หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 13

หัวข้อ: .....: ผู้หญิงคนหนึ่ง คิดถึงอ้าย :.....

  1. #1
    แบ่งปันความรู้และประสบการณ์
    วันที่สมัคร
    May 2007
    กระทู้
    181

    .....: ผู้หญิงคนหนึ่ง คิดถึงอ้าย :.....


    .....: ผู้หญิงคนหนึ่ง คิดถึงอ้าย :.....


    ความคิดถึง ความคิดฮอด ที่หยอดไส่ในใจเขา แม่นลืมเฮาหรือยังน้อ คราวพะนอก๋อแขนเจ้า

    ฝากลมเหงาไปถามส่อ ลืมหล่ะบ้อ ความไหวหวั่น บอกฮักกันเพียงปากเว้า มื้อเก่าแล้วย่านแม่นลืม

    จากเคยยืมบ่าข้างซ้าย อิงอกชายตอนหดหู่ คำติดหูว่าฮักเจ้า ไผน้อเว้า จำบ่น้อ

    วันเดือนรอพอศอร้าง เกิดความห่างทางเลยไกล ฮู้บ่ไผน้อห่วงหา จึงกล่าวจาคิดถึงเจ้า

    เดินตามเหงาบ่เคยเว้น หนาวจันทร์เพ็ญมื้อโดดเดี่ยว ใจดวงเดียวที่อ้างว้าง คนเคียงข้างเผิ่นอยู่ไส

    สาวคนไกลคิดถึงอ้าย บ่เคยกลายไปเป็นอื่น พร้อมหยัดยืนคำฮักมั่น ทุกวันมื้อยังคิดถึงเด้ออ้ายเอ๊ยยย

    [RADIO]http://www.naronk.org/smf/song/t3/sndT398.wma[/RADIO]

  2. #2
    ศึกษาหาความรู้ สัญลักษณ์ของ ข้าวต้มมัด
    วันที่สมัคร
    Aug 2010
    กระทู้
    986
    อ้ายเอ้ยอ้าย ไปทางได๋ป๋าให้จ่อย
    ฮู้บ่น้อน้องน้อย คนคอยท่าเจ้ากลับมา
    คืนมาหาน้องหล่า สาวแพรจ๋าผุงามค่อง
    มาประคองเอาแขนเลา ไปเว้าให้เข้าใจ
    หนุ่มบ้านได๋ชายบ้านใกล้ หรือบ้านไกล อย่าถิ่มไปให้ไห่ฮ่ำ
    อันว่าแม่งามขำ ยังรอท่าตังแต่อ้าย
    ผุหมายเว้า ต่อกลอน นั้นแหล่วพี่น้องเอ้ย

  3. #3
    ท่องเวบ สัญลักษณ์ของ pui.lab
    วันที่สมัคร
    Jul 2006
    ที่อยู่
    โสดไม่มีใครเอา หรือว่าเราไม่เอาใคร
    กระทู้
    8,954
    บล็อก
    9
    ป๊าดดดดด น้องแพร พี่ปุ้ยกะว่าเช้านี่จะมาตั้งผญาเพลงนี่หล่ะ
    ใจตรงกันน้อ แม่นผะบ่าวที่คิดฮอด คนเดียวกันบ่น้อ คึ คึ
    บ้านมหาดอทคอม เว็บไซต์ส่งเสริม ศิลปะ วัฒนธรรมไทย ศิลปิน ความรู้ออนไลน์
    st1: มิตรภาพและรอยยิ้ม กับดีเจคนไกลบ้าน st1:

  4. #4
    Super Moderator สัญลักษณ์ของ ไก่น้อย
    วันที่สมัคร
    Aug 2006
    ที่อยู่
    นครโคราช
    กระทู้
    4,928
    บล็อก
    8
    มาม่วนหลายแทะน่อหล่า
    คำผญาเพิ่นส่งข่าว
    ถามหาบ่าวผุหนีหน้า
    วาจาเจ้า มาม่วนหุแทะน่อ น้องแพรเอ้ย ..

    อันนี้ฝากน้องแพรไปหาพี่ชายแน่เด้อจ้า
    ฝากนำสายลมเศร้า
    ว่าคนเหงายังคิดต่อ
    บ่าวรูปหล่อผู้ไกลบ้าน
    สัญญาณว่าง ให้ส่งถึง ...แน่เด้อ ...พะนะ (ไหมเหล้าเดะ มิดคักหลาย ฮ่าๆๆ)
    กระเบื้องจะฟูลอย น้ำเต้าน้อยจะถอยจม เมฆจะหล่นฟ้าปลาจะกินดาว ลาวจะครองเมือง ::)

  5. #5
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    5,708
    บล็อก
    23
    ความคึดถึงความคึดฮอด.. บ่เคยจอดลงพักเซา
    ถึงบ่ฮอดยังส่งให้เจ้า.. สู่แลงเซ้ายังคงเดิม.. น้องแพรเอ้ย :l-



