หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 17

หัวข้อ: มาเด้อกิน ข้าวต้มมัด เฮ็ดมาแจกพี่น่องค่ะ

  1. #1
    ศึกษาหาความรู้ สัญลักษณ์ของ ข้าวต้มมัด
    วันที่สมัคร
    Aug 2010
    กระทู้
    986

    รอบยิ้มพิมใจ มาเด้อกิน ข้าวต้มมัด เฮ็ดมาแจกพี่น้องค่ะ

    อันแนวนามขนมต้ม หล่อกลมกลมเอากล้วยห่อ
    ข้างในหนอมีข้าวกล้วย เฮ็ดอ้วยส่วยยุข้างใน
    ตัดเป็นท่อนยัดใส้ ห่อเข้าไปไส่หมากถั่ว
    จับมัดหัวมัดท้าย จับกีบไว้มัดใส่กัน
    วิธีเฮ็ดว่านั้น ท่านทั้งหลายชอบจับคู่
    บางเทื่อมันบ่มีคู่ โคมสามนั้นกะหากมี
    เสร็จพิธีแล้วเรียบร้อย เอาไปต้มใส่ไฟต่อ
    หอมแต่อยู่ในหม้อ ยอตั้งว่างเตา พี่น้องเอ้ย

    มาแถลงแจงเค้า เอาแนวเก่ามาดัดแปลง
    คันสิให้แซบแฮง แจงข้าวผัดกะทิพร้อม
    พอข้าวหอมต้อมใส่กัน แล้วห่อใหม่
    ยังคงใส่ใบตองกล้วย พร้อมกล้วยส่วยใส่นำ
    จำจัดแจงเรียงร้อยใส่รังผึง หนึ่งกันเป็นซึงเรียงกันเป็นชั้น
    สุกแล้วมาแจกกัน แกะฮอยต้มตอกมัด
    ตัดออกเป็นชิ้นชิ้น ตกแต้มแต่งจาน
    ใสน้ำตาลหมากพร้าวน้อย ตามฮอยหมากพร้าวขูด
    สุดแต่แซบท่อนั้น ทางบ้านเจ้าเอิ้นว่าหยั่ง
    เป็นตาซังคักแท้ เอิ้นหัวหงอก พะนะ
    มาอยากหัวคักแท้ เห็นแล้วแพ้ น้ำลายไหล
    หอมหวลชวนติดใจ บ่อดสาใจไวแหล่ว พี่น้องเอ้ย


    อึ..หึ...ชิมก่อนหมู่ดอก แจกๆ ข้าวต้มมัด ชิมนำกันให้ทั่วถึงค่ะพี่น้อง มีเทิ่งหงอกและบ่หงอกเลือกเอาเด้อค่ะ
    แก้ไขครั้งสุดท้ายโดย ข้าวต้มมัด; 11-01-2011 at 22:00.

  2. #2
    ศึกษาหาความรู้ สัญลักษณ์ของ ข้าวต้มมัด
    วันที่สมัคร
    Aug 2010
    กระทู้
    986
    มื่อนี้ขออนุญาตินำผลงานผญ๋า ของนักแต่งผญ๋าอีกท่านหนึ่งชื่อว่า จ็อมเเป็ย
    เพิ่นได้ต้อยผญ๋าข้าวต้มในเวฟฮีตอีสาน ซึ่งทำให้ข้าวต้มอยากแต่ผญ๋าบทข้างบนมาให้อ่าน
    ขอให้พี่น้องอ่านนำกันค่ะ " บ่ธรรมดา " ชั้นครูค่ะ




    โอนอ เจ้าผู้แนวนามต้ม ขนมกรวยเอากล้วยห่อ
    หอมตั้งแต่อยู่หม้อ ยอตั้งว่างเตา
    สุกไปน้อหล่ะเจ้า ข้าวต้มห่อแกมกลอย
    อ้ายหากคอยทางลัด มัดตอกแกะต้ม
    คือสิหวานบ่มีส้ม บ่มีขมใบตองฝาด
    เอามาฟาด......โอ๊ะฮ้วย ขอจักถาดแหน่ละน้อง
    อยากลองเมี้ยน ให้อิ่มพุงเบิ่งเด้ อิ อิ อิ
    แก้ไขครั้งสุดท้ายโดย ข้าวต้มมัด; 11-01-2011 at 15:36.

  3. #3
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,179
    โอนอ เจ้าผู้แนวนามต้ม นามขนมใบตองห่อ
    แม่นไผนอผู้ตัดตองให้เจ้า สังมาห่อเอ้าเป้า เป็นน่าอยากกิน
    ไผนอสีนใบกล้วย เขียวนวยๆให้เจ้าห่อ
    สังมางามกะด้อ อยากขอต้อยเบิ่งตอง
    บ่ได้ลองซิมต้ม หวานขมเจ้าปรุงใส่
    เลียแต่ตองกะได้ พอให้ฮู้ฮ่อมดัง..หล้าเอ่ย

    ฮ่า ๆ ๆ เหอเห่ย คิก ๆ ๆ
    วรรณคดีล้ำลำนำเอื้อนเอ่ย เขยภาษาพากษ์เว้าลาวพื้นกล่าวไกล

  4. #4
    ฝ่ายบริหารระดับสูง สัญลักษณ์ของ ตรี ศรีเมืองใหม่
    วันที่สมัคร
    Apr 2006
    ที่อยู่
    หนุ่มอุบล คนศรีเมืองใหม่
    กระทู้
    4,490
    ฮ่า ฮ่า ฮ่า อ้ายศรีเจ้ามาอ่านกินข้าวต้มมัดข้อยจั่งได่ สิเลียฮอดใบตอง ว่าซ้านนนนน..... เจ้ามาถอนคําพูดเด้อ อันว่าใบตองนั้นข้อยสิเอาใว้เลียผู้เดียว ฮ่า ฮ่า ฮ่า เอิ้กกกก
    :welcome3"...ศรีเมืองใหม่แดนธรรมประเสริฐ ถิ่นกำเนิดหลวงปู่มั่น ลือลั่นสวรรค์ภูหล่น ยลสวยหินผานางคอย ลอยล่องแก่งจุการ งามตระหง่านเสาธงวงกลมใหญ่...">>>>> www.muangmai.ob.tc

  5. #5
    ศึกษาหาความรู้ สัญลักษณ์ของ ข้าวต้มมัด
    วันที่สมัคร
    Aug 2010
    กระทู้
    986
    โอน้อ อันว่าพี่ทองก้อน ทองคำงามคู่
    หมู่เจ้าบ่ต้องสู้ เลียนั้นดอกใบตอง
    น้องเฮ็ดคองคอยอ้าย ชายทั้งสองได้มาม่าย
    เฮ็ดไว้หลายแท้แท้ กินท่าแหมะมันสิเย็น
    นางจัดเป็นถาดถาด ดูสะอาดสะอ้านตา
    มามาเชิญพี่มา เข้ามาสาข้างในพี้
    กินแล้วตี้รสชาด ถามว่าหวานพอดีบ้อ
    พอบอน้อหมากพร้าว นางฟ่าวโพดใส่บ่หลาย
    เฮ็ดไว้หลายแท้เด้อ้าย หึ...มาฟ่าวมากิน
    เทิ่งน้ำเย็นน้องสิริน พี่ทั้งสองประคองแก้ว
    คันแมนกินเสร็จแล้ว อย่าสุแจวหาแนวใหม่
    เดี๋ยวน้องสิพาไป นั่งเฝ้าเบิ่งหมอลำ เด้อพี่เอ้ย.....

  6. #6
    แบ่งปันความรู้และประสบการณ์ สัญลักษณ์ของ ม๋าน่อย
    วันที่สมัคร
    Feb 2010
    ที่อยู่
    มุกดาหาร
    กระทู้
    379
    บล็อก
    2
    อิ อิ อิ อิ มะอยากหัวผุบ่าวซ่ำน้อยสองคนเพิ่นยาดกันกินใบตองพะนะ

