ทางเมืองกรุงเพิ่นมีการมอบรางวัลกวีพนธ์สำหรับผู้สร้างสรรค์งานเขียนประเภทร้อยแก้วร้อยกรอง ส่วนอีสานบ้านมหาเฮา ผมขออนุญาตมอบให้เพิ่นผู้นี้ครับ
อันคำความผญาต้าน อาจารย์ศรีกวีป่อง ผู้อ่านเอย
ฮีตอีสานสืบคอง ตามทำนองเอ่ยเอื้อน อ่านแล้วม่วนยิน
วรรณศิลป์แม่นแม้ง สอดใส่กระบวนจิต อุปมาคมคิด ปนโวหารเว้า
ตามสำเนาศิลป์พื้น หลิ่นคำควรค่า อักขราแต่เค้า เขาเจ้าสืบกอน
เมธีเฮาบ่ฮ่อนข้อน เขินขาดเมืองอีสาน ไปตามกาลสมัย ยังอยู่ยืนยาวไว้
ไทยกรุงเอิ้นกวีนิพนธ์ล้ำค่า ปราชญ์ประพันธ์ค่าล้ำ คือแก้วจารย์ศรี
agree with u ... ว่าติ อิอิ เดวเอื้อยไปบิ้วอารมณ์มาต่อผญานำเด้อจ้า ตอนนี้มึนตึบคิดบ่ออก แมะจ้า
กระเบื้องจะฟูลอย น้ำเต้าน้อยจะถอยจม เมฆจะหล่นฟ้าปลาจะกินดาว ลาวจะครองเมือง ::)
ทางนี้สิถ้าอ่านถ้าฟังนำเด้อเอื้อยไก่น้อย บ่บิ่วอารมรมณ์นำดอก อิ อิ
แม่นความตามว่าละครับ ตำแหน่งนี้เหมาะสมแล้ว
.
..เห็นดีนำอยู่ครับ อ้ายศรีสะท้านแห่งบ้านมหา เรื่องผญาต้องยกให้เพิ่น ซวดๆครับ..
น้องไก่น้อย มีการไปบิ้วอารมณ์อีก ฟ่่าวๆมาเด้อนาง ถ่าอ่านยุ...5
แม่นๆๆๆๆๆๆๆๆๆๆๆวัฒน์เห็นด้วย
มื้อได๋น้อเลาสิมารับมอบถ้วยกาไก่ โอะ บ่แม่นถ้วยรางวัล55555
ศรีเอ้ยศรีสะท้าน สมตำนานท่านนักปราชณ์
สมกับคาดการไว้ คนไกลใกล้ได้ฮู้นาม
เพิ่นทำท่าบ่ฮู้ อยากให้เอิ้นดู๋ดู๋ อาจาร์ยใหญ่
บ่มีไผ๋อีกแล้ว ผญ๋าแก้วคู่อีสาน สั่นแหล่วพี่น้องเอ้ย
ข้าฯบ่ห่อนฮับไว้ ในเกียรติอันสูงศักดิ์
ขอแต่มีคนฮัก อ่านกลอนกะพอแล้ว
ฮักษาแนวกวีเค้า ของดีเฮาอย่าถิ่มปล่อย กะพอหละ
อนุชนหนุ่มน้อย ภายหน้าสืบเมือ
คือดั่งเกลือเค็มเข้ม ให้ยังเต็มอย่าจางจืด
ดุจดั่งพฤกษ์พืชต้น มวลไม้สืบแนว นั้นนา
วรรณคดีล้ำลำนำเอื้อนเอ่ย เขยภาษาพากษ์เว้าลาวพื้นกล่าวไกล
โอ๊ย พุข้าว่าบ่เป็นนำดอกผญานั่น แต่หากมักอ่านตั๊วล่ะ อ้ายศรีเพิ่นจ่ายผญาเก่ง เหมาะสมแล้วครับ
สมควรแล้วแนวดินหินแห่
ล้วนแต่เป็นสินธุ์แร่ในหั่นฮ่อนหา
ภูมิปัญญาพาเตื้องคนเมืองน้ำก่ำ
จ้ำไฮไฟผู้พี่ศรีสะท้านสนั่นเมือง
ธุจ้าธุจ้าธุจ้า
สมกับคำเพินย้อง มองเห็นเป็นคักแน่
หลานศรีเอ้ยแมนเก่งแท้ คำว่าแพ้นั่นบอมี
เป็นที่หนึ่งได้เต็มที่ บทกวีนี่เลิศค่า
สมตำแหน่งบ้านมหา ปราชญ์ ผญาเลิศล้วน
สำนวนนั่นแมนคักหลาย แท้น้อหลาน
กฎการส่งข้อความ
อ้างข้อความนี้
Bookmarks