หัวใจเสียหลัก

[ทิดจ่อย]

เก็บหัวใจที่ตายด้าน ปิดตำนานคนใจหม่อ
บ่อขอฮักไผซ้ำเฒ่าให้คนเว้าเยาะหยัน
ปากยืนยันต้องทำได้ทางหัวใจกะว่าคัก
หลาบกะดัก เข็ดกะด้อ พอแล้วส่ำผู้ญิง
บ่อจริงใจพอดี้ คบกับไผกะมีแต่น้ำตาหลั่ง
เสียน้ำตาเป็นถัง ตั้งแต่เป็นหนุ่มน้อยจนว่าค้อยเคิ่งคน
กระเสือกกระสนหลบลี้ เลียแผลใจที่ซ้ำแล้วซ้ำเหล่า
บอกว่าเซา เซา เซา เหงากะส่างเถาะ สิขอลี้อยู่ผู้เดียว
สิบ่อขอเกี่ยวข้อง ดองหัวใจที่บูดเน่า
เก็บเมี้ยนเข้าลิ้นชักไว้ กุญแจคล้องล๊อคขัง
อนิจจัง บ่อมีหยังเที่ยงแท้ ร้อยกุญแจกะคล้องใจไว้บ่ออยู่
ได้มาพ้อสาวผู้งามเลิศล้ำคำเว้ากะม่วนหู
ตู๋ลู๋เอ้ยเจ้าผู้พั่วดอกไม้ หัวใจอ้ายได้ฮ่ำฮอน
เจ้าผู้พั่วดอกซ้อน ซอนกลีบสะเลเต
ใจอ้ายเซเสียหลัก หลงฮักนางจนเบิ๊ดเกลี้ยง
ยินแต่เสียงห้อมล้อ เบรกหัวใจไว้บ่ออยู่
พอปานขับรถตู้ เสียหลักเจิ้ยเจิดใส่ตอ
เจ้าสิตั๋วกะส่างเถาะ เพราะหัวใจสะดุดฮัก
ไขกุญแจผลักประตู่เข้าสู่ห้อง หัวใจอ้ายได้แหม่นนาง

[ข้าวต้มมัด]

ขอเป็นยางลบใจ ลบใจชายให้หายหม่น
สิไปสนหยั่งน้อเจ้า อันคำเว้าฮักบ่จริง พี่เอ้ย
ยังมีหญิงในโลกนี้ น้ำใจดีสิได้ว่า
ปรารถณาลบใจอ้าย พอสิได้ดอกส่วงเซา
อย่าสิก้มหน้าเศร้า บอกว่า เซา เซา เซา พี่เอ้ย
สาวบ้านมหาให้เลือกเอา เจ้าสิเลือกมักผุได๋
ยังมีคนจริงใจ ไปซอกไป๋บัดห่าพ้อ
ต่อกันพอส่ำนี้ อันวจีน้องได้ว่า
หากว่ายังมีตา วาสนาได้พบแน่ คนสิแก้ซ่อยชาย อ้ายเอ้ย



อิอิ แจมนำอ้ายทิดจ่อยค่ะ

[chudhancock]

เปิดหัวใจแล้วบ๊ออ้าย ไขกุญแจแล้วบ๊อพี่ คิดอยากมีคู่ซ้อน
ตอนข่อนเคิ่งคน พะนะ ไปมักสาวคนได๋หล่ะ ถึงได้มาเอื้อนเอ่ย
อยากเป็นเขยไผ๋แท้ คือจ๋าเว้าเข้าผ่านหู สาวตู๋หลูคนได๋นั่น
ที่อ้ายฝันอยากเป็นคู่ เบิงเอาดู๋ กะซ่างเว้า ว่าโตเฒ่ายังฮักเป็น
น้องอยากเห็นแท้เด้อ้าย เพินงามหลายอยู่ดอกติ คงผู้ดีสมคู่อ้าย
สมพอได้ เว้าบอเซา แท้น้อ อิอิอิอิ มาแจมนำหลานทิดจ่อย

[รอย บุญเรือง]

ตาสงสาร ครับ พ้อแต่คนบ่อมั่นคง น้อชีวิตนี้

[หญ้านาง]

55555555555555มาเว้าเป็นตะเหลือโตนแท้จ้าอ้ายทิด 555555


หัวใจพองหนองซ้ำ
สุดระกำหลายตี้พี่
สาวหญ้านางผุนี้
เป็นยาแก้ได้บ่ชาย ...อิอิ
ฮักมามายมุ่นม้าง
สาวหญ้านางกะหวังซ่อย
หลอยมาจอบเบิ่งเจ้า
ให้หายเศร้าเซ็ดน้ำตา....สาเด้อจ้า

[ทิดจ่อย]

อ้างถึง กระทู้หญ้านาง

หัวใจพองหนองซ้ำ
สุดระกำหลายตี้พี่
สาวหญ้านางผุนี้
เป็นยาแก้ได้บ่ชาย ...อิอิ
ฮักมามายมุ่นม้าง
สาวหญ้านางกะหวังซ่อย
หลอยมาจอบเบิ่งเจ้า
ให้หายเศร้าเซ็ดน้ำตา....สาเด้อจ้า

บ่อได้เสียน้ำตาดอกเด้อหล่า
กำลังพรรณณาถึงฮักใหม่
ปิดหัวใจหลายปีแล้วมีคนฮู้ห่อมทาง
ขังหัวใจที่ตายด้านใส่ลิ้นชักปิดตาย
ยังบ่อวายมีคนเห็นเปิดกุญแจหัวใจอ้าย
กะเลยบรรยายเว้าหัวใจเหงาพ้อฮักใหม่
บ่อแม่นไผดอกหล่า คนที่ใช่อยู่บ่อไกล

[หญ้านาง]

อิอิ ไผคือสาวผุโชคดีผุนั้นน้อจ้า อุอุ

สิเอิกเพสาแล้วน้อง
มาหวังคองเผิ่นกะเปล่า
บาดว่าสาวมีแล้ว
ใจนางแป้วสิเน่าแผล
แลมาหลายสิตายย้อน
ซอมมาหลายสิตายเปล่า
ขั้นเจ้ามีใหม่ซ้อน
ย้านนอนไห้ใส่น้ำตา.....ยุเด้อบาดนี้ 555555

[ทิดจ่อย]

ฮักเผิ่นแล้วบ่อกล้าเอ่ยวาจา
คือจั่งหมาเห่าเครื่องบินอยากอายเว้า
คือจั่งควายบักเลเฒ่าประสงค์หาแต่กล้าอ่อน
อยากเก็บฮักเสื่องซ้อนไปวอนเว้าย้านเผิ่นซัง
บ่อมีหวังแนวน้ำหน้าบักหอยนาเอาหน้าหย่าง
บ่อคือเซื้อซาติซ้างองค์เอ้สง่างาม

สาวคนนั้นเผิ่นหากอยู่บ่อไกลบ่อใกล้ พอส่ำไก่บินเถิง นี่ล่ะหล่าหญ้านาง

[มะเหมี่ยว]

:b-b :b-b :b-b ดีใจนำเด้อจ้า อิอิอิ ขอให้รักครั้งนี่มั่นคงตลอดไปเด้อจ้าเด้อ :l- :l- (แล้วอ้ายบ่าวก๋าคามนี่พ้อไป่น้อ)

[หญ้านาง]

ดีใจนำเด้ญาอ้าย
พ้อฮักใหม่ให้หมั้นยืน
บุญนางบืนบ่เถิง
สิหมื่นลงหนองซ้ำ
ฮักระกำจนจำฮ้าง
นางคอยทางกะปางเปล่า
ฮักสองเฮาบ่อาจมีวันพ้อ
สิรออ้ายเอ่ยลา........ดอก 5555555