สายตาพิฆาต

น้องสาวเอย...ตาหวานๆคือตาลอ้อย มายิ้มอ่อยปล่อยความหวัง

ให้หลงพังหัวใจเหงา หลงลมเงาหัวใจน้อง

ใจได้มีหมายป้อง เป็นคู่ครองให้คึดต่อ

หรือแค่เพียงหลอกล่อ ตั๋วให้อ้ายนี้คึดนำ

หากเพียงทำแค่หยอกอ้าย เชายิ้มบ่ายป่ายสายตา

เสียเวลากับเธอล่วง แล้วไปควงไผเย้ยอ้าย

หากมีหมายฮักจริงแท้ หวังดูแลเจ้ายุอุ่น

หากเทื่อลุนบ่ถิ่มอ้าย ใจกะพร้อมสิฮักเธอ