    อั่นบ่ได่ฟังเพลงม่วนๆพร้อมผญาน้องแพรดนละเนาะไก่น้อย.. อยู่ดีมีแฮงอยู่ดอกล่ะเนาะน้องสาว..
    มองต่าง..อย่างปลง

  6. #6
    ศึกษาหาความรู้ สัญลักษณ์ของ หนุ่มน้ำโขง1
    วันที่สมัคร
    Apr 2010
    กระทู้
    48

    จะแม่นอิจฉาผุบ่าวเจ้าเดเนาะหล่า

    ไผน้อไผคนนั้น คือสำคัญบ่ผันเปลี่ยน เวียนให้เจ้าคึดพ้อ อยากเห็นหน้าอยู่บ่เซา อิจฉาเดเขาผู้นั่น คนสำคัญของใจอุ่น โตเจ้าของสิได้ลุ้น คือเขาบ้างแนบ่น้อ ....

  7. #7
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,179
    แพรเอ๋ย เจ้าผู้แพรผ้าก้อม อ้ายยังฮ่อมหวนฮัก
    บ่อาจหลักหลอยหนี ส่งดีคำน้อง
    โลกาผองมวลโลก โลกาฟ้าคื่น
    พี่หากยืนอยู่ยั้ง ฟังเบื้องบ่อนความ
    น้ำทั่งถ้วมวังแก่กระแสสินธุ์ พี่ได้ยินโดยหู บ่ห่างหายความกลุ้ม
    มรสุมเผาไหม้ควันไฟเอ้าอูด กัมมันต์จูดก่อตั้ง รังสีเซื้อส่งไอ
    เห็นควันไฟเหยกุ้ม เกาะกุมพี้นเกาะใหญ่
    ทางเจแปนฮ่ำไห้ โฮฮ้องสนั่นเมือง
    ทราบเหตุเรื่อง หากเคืองขุ่นหนุนอก
    แสนสิทรมานทก ทั่งทรวงเพม้าง
    บ่หอนวางใจจ้อ โอหนอสังเป็นต่าง
    คึดฮอดทางผู้อยู่พุ้น ขอบุญก้ำ..แม่นจ่องนำ แท้แล้ว


    เอ๋า..ข้อยคือมาลงกลอนนี้นอ เหอ ๆ ๆ เอาเป็นว่า ส่งใจไปซ่อย ทางญี่ปุ่นเพิ่นเนาะ แพร
    วรรณคดีล้ำลำนำเอื้อนเอ่ย เขยภาษาพากษ์เว้าลาวพื้นกล่าวไกล

  8. #8
    ฝากบอกเด้อสายลมเศร้า......ว่าคนเหงายังคือเก่า
    คำคิดฮอดที่เคยเว่า....ยังคงเฝ้าแต่จ่มหา


    ฝากวาจาที่เคยต้าน....แต่วันวานบ่ป็นอื่น
    ทุกวันคืน..คิดฮอดหน้า
    สัญญาเจ้า อย่าเปลี่ยนไป เด้อ อ้ายเอ้ย....


    ฝากคึดฮอดนำแหน่เด้อจ้าน้องแพรเอ้ยยยย......
    :l-
    คนที่กล้าจะพ่ายแพ้เท่านั้น...ที่จะประสบความสำเร็จอย่างยิ่งใหญ่

  9. #9
    ศิลปิน นักแต่งผญา สัญลักษณ์ของ หญ้านาง
    วันที่สมัคร
    Jul 2009
    กระทู้
    619
    ม่วนหลายจ้าเอื้อยแพร สุดยอดเลยจ้า

  10. #10
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    5,708
    บล็อก
    23

    ผู้หญิงคนหนึ่ง..คิดถึงอ้ายจ้า..

    ไปฟังเพลงในห้องกล่องเพลงมา..ใจสิขาดนำเพลง..เลยมาทิ่มไว่นี้ล่ะ..:l-








    ผู้หญิงคนหนึ่ง..คิดถึงอ้ายจ้า..


    ผู้หญิงคนหนึ่ง..คิดถึงอ้ายจ้า..


    อยู่ทางไกลฝ่ายก้ำ คึดฮอดกันแน่ะบ้อ
    บ่ได่พ้ออยู่ไกลหน้า อ้ายอย่าพาใจห่างหนี

    สิบปีล้ำไกลกัน อย่าได่ลืมน้องคนเก่า
    คนที่เคยฝากฮักเจ้า อยู่สู่เซ้าแลงคอย

    ถึงว่าไกลห่างค้อย ดนล้ำเกินคึดต่อ
    อย่าได่ลืมเด้อทางน้อง ที่หมายข้องอยู่สุยาม..อ้ายเอ๋ย




    ผู้หญิงคนหนึ่ง..คิดถึงอ้ายจ้า..



    มองต่าง..อย่างปลง

หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย

Tags for this Thread

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •