กำลังแสดงผล 1 ถึง 5 จากทั้งหมด 5

หัวข้อ: น้ำตาหล่น..บนโรงบาล

  1. #1
    ศิลปิน นักแต่งผญา สัญลักษณ์ของ พลายแก้ว
    วันที่สมัคร
    Dec 2008
    กระทู้
    630

    น้ำตาหล่น..บนโรงบาล

    ย้อนความฮักที่ปักแหน่น บ่คลอนแคลนจากใจพี่
    ทุกนาทียังฮักหมั่น แต่เธอนั้นบ่เปลี่ยนแปลง
    เหลือใจแฮงแท้เด้เจ้า เมื่อเห็นเขาอยู่เคียงอุ่น
    เห็นเขาซูนแก้มน้อง สมองอ้ายกะเมื่อยมึน
    จำใจฝืนยืนแลเจ้า เว้าเบาๆเซาไข้ป่วย สาเด้อ
    สิ่งศักดิ์สิทธิ์จงดลช่วย อวยพรเจ้าให้ส่างซา
    มาเยี่ยมไข้ดอกเด้อหล่า ได้ข่าวว่าอาการหนัก
    คนเคยฮักอยากมาเจอ พร้อมเสนอสนองซ้อน
    ย้านเจ้านอนโทรมคิงไข้ ด้วยหัวใจอาลัยห่วง
    ใจหนึ่งดวงที่ยังคงฮักแน่ ยังแคร์เจ้าอยู่สุยาม
    เทียวไต่ถาม..ตั้งแต่ออกหวิดบ้าน จนว่าถึงโรงบาล ตาหวานน้องอยู่ใสหน่อ
    แต่ว่าคนที่อ้ายพ้อ พะนอเจ้าเฝ้าประโลม
    ผู้คอยโจม..คนนั้นบ่แม่นอ้าย ญาติทางได่ไผน้อเหล่า
    เหมิดวงศาคณาญาติเจ้า กะยังเว้าบ่ชัดเจน
    ลงความเห็น..ว่าบ่เคยเห็นหน้า แต่หากเขาคือมา สนิทน้องเนื้ออุ่น
    เขากะส่างลงทุน ถิ่มภาระหน้าที่ มาอยู่นี้ให้พี่ซึม
    อยากสิลืม..แต่คงเฮ็ดบ่ได้ อยากสิไกล..แต่หัวใจบ่ลาห่าง
    อู้ว่านาง..ใจอยู่ทางเพิ่นแล้ว คนกินแห้วแม่นพี่ชาย...จำต้องลาบ๊าย บาย...


    น้ำตาหล่น..บนโรงบาลน้ำตาหล่น..บนโรงบาลน้ำตาหล่น..บนโรงบาล

  2. #2
    ดูแลตรวจสอบเนื้อหา สัญลักษณ์ของ wundee2513
    วันที่สมัคร
    Aug 2006
    ที่อยู่
    ตามภารกิจ
    กระทู้
    1,108
    บล็อก
    11
    น้ำตาหล่นในหัวใจอ้ายมันซ้ำซ้อน
    เห็นเขาอ้อนเทคแคร์อ้ายนี้คิดหลาย
    ดีใจนำเด้อหล่ามีคนห่วงแทนอ้ายซาย
    ใจสิสลายเห็นภาพเจ้ากับเขามาบาดตา

    หายป่วยไข้สาแก้วตาของบักอ้าย
    ให้หล่นข้างในน้ำตาอ้ายยามเอิ้นหา
    เจ้าอยู่ดีซำบายแล้วอ้ายจำห่างลา
    อ้ายใจบ่กล้ายามว่าที่คนฮักเจ้าเขาพะนอ ...
    เสรีภาพ เสมอภาค ยุติธรรม

  3. #3
    ศึกษาหาความรู้ สัญลักษณ์ของ ข้าวต้มมัด
    วันที่สมัคร
    Aug 2010
    กระทู้
    986
    แม่นไผ๋น้อเพื่อนผุสาว เว้าตาอิโตนเจ้าแทะ

  4. #4
    ศึกษาหาความรู้ สัญลักษณ์ของ หนุ่มเซกา
    วันที่สมัคร
    May 2012
    กระทู้
    4
    ทำได้แค่อยากให้เธอมีความสุข
    เมื่อเห็นเธอเริงรื่นฉันจะทุกข์ทำไม
    ถามใจตัวเองหลายครั้ง..ต้องการแบบไหน
    ได้คำตอบสุดท้าย..คือเห็นเธอได้ดี

    จะแฟนเก่าหรือแฟนไหน
    ใจฉันก็ยังเป็นใจฉัน....
    เคยรู้สึกกับเธออย่างไรก็ยังเป็นอย่างนั้น
    เพียงได้รู้เธอมีสุขอยู่ทุกวัน..
    ..แฟนเก่าอย่างฉัน..ก็พอใจ

  5. #5
    แบ่งปันความรู้และประสบการณ์ สัญลักษณ์ของ PLA2KEM
    วันที่สมัคร
    Jul 2012
    กระทู้
    201
    ได้ฟังคำที่อ้ายเว้า
    เขาคนนั้นน้องตั๊วะพี่
    น้องมาหาหมอพอดี
    เลยมาพ้อแฟนอ้าย
    พี่ชายเจ้าอย่าหึง
    ผมเห็นเอื้อยเพิ่นเป็นไข้
    เลยถามไถ่เพิ่นซือๆ
    ที่อ้ายเห็นผมจับมือ
    คือตัวเอื้อยสิล้ม
    โทรมปีกไว้ย่านขมำ ซือๆดอกอ้าย....อิอิ

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •