สาวทองแพงไปเยี่ยมยาย เลาะทุ่ง ชมสวนที่กำแพงเพชรจ้า

[สาวทองแพง]

สวัสดีจ้าพี่น้อง ปีนี้ตอนกลับไปยามบ้าน สาวทองแพงขึ้นไปเยี่ยมยายอยู่อ.คลองลาน จ.กำแพงเพชรจ้า
สาวทองแพงผูกพันกับยาย กับตา และบ้านทางนี้หลายจ้า เพราะเคยไปอยู่ตอนน้อยๆ
พอดีสาวทองแพงร่างกายบ่ค่อยแข็งแรงสมัยแต่ก่อน การเดินทางไปหาหมอก็ลำบาก
เฒ่าพ่อกับเฒ่าแม่เลยพากลับมาอยู่โคราชจ้า
มักหลายอากาศทางพุ้น บ้านติดเขา ล้อมรอบไปด้วยทุ่งนาและไร่สวน
เสียดายแต่มื้อไปฮอด เพิ่นกำลังตากมันสำปะหลังพอดีจ้า มีตะฝุ่นจ้า

ยายเอี่ยมของสาวทองแพงจ้า ปีนี้ยายอายุ80ปีพอดีจ้า
วันเกิดยาย ได้ซิ่นไหมไปไหว้ยายจ้า ไปแล้วบ่อยากกลับโคราชเลยจ้า

โชคดีนำจ้าปีนี้ ไปถึงก็ได้ทำคลอดให้น้องแป้ว ฮ่าๆๆ ลูกดกขนาด8โตพุ้นจ้า

ลงทุ่งหาปูมาลาบจ้า อยากกินลาบปูจ้า

ลานตากข้าวข้างบ้านจ้า

ไร่มันสำปะหลัง สวนลำใย สวนไผ่ จ้า อากาสดีๆจ้าทางพุ้น อากาศก็บ่ฮ้อนจ้า

บักสีดาบ้าน แซบๆจ้า

ฟักเขียว ปีนี้บ่ได้กินขนมฟักเลยจ้า ย้านยายเมื่อยเลยบ่บอกว่าอยากกินจ้า คิคิ

มันอ้อนจ้า ต้มแซบกว่ามันมือเสืออีกจ้า ปลูกก็ง่ายๆ เอาไปฝังดินไว้ซื่อๆจ้า
ช่วงเข้าหน้าฝนใหม่ๆ พอฮอดหน้าหนาวก็ขุดมาต้มกินได้แล้วจ้า

ขิงอ่อนๆ เอามาใส่ส้มตำแซบดีจ้า ยายเพิ่นขุดให้เฒ่าแม่ไปปลูกอยู่โคราชจ้า


ไก่บ้าน ต้มแซบๆจ้า ซุมหนึ่งไปกินข้าวอยู่ในลานจ้า กินไปหลายโตอยู่จ้าจังกลับโคราช 555++

ขอลาด้วยภาพตาฮักนี้จ้า บ่อยากกลับบ้านเลยจ้า
ไปบ้านยายแล้วมีความสุข อบอุ่น อากาศก็ดีกว่าทางบ้านสาวทองแพงอีกจ้า
ยามเช้าตื่นมาก็ได้ยินเสียงนกกาเหว่า

ขอบคุณสำหรับพื้นที่และทุกท่านที่แวะมาชมกระทู้จ้า

[ไก่น้อย]

ฮ่าๆๆๆ เห็นภาพสุดท้าย เอื้อยไก่หลงว่าแม่นสิพาลาบหมา ฮ่าๆๆ โอยยน่อ เพิ่นพาหาตะแนวกินหลาย ฮ่าๆๆๆ

ปล.....บรรยากาศดีมากจ้า น้องแพง ขอให้คุณยายสุขภาพแข็งๆเด้อจ้า

[chudhancock]

โอ้โห หลานแพงจ๋า เป็นมีความสุขหลายเนาะจ้าหลานได้ไปหาไปพ้อยาย โชคดีเนาะจ้า
เบิงคุณยายเลาเป็นตาฮักและเบิงแขงแฮงอีกเนาะจ้า เป็นตาอยากไปอยู่นำแท้เด้ วิวทิวทัศ
ก็น่าไปหย่าง มีภูเขานำ ขอให้หลานและก็คุณยายมีแต่ความสุขตลอดไปเด้อจ้า

[คนตระการ...]

ผมกะว่าคือเอื้อยไก่น้อยละ เห็นภาพนั่น ว่าแม่นสิลาบหมาน้อยจากครัวฝึกหัดสาวทองแพงบ้อ...5555


บรรยากาศสุดยอดเนาะครับทางนั่น

[สาวทุ่งฝน]

หมาน้อยเป็นตะฮักจ้า บรรยากาศดีมากๆเลยจ้า คงสิมีความสุขหลาย

[ฮักณ.ทุ่งใหญ่]

พี่ คนตระการ เจ้ากะเดย....ซางเว่า55555555555เอิ๊กๆๆ

[บ่าวอิง]

อากาศแถวกำแพงเพชรดีหลายเนาะเป็นตาอยู่ ที่เหลือพอให้ซื้บ่น้อนิ

[ต่าย]

น้องแพงจ๋า...
น้องหมากับแม่หมาตาฮักหลาย:l- ดูแลเพิ้นดีๆเด้อ แม่หมาลูกหลายต้องบำรุงมันหลายๆเด้อหล่า

บรรยากาศเมืองน่าอยู่มากๆ..เป็นตาไปปลูกบ้านอยู่เนาะ ชื่อเมืองกะน่าอยู่ กำแพงเพชร พะนะ:l-

[pui.lab]

บรรยากาศบ้านคุณยาย เหมาะไปพักผ่นเนาะน้องแพง สร้างบ้านสไตล์รีสอร์ทน้อยๆ
เลี้ยงหมาน้อยนำ

[mewcoppy]

ธรรมชาติที่สวยงาม การเป็นอยู่แบบนี้ สบายกายสบายใจครับ หมาน้อยกะน่ารักดีครับ :l-:l-:l-