นิมนต์พระสงฆ์มา9 รูปจ้า
เจ้าคณะตำบลกุดโบสถ์จ้า หลวงปู่อายุ91ปีแล้วจ้า แต่ยังแข็งแรงจ้า
ยามกลับบ้านสิไปกราบเลาและฮดน้ำมนต์ทุกปีจ้า ปีนี้ตอนไปกราบเลาอยู่วัด
อยู่ซื่อๆหลวงปู่กะตั้งเทียนแบบบ่ลนก้นเทียนลงกับพื้นให้เห็นนำจ้า
จับมาวางลงซื่อๆ เทียนกะตั้งตรงบ่ล้มลงมานำจ้า
เจ้าภาพใส่บาตรก่อน อันนี้สาวทองแพงก็บ่เข้าใจจ้า
ว่าเจ้าภาพคือต้องใส่ก่อนจ้า ไผรู้แน่จ้า มื้อนั้นกะลืมถามเพิ่น
เพราะสาวทองแพงยากนำถ่ายรูป เพิ่นเลยฮ่ายให้เพราะไปใส่บาตรหลังหมู่จ้า
อาหารคาว-หวานจ้า
เฒ่าพ่อประเคนพาข้าวถวายพระจ้า
พระเพิ่นฉันข้าวแล้วๆ ก็ให้ศิลให้พรจ้า เฮ็ดบุญแบบก้อมๆแต่อบอุ่นจ้า
หลวงปู่เจิมเฮือนให้จ้า
นิมิตรหมายอันดี มีแต่ความสุข อยู่เย็นเป็นสุข
ปกติหลวงปู่สิเว้าน้อย มื้อนั้นทั้งคุย ทั้งหัวเราะจ้า ธุจ้า สาธุ....
ชื่นบานกันถ้วนหน้า โดยเฉพาะเฒ่าพ่อ อ้อมกอดแรกตั้งแต่สาวทองแพงจำความได้เลยจ้านี้
ขอบคุณสามแม่ครัวจ้า อา น้า และพี่สะใภ้ที่มาช่วยเฮ็ดแนวกินจ้า
เริ่มจากศูนย์ จบด้วยสองมือและอีกกำลังใจที่นับไม่ถ้วน
ที่คอยโอบกอด ในยามเดียวดาย อุ้มชู ในยามที่ท้อถอย ล้มลง
ให้มีแรงลุกขึ้นสู้ครั้งแล้วครั้งเล่า จนมีวันนี้ได้
ขอบคุณเว็บมาสเตอร์ ทีมงาน ดีเจอาสาและพี่น้องทุกท่านๆ
กำลังใจที่ช่วยให้มีวันนี้ได้ส่วนหนึ่งมาจากบ้านมหาเฮานี้ละจ้า
ธุจ้า ขอบคุณอย่างสุดซึ้งจ้า
สาวทองแพงขอเป็นกำลังใจให้พี่น้องที่กำลังท้อ ลุกขึ้นมาสู้ต่อเด้อจ้า
Bookmarks