กำลังแสดงผล 1 ถึง 4 จากทั้งหมด 4

หัวข้อ: เจ็บส่ำได๋อ้ายสิทน จนไปถึงวันสุดท้าย มื้อที่อ้าย..ตายจากเธอ..

  1. #1
    ศิลปิน นักแต่งผญา สัญลักษณ์ของ พลายแก้ว
    วันที่สมัคร
    Dec 2008
    กระทู้
    630

    เจ็บส่ำได๋อ้ายสิทน จนไปถึงวันสุดท้าย มื้อที่อ้าย..ตายจากเธอ..

    เส้นทางฝันพลันมาฮอด ซอดทางแพร่งแบ่งทางเดิน
    จำเผชิญกับความเจ็บ ตามสะเต็ปของคนพ่าย
    อยากห่างหายให้ไกลหน้า เมื่อเจ้าลาไปหาใหม่
    จากนี้ไปสิไกลเจ้า ไฟเผาร่างสิห่างเธอ
    กลับมาเจอเธอจนได้ โลกกว้างใหญ่หลายถนน
    ส่างมาวนเวียนบรรจบ พบพ้อกันในวันนี้
    เมื่อเธอมีคนเคียงข้าง ควงแขนย่างอย่างมีสุข
    คนที่อุกนั้นแม่นเฮา เศร้าโศกตรมระทมกั้น
    ใจเริ่มสั่นพลันหูอื้อ แขนขามือคือล้าหล่อย
    ดุจดั่งคนขี้ใจน้อย น้ำตาย้อยหยาดหย่าวลง
    แม่นใจคงยังฮักหมั่น ถึงเลิกกันบ่เลิกเจ็บ
    บ่แม่นเล็บที่หยิกกาย คราวเดียวหายคลายเจ็บจ้อย
    หากเป็นฮอยหัวใจฮ้าง เมื่อฮักจางใจม้างหมุ่น
    ที่คุกรุ่นคือความเจ็บ เป็นคอนเซ็บของคนแพ้
    ได้แต่แลหลิงล่ำน้อง กับครอบครองความหมองหม่น
    เจ็บส่ำได๋อ้ายสิทน จนไปถึงวันสุดท้าย มื้อที่อ้าย..ตายจากเธอ..



    ห่างหายไปหลายมื้อ มาคือเป็นสั่นๆจั่งได๋ดอกครับ ม่วนบ่ม่วนกะสุดแท้แต่สิพิจาระซอมเบิ่ง ตามความรู้สึกนึกคิดและจินตนาการ..สั่นดอกหว๋า..

  2. #2
    ร่วมถ่ายทอดความรู้สู่สังคม
    ช่างภาพอิสระ
    สัญลักษณ์ของ ดอกมันปลา
    วันที่สมัคร
    Sep 2008
    ที่อยู่
    Roi Et City
    กระทู้
    296
    มื้อนี้อ้ายน้อง แต่หล่ะคนมาประชันผญากันบ้อน้อจ้า
    เป็นกำลังใจให้จ้าอ้าย
    :l-:l-:l-:l-

  3. #3
    Maximum learning
    ศิลปิน นักเขียน
    สัญลักษณ์ของ khonsurin
    วันที่สมัคร
    Apr 2008
    ที่อยู่
    ท่าตูม สุรินทร์
    กระทู้
    8,063
    บล็อก
    197
    นางฮ้างลาจากอ้าย เพราะว่าเจ็บซ่ำอายชาวบ้านเขา
    ว่าฮักของเฮาเคยฝันฮ่วม แต่อ้ายกวนวกหนีหายจาก
    นางรอจนเกือบทั้งชาติ อ้ายก็เมินหนีหาย
    เดินแจกยิ้มให้แฟนสาว ปล่อยให้เฮาร่ำไห้
    เดินเฉยเฉยจากไป ไม่อาลัยหันมาเบิ่ง
    ว่าใจนางฮ้อนฮน นางมืดมนทุกทาง
    อ้ายอ้อนดีแต่ปาก แต่ใจไปอยู่กับไผ๋กะบ่ฮู้
    นางกะแสนอดสู บ่ฮู้ว่าอ้ายจะจบเรื่องอย่างไร
    มาวันนี้วันที่นางลาจากอ้าย นางกะแสนอาลัยกะย่อนอ้ายบ่แล
    ไม่มีแม้แต่คำเว้าจา มื้อนี้มีน้ำตาไหลย้อยฮิน
    ใจนางช้ำดังขาดวิ่นวิ่น เพราะอ้ายถิ่มปะนางกะต้องขอลา....
    *********************************


    อิสระ เสรี เสมอภาค




    *********************************

  4. #4
    ศิลปินแดนไกล สัญลักษณ์ของ chudhancock
    วันที่สมัคร
    Oct 2008
    ที่อยู่
    cambridge, England
    กระทู้
    1,949
    แมนเป็นหยังแท้น้ออ้าย คือเสียใจแท้หล่ะพี่
    สาวเขาหนีจากแล้ว คือเป็นแป้วระหว่างใจ ซั้นบ้อ
    น้องสิขออาสาช่วย ดามหัวใจให้กับพี่
    ให้เขาหนีไปโลดเจ้า บอต้องเศร้าหลั่งน้ำตา
    เขาบอกลาแยกทางอ้าย ให้ฟูมฟายบออายเพิน
    ปล่อยเขาเดินไปข้างหน้า อย่าคือบ้าต้องเฮ็ดใจ
    เขาสิเยาะเย้ยได้ เป็นผู้ชายหัวใจกิ่ว
    ใจปลาซิวแท้หล่ะอ้าย คำว่าพ่ายอย่าเอ่ยเลย
    ทำท่าเฉยบอต้องง้อ น้องสิขอดามใจพี่
    หันมามองแนมทางพิ สาวคนนี่ยังห่วงนำ อ้ายเอ้ย
    แก้ไขครั้งสุดท้ายโดย chudhancock; 08-12-2010 at 06:22.

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •