หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 12

มาขอขมาฝาชี โอ๊ะ...ขอขมาสามีกันเถอะ

  1. #1
    เจ้าหน้าที่ประชาสัมพันธ์ สัญลักษณ์ของ เเมงสะดิ้ง
    วันที่สมัคร
    Oct 2008
    ที่อยู่
    ที่ชอบ
    กระทู้
    1,050
    บล็อก
    24

    เรื่องฮิตน่าอ่าน มาขอขมาฝาชี โอ๊ะ...ขอขมาสามีกันเถอะ


    ตามที่จริงเรื่องราวของการขอขมาผัว คั่นเว่าแปนๆ เนาะตามประสาคนบ้านเฮากะด่าย
    กะได้ยินได้ฟังมาต่ะเหิงแล่วล่ะ จากผู้เฒ่าผู้แก่บ้านเฮาใซ่บอกลูกสอนหลาน
    บ่วาสิมาจากตำหรับตำราที่เฮาได้ร่ำเรียนมากะดี ที่เพิ่นกล่าวถึงการบูชาทิศทั้ง 6
    โดยพระพุทธองค์เพิ่นได้อธิบายความหมายของ แต่ละทิศไว้วา

    มาขอขมาฝาชี โอ๊ะ...ขอขมาสามีกันเถอะ

    ทิศเบื้องหน้า ได้แก่ มารดาบิดา
    ทิศเบื้องขวา ได้แก่ ครูบาอาจารย์
    ทิศเบื้องหลัง ได้แก่ บุตร ภรรยา สามี
    ทิศเบื้องซ้าย ได้แก่ มิตรสหาย
    ทิศเบื้องล่าง ได้แก่ คนรับใช้ คนงาน หรือบริวาร
    ทิศเบื้องบน ได้แก่ สมณพรหมณ์ หรือพระภิกษุสงฆ์

    มาขอขมาฝาชี โอ๊ะ...ขอขมาสามีกันเถอะ

    ยิ่งมีโอกาสได้สดับรับฟังเทศน์จากหลวงพ่อบุญเสริมจากเว็บบ้านมหาเฮาแน่
    จากแม่ชีทศพรทางยูทูบแน่...ฯลฯ อันนั่นกะดี อันนี่กะมี
    คั่นไปวัดไปวากะเคยได้ยินป้าๆ เพิ่นเว่ากันเรื่องนี้นำอยู่
    ฟังดู๋ได้ยินดู๋จนเกิดความเป็นพหูสูตรกะจั่งหว่ะ...บึ๊ยลมปากแปๆ
    แต่กะบ่ได้ลงมือเฮ็ดนำตามเพิ่นจั่กเถื่อดอกหวา...
    หย่อนคำวา"กูโก้+อีโก้กูสูง" หรือควมมีทิฐินั่นเอง

    มาขอขมาฝาชี โอ๊ะ...ขอขมาสามีกันเถอะ


    เอ๋า...เว่าจั่งซี่แล่วคึดจั่งได๋ คือได้เป็นบ้าไปขอขมาผัวล่ะบาดเนี่ย
    กะหย่อนสะเดิ่ดในควมเว่าของปั๋วจ่ะของนั่นแล่ว บ่ได้สะเดิ่ดซื่อๆ ได๋
    ตื่นหยึ่บ ขนหัวลุกหย่าบพ่วนเด้อ จั่กวาเพิ่นคึดจั่งได๋มื่อนั่น
    อัดอั้นตันใจหยังกับเฮามาดนกะบ่ฮู้คือกันนั่นล่ะหวา

    "อัน...เถ่าอันนี่ ที่ซุมหมู่เจ้าวาตามหลักพุทธศาสนามีซาดนี่ ซาดหน่า กับซาดที่แล้วนั่นน่ะ
    คั่นมันแมนอีหลี ซาดหน้าขอให่เฮากลับมาเป็นผัวเมียกันคือเก่าเนาะ แต่เฮาต้องเปี่ยนกันได๋
    ให่เจ้ามาเป็นผัวข่อย แล่วให่ข่อยได้เป็นเมียเจ้า มีนิสัยคือเจ้าในตอนนี่พ้อม แล่วซาดหน้าข่อยขอเอาคืนเด้อ"
    พ่ะนะ

    มาขอขมาฝาชี โอ๊ะ...ขอขมาสามีกันเถอะ

    หวึย....เว่ามาจั่งซี่กะหย่านล่ะเนาะคน หย่อนไปข่มเหงเหมบเต็งเพิ่นไว่บ่แมนน้อยๆ
    ฮ่วย...อยู่นำกันดีๆ สิมายัดเยียดหนี้ในอนาคตให่เฮานำไปใซ่เพิ่นคืนซาดหน้าพ่ะนะ
    ป๊าดโธ๊...ถึงสิถืกสิผิดกะบ่ขอยอมง่ายๆเด้อ คั่นเลือกได้บ่อยากมีสัญญากรรมกับไผกะจั่งหว่ะ

    มาขอขมาฝาชี โอ๊ะ...ขอขมาสามีกันเถอะ

    แต่ที่ปรารถนาแฮงกะคือการมีกัลยาณมิตรที่คอยนำยู้ส่งเสริมซึ่งกันและกันนั่นแล่ว
    อันควมที่ตั้งใจปฏิบัติหวังบืนใส่อยู่ทุกมื่อนี่กะเพื่อหลุดพ้นจากวัฏฏสงสารนั่นตั่ว
    แต่คั่นบุญบ่ฮอดจอดบ่ถึงป้ายนั่น อย่างน้อยๆ กะบ่ขอหลายดอกสั่น
    ความตั้งใจขอได้ปิดทางอบายให่แจบสนิทกะเป็นบุญหัวอยู่ดอกหวา

    มาขอขมาฝาชี โอ๊ะ...ขอขมาสามีกันเถอะ


    "เอาจั่งซี่สาเถ่า...เพื่อควมสำบายใจของเฮาทั้งสอง ให่เจ้าคึดใหม่สา แต่กะปฏิบัติดีนำข่อยคือเก่านั่นล่ะ
    คึดซะวาซาดที่แล้วข่อยเป็นผัวเจ้า ปฏิบัติดูแลดีกับเจ้ามาตลอด จนมาฮอดซาดนี่เจ้าเลยกลับมาใซ่หนี้ข่อยเนาะเถ่าเนาะ"
    เป็นอันวาเจ๋ากันเด้อเฮา

    มาขอขมาฝาชี โอ๊ะ...ขอขมาสามีกันเถอะ

    มีโอกาสเหมาะๆ อาศัยมื่อของขึ้นนั่นล่ะ อารมณ์ดีๆ ใจเบิกบาน กะงวกไปกอดเพิ่นแหน่ะ
    ไหว้งามๆ เถื่อแรกซบลงอกนั่นล่ะขอโทษเด้อเถ่าอันนี่ อันได๋กะซ่างที่ข่อยเฮ้ดให่เจ้าหนหวย อุกอั่ง และคันแข่วกะด่าย
    และไหว้อีกเถื่อที่สองมือกะบ่กุดหย่อนดอก ขอบคุณหลายๆเด้อเถ่า ในควมใจดีและอดทนที่เจ้ามีต่อข่อย
    ถึงข่อยสิทำตัวเร้าตรีนปานได๋ แต่เจ้ากะยังมีอุเบรคตรีน อุเบรคขาเสมอมา ขอบคุณที่เจ้าบ่ถือสา เคียดโทษโกรธเคืองเด้อ
    เฮากะฟ่าวเว่าเองเออเองโลด...รับรองเพิ่นบ่กล้าปฏิเสธดอกมัดมือชกปานนั่น อย่าให่เป็นกรรมเป็นเวรต่อกันเด้อ สาธุคุณผัวเอ๋ย

    มาขอขมาฝาชี โอ๊ะ...ขอขมาสามีกันเถอะ

    ฮ่วย...ยามได๋เปิดเวทีอภิปรายโต้เถียงกันกับท้าวทิศเบื้องหลังยามได๋ โลดคึดฮอดคำเว่ายายทองพูนตั่วล่ะ
    "มีผัวให่ซางหย่อง มีน้องให่ซางออยเด้อนาง" พอเห็นป่่องสิได้ หม่องเฮาสิชนะขาดลอยแล่ว
    กะเอาควมจริงใจวัดกันโลดตั่วพี่น้องปะสาผัวซื่อๆ .... ฮิ๊ว... :l-

    มาขอขมาฝาชี โอ๊ะ...ขอขมาสามีกันเถอะ

    หย่องให่เป็นซุปเปอร์แมนเพิ่นแห่งมัก เว่าให่เป็นหมู่กะถืกคีง ออยให่เป็นน้องพอเฮาได้ล่อสับมักกอกยามคันแข่วเพิ่นกะบ่วาหยังตั่ว
    ผัวสิเป็นผู้จั่งได๋ เพิ่นสิปฏิบัติต่อเฮาจั่งได๋ คำเว่าคำจาผู้เป็นเมียกะมีส่วนสำคัญอยู่เด๊ะเห็นวากะด่าย

    คั่นไผมีผัวเป็นตาคันแข่ว กะอย่าฟ่าวกัดแข่วใส่กันเด้อ ปฏิบัตินำเพิ่นดีๆ โลด
    แห่งผัวไผเป็นตาซัง นั่นล่ะต้องแผ่เมตตา มอบควมฮักให่เพิ่นหลายๆ
    เดี๋ยวจั่กหน่อยกะตายหนีจากกันดอก บ่เจ้ากะข่อยนั่นล่ะ ไผสิไปก่อนกันจั่งถ่าเบิ่ง
    แต่อย่าไปแซ่งให่เขาตายก่อนเด้อล่ะ ...ส่ำอวยพรให่เขาอายุยืนเด๊ะนั่น
    อดเอาเด้อพี่น้อง ดีหรือซั่วกะผัวเฮาดอก 55555555555555+

    มาขอขมาฝาชี โอ๊ะ...ขอขมาสามีกันเถอะ

    ฝากไว้แหน่เด้อซุมเฮา มื่อดีคืนดีอย่าลืมเช็คเรตติ้งกับสามีจ่ะของเบิ่งแหน่เด้อล่ะ
    " อัน เถ่าๆ เจ้าเห็นข่อยเป็นจั่งได๋ในสายตาเจ้าซู่มื่อนิ่? " มาขอขมาฝาชี โอ๊ะ...ขอขมาสามีกันเถอะ
    แต่บางเถื่อคำถามตรงๆ เพิ่นอาจสิบ่กล้าบอกเฮาผ่านวาจาอันสามหาวเพิ่นกะเป็นได้

    มาขอขมาฝาชี โอ๊ะ...ขอขมาสามีกันเถอะ

    ให่เวลาเพิ่นคิดทบทวนสักนิด สักมื่อได๋มื่อนึงล่ะหว่ะ
    ควมในใจเพิ่นกะสิได้ปลาดุก โอ๊ะปรากฎ
    อาจสิเผยออกมาในรูปแบบได๋แบบนึงแบบนี้
    ...อันนี่กะแม่นโตข่อยเด้อเถ่า...

    มาขอขมาฝาชี โอ๊ะ...ขอขมาสามีกันเถอะ


    ส่วนแมงโตนี่จ่ะแม่นคือเจ้าคั่กเนาะ

    มาขอขมาฝาชี โอ๊ะ...ขอขมาสามีกันเถอะ

    อันนี่ล่ะคือเฮาสองคนบนชายคาฮ่างๆ

    มาขอขมาฝาชี โอ๊ะ...ขอขมาสามีกันเถอะ


    ฝากไว่ให้นำไปเฮ็ดปฏิบัติแหน่ะเด้อพี่น้องผู้ที่มีผัวเป็นตัวเป็นตน
    กรุณาดูแล ห่วงใย ไว้ใจ และให้เกียรติ อย่าด่าผัวในที่แจ้ง
    คั่นอดบ่ได้หลายกะให่ดึงหูไปเมี่ยนในที่ลับสั่นตั่วเพิ่นวา
    เอาล่ะเนาะพี่น้อง... ทางนี่เมี่ยนเสร็จแล่วเด้อ
    ขอเวลานอกไปเก็บซากก่อนดอกบาดเนี่ย
    ...ฮึ่ม...

    มาขอขมาฝาชี โอ๊ะ...ขอขมาสามีกันเถอะ


  2. #2
    ฝ่ายเทคนิค และถ่ายทอดสด สัญลักษณ์ของ อาวอ้วนเมืองยศ
    วันที่สมัคร
    Apr 2010
    ที่อยู่
    เมืองบั้งไฟ
    กระทู้
    1,594
    เอ่ ข่อยสิไปหา ขอภรรยาสาก่อนดอกเฒ่า แล้วจั่งสิให้เพิ่นมาขอขมาข่อย ฮ่าๆๆ ปานสิหาได้ง่ายๆ น้อสู

    คนเฮาอยู่นำกันครับ เหมือนลิ้นกับฟันเนาะเพิ่นว่า ยุในปากนำกัน กะยังมีงับมีกัดกันได้ยุ
    ผิดถืกหน่อยหลายให้อภัยกันครับ ถ้อยทีถ้อยอาศัยเพิ่งพากันน้อครับ พุ้นหนะ เว่าคือแท้ดอกหละ

  3. #3
    ฝ่ายกิจการพิเศษ สัญลักษณ์ของ กำพร้าผีน้อย
    วันที่สมัคร
    Apr 2009
    ที่อยู่
    รัตนาธิเบศร์..ใกล้แยกแคราย
    กระทู้
    2,330
    ..อัน อัน ข่อยมีกิ้กเจ้ากะคือสิบ่ถือซาเนาะเถ่า.....555

    ..ป้าดดดด แมงสะดุ้ง อันที่นำเสนอนี่ได้เฮ็ดจักเทื่อแล้วไป๊หละน้อง...อิอิ

  4. #4
    อยู่กับสามีมาโดน...ปีดีดัก เคยเฮ็ดเทื่อหนึ่งวันพระ ไหวัอ้ายและขอขมา อ้ายเพิ่นหัวขวัญ ตั้งแต่มื้อนั้นกะเลยบ่เฮ็ดอีกเลย ... ยิ่งสองสามปีมานี้ ยิ่งเป็นหนัก ป่อยเก่ง อิอิอิ โอ๊ยยย แถมมีกิ๊กอีก คักหลาย ...

  5. #5
    แบ่งปันความรู้และประสบการณ์ สัญลักษณ์ของ ศรีทนได้
    วันที่สมัคร
    Dec 2008
    กระทู้
    150
    เสี่ยว เอ้ยคือมา คือไทเฮือนนื้เเทะน้อ เว้าเเล้วกะลุ่ตน สาละมีเด้อ บาดนื้
    ไปขอขมา ก่อนเด้อเสี่ยวย้านได้ใช้กรรมชาติหน้า 555

  6. #6
    ดีเจ นักจัดรายการ สัญลักษณ์ของ บักขามป้อม
    วันที่สมัคร
    Jun 2009
    ที่อยู่
    อิสานบ้านเฮา
    กระทู้
    667
    บล็อก
    5

