สาวนาหน้าแหล่คือน้องเขมฯ ยามว่างเว้นจากงานไฮ่งานนากะหาหย่างเล่นเน๊าคะ
หม่องหย่างผัดบ่แม่นห้างสรรพสินค้าสั่นแหล่วบาดนี่
ได้หย่างเบิ่งแต่นาแล้ง ๆ แห้ง ๆ
คือหน้าเจ้าของยามบ่มีเงินคักค่ะ
มาเด้อค่ะมาเบิ่งนาแล้งทางเขมราฐนำกัน
ฮอดแล้วค่ะ เถียงนาน้อยคอยอ้าย
ย่อนบ่มีผู้ซ่อยคราดซ่อยไถ น้องเขมฯ เลยได้เฮ็ดนาหว่านเบิดท่งเลยค่ะ
แล้งหลายค่ะทางหนองผือ หว่านไว้จนไบขอบใบจังเบิดเลย
เหลียวเบิ่งไฮ่มันกะคือจั่งงามอยู่ แต่หังเป็นของเพิ่น ผู้มาเช่าที่เฮ็ด
ปีหน้าก่อนเถอะ.. จะปลูกเองเบิ่ง :l-
แม้แต่ฝายกกค้อ อู่ข้าวอู่น้ำของน้องเขมฯ กะยังมีสภาพเป็นแบบนี้
บ่น่าเชื่อเลยค่ะ ว่าตอนนี้ใกล้เข้าพรรษาแล้ว ตกมาถ่อนฝนจ๋า....
เบิ่งนาแล้งแล้วหดหู่ ขึ้นโคกหาแนวอยู่แนวกินติดกะต้าเมือกินแลงนำก่อนค่ะ
แน่ะ เว้าแล้วกะเห็น ขวยกิโป่ม แต่เอาไว้ก่อน จั่งมาขุด...
เบิ่งไปเบิ่งมาดอกขิงป่ากะงามคือกันเน๊าะค่ะ
ดอกอีลอกกะแฮ่งงามแฮงค่ะ แปลกดีนำ "สวยแบบแปลก ๆ "
สาว (เหลือ) น้อยเสื้อแดง ท่ามกลางนาแล้ง
แมงแคงค้อ คือเป้าหมาย หรือ เหยื่อ ของสาว (เหลือ) น้อยเสื้อแดงค่ะ
แนมเห็นอยู่ยอดต้นค้อน้อย จัดการคุบเก็บกำเลยค่ะ
แมงแคงค้อ โตใหญ่ กลิ่นขิวคล้าย แมงดา กำลังไข่ ป่นแซ่บค่ะ
มีปีกพร้อมค่ะ บินได้คนเก็บต้องใช้วิทยายุทธความเร็วขั้นเทพ
ในการเก็บกว่าแมงแคงนำต้นจิกค่ะ
ได้มาแล้ว สาว (เหลือ) น้อยของเฮากะจัดการห่อใบตองเก็บให้เรียบร้อย
ป้องกันการหลบหนีของเหยื่อค่ะ
Bookmarks