-
ร่วมถ่ายทอดความรู้สู่สังคม
คำอธิษฐาน...ของคนคอย
...สาธุเด้อ สองมือยกใส่เกล้า ก้มกราบ พระหลักเมือง
ผุข้าขอวันทา น้อมพระองค์ ผู้ทรงฟ้า
ผุข้ามีความฮ้อน ขอพระองค์ จงทรงโปรด แหน่เด้อ
ย้อนว่าห่วงนารถน้อง ผุไกลบ้าน ย่านแดน
บ่แม่นแฟน แต่ว่าใจของข้า มันพันเกลียว ข้องเกี่ยว
คึดนำแต่น้องหล่า ผุหนีบ้าน ไปอยู่กรุง ซั่นดอก
...ขอให้สมมาตรมุ่ง ในแห่ง อธิษฐาน แหน่เด้อ
ทั้งอินทร์พรม ยม ครุฑ จ่งหล่ำแล นำป้อง
ขอให้สาวนางน้อง คนดี ของพี่ นี่แหล่ว
อยู่สุขขี แก่นหมั้น คืนมื้อ ให้อยู่เย็น
ขอให้ละ ให้เว้น อย่ามีหมู่ โพยภัย มากลายแหล่ว
ขอให้เริงเริงใส อย่าสิมี ภัยต้อง
การทำงานของน้อง เสนอหยัง กะให้ผ่าน เทื่อเดียวเด้อ
ให้เจ้านาย เพิ่นย้อง อย่ามีข่อง ขุ่นขม
ขอให้สม ประสงค์แม้ง เหมิดสุแนว ที่น้องว่า มาเด้อ
ปรารถนาสิ่งใด๋ ขอให้ได้สิ่งนั้น คือหล่า คิดประสงค์
...อ้ายอยู่บ้าน สิขอซ่อย กำลังใจ เด้อหล่า
คอยแต่วัน นางกลับ สิรับขวัญ นางน้อง
ขอแต่ทองพันล้าน อย่าตาหวาน เกี้ยวผุอื่น เด้อ
ขอให้คึดฮอดอ้าย ผุคอยจ้อง ส่องทาง ซั่นดอกนางเอ้ย...
กฎการส่งข้อความ
- You may not post new threads
- You may not post replies
- You may not post attachments
- You may not edit your posts
-
กฎฟอรั่ม
Bookmarks