  7. #7
    ศิลปิน นักแต่งผญา สัญลักษณ์ของ พลายแก้ว
    วันที่สมัคร
    Dec 2008
    กระทู้
    630
    เจ้าผู้แนวนามต้ม ขนมมัดชาติอร่อย
    ซ่างมาอ่อยแอ่วล้อ คนซอหุ้มแล่นนำ แท้น้อ
    ผุลังคนตั้งท่าล่ำ ลิ้มรสเลียตอง
    อยากสิลองของหวาน บ่ย่านความดันพุ่ง
    เห็นคนมุงเหมิดบ้าน เสียงกล่าวขวัญอึงหมี่
    ว่าได้มีบ่าวซ่ำน้อย มาคอยยื้อยาดกัน...
    แม่นอิหลีตัวะนั้น ยาดกันกินกะบ่ว่า
    แต่หากงึดแท้นา ซ่างมาเป็นไปได้ เกิดศึกใหญ่..ชิงตอง..พะนะ



    ฮ่าๆๆๆๆ คือสิแซบคักเนาะ อาจารย์ กับ อ้ายบ่าวเซียง เอิ๊กๆๆๆ

  8. #8
    แบ่งปันความรู้และประสบการณ์ สัญลักษณ์ของ แดนดาหาร
    วันที่สมัคร
    Feb 2010
    กระทู้
    164
    เอ้า..ยาดกันเข้าไปโลดตองห่อต้มน่ะ ทางนี่ได้แต่ตอกมัดต้มกะเอาดอก555

  9. #9
    ศึกษาหาความรู้ สัญลักษณ์ของ ข้าวต้มมัด
    วันที่สมัคร
    Aug 2010
    กระทู้
    986
    แก้ผญ๋า บ่าวก๋าคามค่ะ


    โอน้อ บาบ่าวก๋าคามเอ้ย ธรรมดาละน้อเจ้า
    ขนมหวานบ่มีฝาด ผู้ฉลาดมาดมาตั้งแต่ตอง
    ตามคันลองอองกล้วย ส่วยหน่วยในเหลืองอุ้ยฮุ้ย
    เจ้าหย่างสุยเบิ่งท่าแหม่ะ คันบ่อแพ้ฮอดซานดัง
    หยั่งบ่หยั่งกะตามแหล่ว แนวของกินมีคุณค่า ชายเอ้ย
    เฮ็ดกันมาตั้งแต่เค้า จนผู้เฒ่าเอิ้นตำนาน พุ้นแหล่ว
    ฮู้จักกันทุกหมู่บ้าน ขนมหวานข้าวต้มมัด
    ผู้เฒ่าจัดแจงไว้ ไทบ้านถิ่นอีสาน
    มีข้าวสานกับกล้วย ใบตองส่วยหมากถั่วใส่
    พ่อใหญ่สีจัดตอกไว้ คันแม่นใกล้สิเฮ็ดบุญ
    อันพ่อคุณคนโก้ อย่าสิโม้อยากลองบ้อ
    นี้ละน้อของแซบ มันบ่แจบเฮ็ดจั่งได๋
    อ้ายทั้งสองแซวกันไป พอเฮ็ดให้ผญ๋าม่วน
    มีคนชวนติดตาม ความแท้แก้ผญ๋า เด้อเพื่อนเอ้ย



    ขอขอบคุณอาจารย์ศรีสะท้านและอ้ายบ่าวเซียงน้อย เป็นอย่างสูงค่ะ
    ที่มาเป็นกำลังใจและมาสร้างสีสันในการแต่งผญ๋าของข้าวต้มมัดค่ะ ม่วนแน่บ่ออ้าย อิอิ
    แก้ไขครั้งสุดท้ายโดย ข้าวต้มมัด; 15-01-2011 at 15:04.

  10. #10
    ศิลปินแดนไกล สัญลักษณ์ของ chudhancock
    วันที่สมัคร
    Oct 2008
    ที่อยู่
    cambridge, England
    กระทู้
    1,949
    กินกะกินนี่บอได้ ดมแต่ไอดมแต่กลิ่น
    อยากสิกินให้อิ่มท้อง ของแซบแมนมักหลาย
    ข้าวต้มมัด ลูกเฮ็ดไว้ ย้อนว่าไข้ บอได้ซิม ลูกเอ้ย

    อิอิอิอิมาแจมนำเด้อจ้าลูก สาวแม่

หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •