กำลังแสดงผล 1 ถึง 3 จากทั้งหมด 3

ปลาสิไลลาน้ำคำเอยสิเอิ้นสั่ง

  1. #1
    Super Moderator สัญลักษณ์ของ ไก่น้อย
    วันที่สมัคร
    Aug 2006
    ที่อยู่
    นครโคราช
    กระทู้
    5,310
    บล็อก
    8

    ปลาสิไลลาน้ำคำเอยสิเอิ้นสั่ง

    ปลาสิไลลาน้ำคำเอยสิเอิ้นสั่ง
    คำสิไกลสายสร้อยกลอยมันสิลาป่า
    ปูปลาสิลาน้ำเข้าก่ำสิลาหนอง
    หนองสิลาน้ำนาทามสิลาท่ง
    นับมื้อไกลกันแล้วหัวเฮือสิลาฝั่ง
    หมากข่างไกลหมากกลิ้งซิงสิไห้ต่อนกทา
    ดวนดันหอมสิห่างกอไกลต้น
    ฮวกสิลาแม่น้ำนางน้อยค่อยอยู่ดี
    ด้งสิลาม้อนสวนมอนสิลาจ่อ
    สีสิลาหน้า บาทาสิลาเกิบ
    นอสิลาช้าง เสือสางสิลาป่า
    ทวนสิลาหญ้าฝาเฮือนทังดวด ชั่งสิไกลลูกโต้นคนสิไห้แอ่วนำ
    หมาสิลาเข้าปั้นกระสันให้แอ่วนำ
    บัวทองสิลาบึงบ่าวพี่ชายสิลาน้อง
    ผมป่งลากระโด้นหวีสิซันบ่อนใด
    ดอกสมั่งลาจากต้นฟานเอยสิลาหน่าง
    กาสิไลไก่น้อยอ้อยสิห่างฮามสวน
    ฝนสิลาฟ้าปูปลาสิลาบวก
    ปลีสิลากล้วยควายบักเลสิลาท่ง
    ปอสิลาเชือกอ้อง ควายนั้นค่อยอยู่ดี
    เสิบสิลาปี่แอ้ แคนไค้ขลุ่ยซอ
    สาสิลาหญ้ากวยยาสิลาข้วน
    ติบนวดลากะเช้าบอกปูนนั้นค่อยอยู่ดี


    ขอบคุณ ผญาม่วนๆ จาก Paruidol มาแต่งสูฟังอีกแน่เด้อคะ ม่วนหลาย

  2. #2
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,311

    Re: ปลาสิไลลาน้ำคำเอยสิเอิ้นสั่ง

    โฮ...มาลายาว ปานสิไปทำงานแถวอิรัก หรือคูเวต แท้น้อบาดนี้ อิ อิ อิ

  3. #3
    ฝ่ายบริหารระดับสูง สัญลักษณ์ของ ตรี ศรีเมืองใหม่
    วันที่สมัคร
    Apr 2006
    ที่อยู่
    หนุ่มอุบล คนศรีเมืองใหม่
    กระทู้
    4,855

    Re: ปลาสิไลลาน้ำคำเอยสิเอิ้นสั่ง

    สิลาไปไสน๊อ..น้องไก่..หรือว่าสิกลับไปอยู่กาสิน..อิอิๆๆ เอิ้นแหน่เด้อ