หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 17

เสียงแคนแทนใจอ้าย

  1. #1
    ร่วมถ่ายทอดความรู้สู่สังคม สัญลักษณ์ของ ทิดจ่อย
    วันที่สมัคร
    Apr 2009
    กระทู้
    752

    เสียงแคนแทนใจอ้าย

    เสียงแคนแทนใจอ้าย

    นั่งเหงาๆ คึดฮอดคนทางไกลพุ้นบายเอาแคนขึ้นมาเป่า
    อยากเห็นหน้าหม่อมเจ้าคนที่อ้ายเอิ้นว่าแฟน
    สุดสะแนนเสียงแคนห่าว ฝากเถิงสาวผู้ไกลห่าง
    เป่ากลบความอ้างว้างลายลำเต้ย ลายลำส่อง ล่องยาว
    ฟังเสียงลายลมพัดพร้าว คือจั่งสาวเจ้ายิ้มใส่
    เป่าลายใหญ่ลายน้อย คือกลอยใจน้องฮ้องแอ่วลำ
    เป่าทางสั้น แทนถ้อยคำรำพันในใจอ้ายที่ฮักห่วง
    ฝากไปแทนความหวง อย่าสุลืมทางอ้าย คือลายน้อยสร้อยมะโน
    ลายลำเพลินเล่นโป้(โป้ : หัวแม่มือ) แทนโตชายผู้นั่งเป่า
    ฝากไปหอมแก้วเจ้าลายเศร้าข้าวต้องลม
    พรมไล่นิ้ว สะบัดปลิว พริ้วแล้นแตร่
    ฝากเทคแคร์คือลายแม่ฮ่างกล่อมลูก ผูกใจเจ้าให้ห่วงหลัง
    ลายโปงลางซิ่ง คือตู๋หลูนางเจ้าเอิ้นใส่
    สังศิลป์ชัย คึดฮอดดงบักหว่า เคยพาน้องไปนั่งกิน
    ลายภูไทอ้อน ศรีทันดร นกไส่บินข่วมท่ง
    ลายล่องโขง น้ำโตนต้อน คึดเห็นตอนเจ้าฟ้อนใส่
    ลายแมงภู่ตอมดอกไม้ แทนใจอ้ายบอกฮักนาง
    แก้ไขครั้งสุดท้ายโดย ทิดจ่อย; 19-01-2011 at 20:45.

  2. #2
    ร่วมถ่ายทอดความรู้สู่สังคม สัญลักษณ์ของ จำปา
    วันที่สมัคร
    Nov 2009
    กระทู้
    1,492
    เอิ้อ...เป่าได้หลายลายน้ออ้าย
    มักลายสาวคอยอ้าย หั่นแหมะค่ะ เป่าให้ฟังแนค่ะ อิอิ

  3. #3
    แบ่งปันความรู้และประสบการณ์ สัญลักษณ์ของ ม๋าน่อย
    วันที่สมัคร
    Feb 2010
    ที่อยู่
    มุกดาหาร
    กระทู้
    403
    บล็อก
    2
    อยากฟังเสียงแคนอ้าย
    เป่าได้หลายลายเนาะอ้ายจ่อย
    ซงสิดังอิ่นอ้อยออดอ้อนกินใจ
    เฮ็ดแนวใด๋จั่งสิได้
    ฟังเสียงลายโปงลางซิ่ง
    สิหม่วนยิ่งจริงแท้
    หาได๋เทียบบ่อปาน พุ้นแล๋ว

  4. #4
    ร่วมถ่ายทอดความรู้สู่สังคม สัญลักษณ์ของ ฮักณ.ทุ่งใหญ่
    วันที่สมัคร
    Jan 2011
    กระทู้
    537
    เขียนกลอนได้ม่วนครับ สละสลวยดี อ่านแล้วคิดฮอดตอนเป็นเด็กน้อย ไปฟังหมอลำกลอนกับย่า

  5. #5
    เจ้าหน้าที่ประชาสัมพันธ์
    ขวัญใจบ้านมหา 2012
    สัญลักษณ์ของ สาวมุก
    วันที่สมัคร
    Mar 2010
    ที่อยู่
    มุกดาหาร
    กระทู้
    683
    อ่านแล่วกะม่วนดีจ้าอ้ายทิด....ถึงแม้สิบ่เข้าใจเรื่องลายดนตรี แต่อ่านแล่วกะซึ้งดีจ้า...

  6. #6
    ป๊าดดดด มาเป่าได้หลายลายแทะอ้ายทิด น้องมาฟังเสียงแคนนำขอรับ..:l-


    พอได้ยินเสียงแคนอ้าย ลายยาวลำล่อง
    แสนที่คิดฮอดน้อง หมองม้อยเมื่อยมะโน
    เจ้าผู้ทองคำโก้ สิโสลืมผู้หน้าก่ำ
    สิคิดนำบักอ้าย ชายพี้แน่บ่น้อ..

  7. #7
    ฝ่ายเทคนิค และถ่ายทอดสด สัญลักษณ์ของ อาวอ้วนเมืองยศ
    วันที่สมัคร
    Apr 2010
    ที่อยู่
    เมืองบั้งไฟ
    กระทู้
    1,594
    บทกลอนต่อนผญา สุดยอดเลยครับ แถมยังได้รับรู้เรียนรู้เพิ่มเติมเกียวกับลายแคนอีก
    นี่คืออีกหนึ่งศิลปอีสานบ้านเฮาที่ผมอยากฝึกอยากหัดครับผม มีหนังสือคู่มือแน่บ่น้อครับ

  8. #8
    ศึกษาหาความรู้ สัญลักษณ์ของ toyota1001
    วันที่สมัคร
    Feb 2010
    ที่อยู่
    นกขมิ้น ถิ่นพลาญชัย
    กระทู้
    61
    สุดยอดของความอัจฉริยะเลยคับ ภาษาสวยดี

  9. #9
    เจ้าหน้าที่ประชาสัมพันธ์ สัญลักษณ์ของ ธิดายาเย็น
    วันที่สมัคร
    Feb 2008
    กระทู้
    1,756
    เก่งแท้จ้า....อยากไปนั่งฟังใกล้ๆเด้จ้า..

  10. #10
    สุดยอดเลยจ้าอ้าย ม่วนหลายอีหลี

    ฟังเสียงแคนอ้ายเล่น
    ตามลมมาหน่ำๆ
    คึดฮอดคำอ้ายเว้า
    ว่าฮักเจ้าหลายกว่าไผ
    เสียงแคนไกลจากเยิ้น
    ฟังสะเทินหัวใจหนิ่ง
    คึดคะนิงหาอ้าย
    สิตายย้อนจ้อนใส่แคน......
    นี้แหล่ว อ้ายเอ๊ย