อง
    คืนผาสาททองคำกาบ
    คืนมาอาบอุ่นน้ำ
    สุคันธ์คั้นคู่โอ......
    ..อิอิ

  6. #6
    ฝ่ายบริหารระดับสูง สัญลักษณ์ของ ตรี ศรีเมืองใหม่
    วันที่สมัคร
    Apr 2006
    ที่อยู่
    หนุ่มอุบล คนศรีเมืองใหม่
    กระทู้
    4,855
    ทิดคําศรีเลาไปหารับจ้างเกี่ยวข้าวอยู่ตั้วน้องช่วงนี้/// หมายเหตุ คักน๊อบ่าวธนา ระวังหูลิเด้อ ฮ่าๆๆๆๆๆ

  7. #7
    ร่วมถ่ายทอดความรู้สู่สังคม สัญลักษณ์ของ ทิดจ่อย
    วันที่สมัคร
    Apr 2009
    กระทู้
    752
    มื้อนั้นกะเห็นเลาปิ้งข้าวจี่ทาบักทุเรียนอยู่เด้ล่ะ
    บ่อแม่นเลาไปลงหนองหาปลาบ้อน้อ อิ อิ อิ

  8. #8
    ฮ่าๆๆๆ ดีใจจ้ามากัน เหมิดเฮือนเหมิดซานบ้านผญ๋าเฮา อีแม่(แม่ป้าลำซิ่ง)แม่เฒ่า ลูกสาว ลูกเขย พี่เรวัตตะและลุกขเทวดา บ่าวธนากะมา และพี่ๆๆน้องๆ ที่สนับสนุนกะทู้ที่นางบ่ได้เอ่ยชื่อ

    มีแต่คนมาส่งข่าวอาจารย์แตกซวดๆๆ ยุยั่งวะ สงสัยอาจารย์ไปงานแต่งแล้วนอนหลับคาเถียงนา หรือแมนคาเกี่ยวข้าวคืออ้ายบ่าวเซียงน้อยว่าน้อ.....ฮ่าๆๆ

  9. #9
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,311
    มื้อสืบมื้อ วนเปลี่ยนเวียนหัน คำเอย
    ยากนำอัน กองกิจ ก่อกระทำหลายเรื่อง
    ขออย่าเคืองคำฮ้าย หายลา บ่จา-กล่าว
    ฟังแต่ข่าว เหตุบ้าน สิตีงบ้อนกะบ่อเป็น สาแหลว
    หากจำเป็นหลายข้อ ยอมายังหลายหลาก
    เอาเพียงพากษ์แค่ฮู้ เฮานั้น ท่อที่ควร
    พอพะอวนเห็นห้อง ทำนองอันเป็นต่าง
    สมพอควรสิกล่าวอ้าง พอสิเอื้อน เอ่ยฟัง แท้แล้ว

  10. #10
    ดูแลตรวจสอบเนื้อหา สัญลักษณ์ของ pcalibration
    วันที่สมัคร
    Nov 2008
    ที่อยู่
    เมืองฉะเชิงเทรา(แปดริ้ว)
    กระทู้
    1,986
    บล็อก
    1
    มันหากเป็นอ้างว้างในระหว่างเหหล
    อลวลมาหาพอปากจานำกันบ้าง
    สุขหรือทุกข์อ้างว้างกะนำทางมาบอกแหน่
    ผุ่สาวเบิดแท่แล่คอยแต่เจ้าอยู่สู่วัน..ซั่นหละหล่ะ