...มือถือพิณมาเล่น ชมจันทร์ กลางเดิ่น นางเอ้ย
ตาอ้ายเงย ขึ้นฟ้า แลจ้อง หน่วยพระจันทร์
ทางมืออ้ายว่านั้น กะต้องต่อย สายพิณ นางเอ้ย
เป็นลายสุดสะแนน แล่นลง ลายเต้ย
...ลมหนาวเอ้ย ซ่างมาเย้ย คนเหงา คือพี่ นี่แท้นอ
หนาวอีหลี กายสะบั้น ใจนั้น กะง่วงเหงา
ใจอ้ายลอย คึดฮอดคำน้องเว้า ว่าปีใหม่ สิมายาม ซั่นดอกนาง
ใจคนคอย ซ่างมาโดน ปานหมื่นวัน แสนมื้อ แท้หล่า
...มานั่งคองคอยท่า จนอ้ายลืมเวลา จักแม่นเช้า หรือว่าค่ำ
แจ้งแล้วมืด มืดแล้วแจ้ง อ้ายยังจ้อง ผ่อแต่ทาง
...อกกูเอ้ย สุดแต่มันอ้างว้าง มาคอยอุ่น กลางแสงจันทร์
ได้แต่รำพันคิด ผุเดียว ดายดู้
สาวใด๋นอ สิมาหลูโตนอ้าย ให้นางจา บอกอ้ายแหน่ เด้อนาง
ว่าสิกลับ แท้แท้ เมือบ้าน ให้พี่เห็น
...คืนเดือนเพ็ญ ให้นางเอา ใจน้อง ไปแขวน ให้อ้ายเบิ่ง แหน่เด้อ
แขวนไว้เทิง อีเกิ้ง พอให้อ้าย ได้หล่ำแยง แหน่เด้อ หล่าเอ้ย ...แสนทรมาน...ที่รัก