สองพันสิบหล่วงย้าย สิบเอ็ดกลายเข้ามาผ่าน
สุขสำราญหม่วนแม้ง อยู่ดีมีแฮงกันคือเก่า
บ้านมหาฯถิ่นเค้า ชาวพี่น้องทุกทุกคน
วันเดือนปีที่ผ่านพ้น ด้วยอดทนและฟันฝ่า
ปารถนาในมิตรแท้ ขอแคร์บ้างบาดห่างกัน
สานสัมพันธ์คุยเว้า พอคลายเหงาได้เป็นหมู่
กำลังสิใจต่อสู้ สรรค์สร้างฮอดต่างแดน
จากไทยแลนด์แฟนเค้า บ้านเก่าที่ยังฮัก
อุปสรรคยังพอมี ให้อยู่ดีเด้อเจ้า
อย่าสิหมองสูญเศร่า ยามแลงงายบ่ายค่ำ
คุณพระพุธทคุณพระธรรมคุณพระสงฆ์ ทุกพระองศ์จงหล่ำเยี่ยม
ให้เฮียมเจ้าจงอยู่ดีเยอ...น้องพี่เด้อ...
ธุจ้าธุจ้าธุจ้า
แก้ไขครั้งสุดท้ายโดย pcalibration; 14-01-2011 at 16:05.
ม่วนคักหลายครับ อ้ายพีฯ..ธุจ้าธุจ้าธุจ้า
สรรพพรโอมอ้าง วางลงตรงบอร์ด
แทนคิดฮอดและห่วงใย จากพี่ชายคนโก้
รักษาโตแน่เด้อท่าน สุขสำราญดั่งพรว่า
อายุ วรรณะ สุขะ พละ จตุระพิธะพร พิพัฒน์ตุ้ม นำคุ้มบ่าวพี่ชาย..
:l-:l-:l-
สิบนิ้วประนพนอบ น้อมรับพรจากพี่
อันโตน้องคนดี สิส่งพรไปหาเจ้า คือด้ามดั่งกัน
ฝากพุทโธธัมโมสังโฆหมั่น นำกันไปหาพี่
ให้มาตุ้มมาฮี สุขขีหลาย ภัยฮ้ายอย่ามาพาล
ให้สำราญอยู่ ดีกินแซบ
พรทั้งสี่น้องสิแนบ แอบไปกับสายลม
ส่งมาจากโจกโหลกฟ้า ทางก้ำถิ่นยุโรป เด้อพี่เอ้ย
อายุ วัณโณ สุขขัง พลัง สาธุ
แก้ไขครั้งสุดท้ายโดย ข้าวต้มมัด; 13-01-2011 at 15:42.
มวนหลายแท้เด้อหลานพีจ๋า สุดยอดเลยจ้ามวนและก็มีเนื้อหาสาระดีขนาดเลยจ้าเก่งๆๆๆ
กฎการส่งข้อความ
อ้างข้อความนี้
Bookmarks