กำลังแสดงผล 1 ถึง 4 จากทั้งหมด 4

อิสสระ..สุขจริงหรือ..?

  1. #1

    อิสสระ..สุขจริงหรือ..?

    มื้อความเหงาและความท้อ มารุมจ่อทางหัวใจ
    มองทางได๋กะเปล่าแปน ตำแหน่งแฟนแขวนป้ายว่าง
    แนวขวางทางตางซ่อยต้าน ทานมรสุมที่รุมถั่ง
    คือความหวังยังนิดหน่อย มาลอยล่อต่อกระแส
    ถึงในใจบ่ยอมแพ้ หากลอยแพแค่โดดเดี่ยว
    หนทางเทียวกะอ้างว้าง ลอยเคว้งคว้างกลางทะเล
    เรือรักเพเทใจฮ้าง ปลดระวางหาทางปล่อย
    ถิ่มให้ลอยเท้งเต้ง เส็งคลื่นคั่งพระลาน
    หลายคนผ่านมาพบพ้อ ได้ถามส่อเป็นได๋แน่
    แต่..หากไร้คนเอิ้น เชิญขึ้นไปฮ่วมเฮือ
    มาคิดเหลือใจฮ้าย บางคนกายผัดเย้ยใส่
    คือสิไคอยู่ตี้เนาะ ถืกปล่อยเกาะแนวนี้
    ฟังวจีแล้วปวดจ้าว หนาวในในไผ๋ฮู้บ่
    อิสสระกายเพียงพอ แต่วันท้อและอ้างว้าง อยากมีคนนั่งข้างต่างซ่อยแชร์...อยู่ดอก..

  2. #2
    ร่วมถ่ายทอดความรู้สู่สังคม สัญลักษณ์ของ กำลังใจ
    วันที่สมัคร
    Mar 2007
    กระทู้
    1,611
    บล็อก
    1
    ตอบโดยไม่ต้องคิดเลยจ้า อิสระ..สุขจริงๆ

  3. #3
    ฝ่ายประชาสัมพันธ์ สัญลักษณ์ของ สาวแพม
    วันที่สมัคร
    Dec 2009
    ที่อยู่
    สมุทรปราการ
    กระทู้
    173
    แพมมี่กะคิดว่าสุขอยู่จ้า เว้าแบบบ่คิดมาก อิอิ

  4. #4
    ฟังแต่คำเพื่อนเว้า เฮาโหลดเหงานำเพื่อนนิ
    อดสาใจแน่ตี้ ตั้งหลักใน้แน่นแน่น
    อย่าสุแค้น แปนป่องไป
    อดสาเด้อหัว รักษาไว้อย่าไห้ห่ำ
    เพื่อนก้อนคำ คันบ่มีคนว่าเว้า
    เฮาเข้าใจได้สิรับฟัง เด้อหมู่เอ้ย
    อย่าสุสนคำเยาะเย้ย เขาบ่เคยถูกเจ้าของ
    มื่อได๋ลองถืกเขา สินั่งเหงากว่าเฮาช้ำ
    คิดเสียว่ามันเป็นกรรม ที่ทำไว้ในชาติก่อน
    ให้เจ้าถอน อโหสิกรรมนำคะเจ้า สาเด้อเพื่อนเอ้ย
    [/I]