เมนูมื่อนี่เป็นอาหารฝาหรั่ง พะนะ
เห็ดตากแห้งสั้นดอกค๊า เฒ่าแม่ส่งมาให้จากเยอรมันพุ้นหล่ะ เพิ่นส่งมา 5 สอบ
มีเห็ดผึ้งที่เพ็นนีฮุ้จัก อีกเห็ดหนึ่งจักว่าเห็ดหยังดอกค้า กินเบิ่งแล้วหล่ะ
บ่ตายเบื่อดอกจ้าแกงหลายเทือแล้ว
มีเห็ดยุ 2 อย่าง ก่าเลยไปหย่างเลาะตลาดได้เห็ดขอนน้อยๆมาสมทบ
สายตาอัจฉริยะแนมไปเห็นลำผักทูน กะเลยเอามาแกงใส่กัน
เครื่องเครากะมีคือแกงเห้ดทั่วไปนั่นหล่ะค่ะ
ตะไคร้ หอมแดง พริกแดง ใบแมงลัก ใบมะขาม (หย่างรอบตลาดบ่มีผักติ้ว)
น้ำปลา รสดี และกะของแซ่บ ปลาแดกจ้า
หน้าตาออกมาแล้วกะเป็นจั่งซี่หล่ะพี่น้อง แหล่ๆแซ่บๆจ้า
Bookmarks