สวัสดีจ้าพี่น้อง มีเมนูแก้ง่วงมาฝากจ้า พอดีได้บักขามมาแต่บ้านเฮา
ตอนเมือยามบ้านจ้า แล้วก็ได้ผักขะแยง(แห้ง)จากอำนาจเจริญมานำจ้า
ฝนกะตกดีๆจ้าทางพี้ แดดก็บ่มี เฮ็ดให้เป็นบ่ส่วงจังได๋ดอกจ้า
พอดีไปซอกหาขนมมากิน พอเปิดตู้ออกละได้กินผักขะแยง(แห้ง)
เลยลืมฮอดขนมจ้า ตำบักขามกินดีกว่า บ่อ้วนนำเนาะจ้า ฮ่าๆๆ
ไผท้องบ่ดีกะอย่ากินหลายเด้อจ้า ได้ผูกเสี่ยวกับห้องน้ำได๋ 555++
ส่วนผสม+เครื่องปรุง
1.บักขามอ่อน
2.พริกแห้ง
3.ผักขะแยง(แห้ง)
4.น้ำตาล
5.น้ำปลาหรือกะปิ แล้วก็หรืออีกจ้า 555++ น้ำปลาร้า แล้วแต่ผู้มักน้อจ้า
ว่าสิใส่อิหยังก็เลือกใส่เอาจ้า
วิธีทำ
1.ตำพริกกับบักขามก่อนแล้วค่อยใส่ผักขะแยง(แห้ง)ตามลงไป
2.แล้วก็ใส่เครื่องปรุง ปรุงรสชาตตามชอบจ้า
3.แล้วก็ตักใส่จานบาดก็ถึงเวลาแซบจ้า ง่ายบ่จ้าเมนูนี้ :l-
ซี้ดดดดดดดเข็ดแข่วจ้า ตาปานนกเค้าแมวจ้าบาดนี้ ฮ่าๆๆ
ขอบคุณสำหรับพื้นที่และทุกท่านที่แวะมาเยี่ยมชมกระทู้จ้า
Bookmarks