    จะแม่นเลาคัก

    มายามได๋บ่เคยเฮ็ดให้ผิดหวังเลยเอื้อยข่อย มาพร้อมควมซื่นและข้อคิดเตือนใจเนาะ อ่านไปกะหัวไปนำจนเจ็บท้อง ขอบคุณสำหรับข้อคิดดีๆ เด้อจ้าเอื้อย จั่งได๋กะเบิ่งแยงสุขภาพแหน่เด้อจ้า คิดฮอดคิดถึงคือเก่า แล้วกะเป็นกำลังแรงใจให้ในทุกๆ เรื่องเด้อจ้า สู้ๆ

  7. #7
    ร่วมถ่ายทอดความรู้สู่สังคม สัญลักษณ์ของ ไผ่หวาน
    วันที่สมัคร
    Jun 2009
    ที่อยู่
    PATTAYA CITY
    กระทู้
    770
    บล็อก
    14
    ขอบคุณแมงสะดิ้งหลาย ๆ ค่ะ
    ที่ได้มาเตือนสติที่กำลังเตลิดได้ทันเวลาพอดี
    แง่คิดดีมาก ๆ เลยค่ะ แต่นี้ไปสิอวยพรให้เพิ่นอายุยืนยาวตลอดไป..(เอ๋า...)

  8. #8
    ท่องเวบ สัญลักษณ์ของ pui.lab
    วันที่สมัคร
    Jul 2006
    ที่อยู่
    โสดไม่มีใครเอา หรือว่าเราไม่เอาใคร
    กระทู้
    10,045
    บล็อก
    8
    อ่านแล้วก็รู้สึกดีจ้าน้องดิ้ง

    อั๋นๆๆๆทางพี่ปุ้ยนิ จั๊กเขาเอิ้นกันว่าหยังดี เพราะเส้นลิขิต พรหมลิขิตให้เป็นจังใด๋บุ๊
    ก็เลยออกจะป่วงๆตามสไตล์ ดีเจเป้ย คนบ่งามแต่เท่

  9. #9
    แบ่งปันความรู้และประสบการณ์ สัญลักษณ์ของ มะเหมี่ยว
    วันที่สมัคร
    Jan 2010
    ที่อยู่
    สุดประจิมที่ริมเมย
    กระทู้
    958
    ขอบคุณจ้ากับ สรรสาระดีดีที่นำมาให้อ่าน สิได่จำไว่เฮ้ดยุดอกจ้า ฮ่าเทือยามหาสามีได่นำเพิ่น อิอิอิ

  10. #10
    ฝ่ายบริหารระดับสูง สัญลักษณ์ของ พล พระยาแล
    วันที่สมัคร
    Mar 2008
    กระทู้
    6,941
    เมียข่อยเพิ่นเป็นสาวชาวบ้าน แม้บ่ประเทืองผิวต่อเติมเสริมแต่งหยังกะดูดีอยู่ครับตอนแรกกะดาย ฮ่า ๆ ตอนนี้กะยังดูดีคือเก่าล่ะหวา ...เว่ายังบ่ทันได้จบ ...มัวแต่อืนน้ำลายตะของอยู่แมะ ฮ่า ๆ ๆ

    การขอขมาคือการยกย่องให้เกียรติล่ะครับ แต่มีความรู้สึกว่าโตเองบ่มีคุณค่าที่สิให้เมียมาขอขมาหยังครับ เพราะอยู่กันมา 20 ปี เขาบ่ได้เฮ็ดผิดหยังครับ ความผิดของเขากะคือความคึดของเฮาที่คึดว่าเขาผิดทอนั่นเองครับ

    ดีใจที่ได้เขามาเป็นคู่ชีวิตครับ แต่กะอยากสิมีกิ๊กเพื่อเสริมดวงเสริมบารมีซือ ๆ ดอกครับ จั่งใด๋กะบ่ลืมน้ำพริกถ้วยเก่าดอกครับ ...สบายใจได้ครับ ฮ่า ๆ ๆ ๆ เอิ๊ก ๆ ๆ


Tags for this Thread