กำลังแสดงผล 1 ถึง 1 จากทั้งหมด 1

สูตรหมักปลาร้า...จากครัวฝึดหัด

  1. #1

    เยี่ยมมาก สูตรหมักปลาร้า...จากครัวฝึดหัด


    สวัสดีจ้าพี่น้อง แม่ครัวฝึกหัดมาส่งการบ้านจ้ามื้อนี้
    หลังจากลักหนีไปหาเลาะ หานอนเว็น ตามกะเยิม
    แท้ๆไปหาลักยามไซ ยามเบ็ดขะเจ้า นั้นละจ้า (เว้าเล่นเด้อจ้า)
    ได้ปลามากะสิเฮ็ดปลาแดกไว้กิน มาเด้อจ้ามาเฮ็ดนำกันจ้า
    สูตรเฒ่าแม่บอกมาจ้า ปลาแดกเลาแซบๆจ้า หอมนำ
    สูตร สัดส่วนคือ ปลา(อิหยังกะได้)1กก.ต่อเกลือเม็ดใหญ่ 3ขีด
    รู้สูตรแล้วก็มาจัดการกันเลยน้อจ้า มาเด้อจ้าไปสิขอดเกล็ดปลาช่วยแม่ครัวฝึกหัดจ้า

    สูตรหมักปลาร้า...จากครัวฝึดหัด

    ปลา(ซาร์ดีน) 1กก.+เกลือเม็ดใหญ่3ขีด (ตำจักหน่อยเด้อจ้าพอแตก)

    สูตรหมักปลาร้า...จากครัวฝึดหัด

    ทำความสะอาดปลาแล้วพักให้สะเด็ดน้ำ และใส่เกลือลงไป
    ซาวปลากับเกลือให้เข้ากันจ้า อย่าคั้นแฮงเด้อจ้าปลาสิมุ่นจ้า
    ซาวจนเกลือจะเข้าไปในเนื้อปลาจ้า ซาวแล้วพักประมาณ5นาที
    แล้วกะซาวอีก แบบนี้จัก3-4รอบจ้า รับลองปลาบ่เน่าแท้จ้า
    เสร็จแล้วกะเอาใส่กระปุกหรือไหจ้า

    สูตรหมักปลาร้า...จากครัวฝึดหัดสูตรหมักปลาร้า...จากครัวฝึดหัด

    ปิดฝาให้สนิทแล้วเอาผ้าห่อบ่ให้แสงเข้าไปได้จ้า
    เพราะถ้าถูกแสง ปลาแดกจะดำจ้า ตอนนี้รู้แล้วแม่นบ่จ้า
    ปลาแดกคือต้องอยู่ในไห หมักเดือนหนึ่งเด้อจ้า
    เพราะถ่าหมักนานกว่านี้เกลือจะเข้าในเนื้อปลามากเกินไป เฮ็ดให้เค็ม บ่แซบจ้า
    สูตรหมักปลาร้า...จากครัวฝึดหัดสูตรหมักปลาร้า...จากครัวฝึดหัด

    1เดือนผ่านไป
    เตรียมเครื่องที่จะซาวปลาแดกอีกรอบจ้า
    1.ข้าวจ้าว2ถ้วยตรง เอามาคั่วให้เหลืองแล้วบดหรือตำให้ละเอียด
    ทิ้งไว้หนึ่งคืน ถ้าคั่วแล้วตำเอามาซาวใส่เลย ปลาแดกจะส้มเด้อจ้า ต้องทิ้งไว้ข้ามคืนๆ1จ้า
    (ข้าวคั่วถ้าเอาข้าวเหนียวมาเฮ็ด ปลาแดกจะส้มจ้า)
    2.น้ำเปล่า 1 1/2 ลิตร ต้มให้เดือด แล้วทิ้งให้เย็นข้ามคืน
    สูตรหมักปลาร้า...จากครัวฝึดหัดสูตรหมักปลาร้า...จากครัวฝึดหัด

    ครบเดือนพอดีมาเบิ่งจ้าเน่าหรือบ่
    เทออกมาเบิ่งจ้า โอ้ บ่เน่าจ้า ฮิ้ววมาเด้อขวัญเอ้ย
    สูตรหมักปลาร้า...จากครัวฝึดหัด

    ใส่ข้าวคั่ว แล้วซาวให้เข้ากันจ้า หาถุงหรือถุงมือยางมาใส่เด้อจ้า
    ยามซาวกลิ่นปลาแดกจังบ่ติดมือ เดี๋ยวจะหาว่าบ่เตือน เหม็นติดมือบ่ได้นอนเด้จ้า
    สูตรหมักปลาร้า...จากครัวฝึดหัด

    ซาวเสร็จก็เติมน้ำที่ต้มไว้ลงไปจ้า
    ใส่มากหรือน้อยขึ้นอยู่กับความมักเด้อจ้า
    แม่ครัวฝึกหัดมักแบบน้ำหลายๆใส่ไป1 1/2ลิตรจ้า
    สูตรหมักปลาร้า...จากครัวฝึดหัด

    เสร็จแล้วก็เอาใส่กระปุกหรือไหจ้า หมักให้ได้อย่างน้อย3เดือน
    ก็เอาออกมากินได้จ้า หาอิหยังห่อกระปุกไว้อย่าให้ถูกแสงเด้อจ้า
    เดี๋ยวปลาแดกจะสีบ่งาม ดำบ่น่ากินจ้า ปลายธันวาคม2553จังมาชิมนำกันเด้อจ้า
    สูตรหมักปลาร้า...จากครัวฝึดหัดสูตรหมักปลาร้า...จากครัวฝึดหัด

    ขอบคุณสำหรับพื้นที่และทุกท่านที่แวะมาเยี่ยมชมกระทู้จ้า
    หวังว่ากระทู้นี้สิมีประโยชน์สำหรับพี่น้อง ที่หลงไหลในรสปลาแดกเด้อจ้า
    สูตรนี้เฒ่าแม่ได้มาโดย ขึ้นรถไปหาหมออยู่ อ.นางรองจ้า
    แต่ก่อนเลาเอ็ดยามได๋ คนได้นอนนอกบ้านจ้า เหม็นปลาแดก
    สุมื้อนี้เฮ็ดแล้วบ่คู่กันกินจ้า เปิดโรงงานปลาแดกให้แล้วสะบ้อจ้า คิคิ
    แก้ไขครั้งสุดท้ายโดย สาวทองแพง; 11-12-2010 at 18:36.



Tags for this Thread