มื้อนี้ วัฒน์ มีเรื่องบางเรื่องมาให้ผุสาวหลายๆคนที่มัก เมา อ่านเป็นตัวอย่างครับ
เป็นเรื่องจริงที่เกิอขึ้นกับคนใกล้ตัวนี่เอง
เรื่องมีอยู่ว่า มีหลานสาวยุผุหนึ่งยุบ้านเลาไปเรียนยุ มหาวิทยาลัยในจังหวัดข้างๆ
แล้วที่สำคัญเลามักกินเหล้าแล้วกะออกเที่ยวเป็นชีวิตจิตใจ ซึ่งตรงกันข้าม
กับความรู้สึกของผุเฒ่าที่หาเงินส่งยุบ้านเลยที่อยากให้ลูกสาวตั้งใจเรียน
พ่อเป็นคนหัวค่อนข้างโบราณ บ่อยากให้ลูกมีแฟน พะนะ ย้านลูกเรียนบ่จบ
แต่ลูกกะบ่เชื่อ มีคือเก่าแต่บ่ยอมพาเมือบ้านให้พ่อรู้ จนมีมื้อหนึ่งเลากะออกเที่ยวตามเคย
แล้วกะกินจนเมาตามเคย เลาเลยว่า อ้ายๆพาข่อยเมือส่งบ้านแหน่ เลาบอกผุบ่าวเลา
ผุบ่าวกะหิ้วปีกขึ้นรถแล้วกะขับพาเมือส่งจนฮอดบ้านกะไปเอิ้นพ่อลงมาเอาขึ้นเมือนอน
หลังจากเลานอนยุเทิ่งเฮือนแล้วผุพ่อกะย่างลงมาหาผุบ่าวเลาพร้อมกับเงินอีก 500 บาท
ยื้นให้ผุบ่าว ผุบ่าวเลาเลยว่าค่าหยังพ่อ พ่อกะเลยบอกว่าค่า อินางเหมารถเจ้ามาบ่แม่นติ
555555555 ย้อนอินางบ่เคยบอกเลาว่ามีผุบ่าวเลาเลยเข้าใจว่าลูกสาวเหมารถมา
ชะนั้นไผมีกะฟ่าวบอกผุเฒ่ายุบ้านเด้อ เผิ่นจั่งสิบ่ได้ว่าเหมารถเมือบ้าน
Bookmarks