...ไกลกายเจ้า ใจกะอยู่นำนางเด้อหล่า
บ่มัทางไกลกัน ให้พรากหนีไกลข้าง
แม่นสิอยู่ฟากฟ้า สิหย่อเป็นแผ่นดินเดียว
ทางสิบคืนซาวคืน สิหย่อเป็นคราวมื้อ
...ไกลกะขอให้ไกลแต่บ้านฮั้วไฮ่นาสวน เด้อนาง
ไกลกะขอให้ไกลแต่มวล หมู่เฮือนกับเล้า
ส่วนว่าวาจาเว้า สองคนเฮาอย่าได้ห่าง เด้อหล่า
ต่างคนแม่นสิอยู่ห่างบ้าน ความเว้าอย่าห่างกัน
...นางเอ้ย ความฮักนี้ คันมันเป็นคือข้าว สิขอกินให้มันอิ่ม
ความฮักนี้ คันคือน้ำบ่อแก้ว สิลงล้างอาบสรง พุ้นแหล่วหล่าเอ้ย
:l-:l-
Bookmarks